വൺപ്ലസ് 9 5ജി സ്മാർട്ട്ഫോൺ ഇപ്പോൾ 13000 രൂപ കിഴിവിൽ സ്വന്തമാക്കാം, ഓഫർ ആമസോണിൽ

വൺപ്ലസ് 9 5ജി സ്മാർട്ട്ഫോൺ ഇപ്പോൾ വെറും 36,999 രൂപയ്ക്ക് സ്വന്തമാക്കാം

ആമസോൺ നൽകുന്ന വമ്പിച്ച വിലക്കിഴിവ് ഓഫർ വൺപ്ലസ് 9 5ജി സ്മാർട്ട്ഫോണിന്റെ 8 ജിബി റാമും 128 ജിബി ഇന്റേണൽ സ്റ്റോറേജുമുള്ള മോഡലിന് ലഭ്യമാണ്. ഇത് ഫോണിന്റെ അടിസ്ഥാന വേരിയന്റാണ്. ഇത് കൂടാതെ നിങ്ങളുടെ നിലവിലുള്ള സ്‌മാർട്ട്‌ഫോൺ എക്‌സ്‌ചേഞ്ച് ചെയ്യുമ്പോൾ 5,000 കിഴിവും ലഭിക്കും. ഇത്തരത്തിൽ വൺപ്ലസ് 9 5ജി സ്മാർട്ട്ഫോണിന്റെ വില 31,999 രൂപയായി കുറയുന്നു. ഈ എക്സ്ചേഞ്ച് ഓഫർ ഇല്ലെങ്കിൽ സ്മാർട്ട്ഫോൺ 36,999 രൂപയ്ക്ക് സ്വന്തമാക്കാൻ സാധിക്കും. ആമസോണിന്റെ 5,000 കൂപ്പണാണ് ഈ ഡിസ്കൌണ്ട് നൽകുന്നത്.

ആമസോൺ കൂപ്പൺ കൂടാതെയുള്ള 8000 രൂപ കിഴിവ് ലഭിക്കാൻ തിരഞ്ഞെടുത്ത ബാങ്ക് കാർഡുകൾ ഉപയോഗിച്ച് വേണം വൺപ്ലസ് 9 5ജി സ്മാർട്ട്ഫോൺ വാങ്ങാൻ. ഐസിഐസിഐ ബാങ്കിന്റെയോ കൊട്ടക് ബാങ്കിന്റെയോ ക്രെഡിറ്റ്/ഡെബിറ്റ് കാർഡ് ഉപയോഗിക്കുന്ന ആളുകൾക്കാണ് ഈ 8,000 രൂപ കിഴിവ് ലഭിക്കുന്നത്. ആമസോൺ പേ ഐസിഐസിഐ ബാങ്ക് ക്രെഡിറ്റ് കാർഡുകൾക്ക് ഈ ഓഫർ ബാധകമല്ല. ഈ കാർഡുകൾക്ക് നിലവിൽ 5980 രൂപ കിഴിവ് ആമസോൺ നൽകുന്നുണ്ട്. ഇത് തുടർന്നും ലഭിക്കും.

വൺപ്ലസ് 9 5ജി: സവിശേഷതകൾ

വൺപ്ലസ് 9 5ജി സ്മാർട്ട്ഫോണിൽ 6.55 ഇഞ്ച് (103.6 സെമി) ഫ്ലൂയിഡ് അമോലെഡ് ഡിസ്പ്ലെയാണ് ഉള്ളത്. 120Hz റിഫ്രഷ് റേറ്റുള്ള ഈ ഡിസ്പ്ലെയ്ക്ക് എച്ച്ഡിആർ10+ സപ്പോർട്ട് ഉണ്ട്. 1100 നീറ്റ് പീക്ക് ബ്രൈറ്റ്നസാണ് ഇതിനുള്ളത്. 87.6% സ്‌ക്രീൻ-ടു-ബോഡി റേഷിയോ ആണ് ഈ ഫോണിൽ ഉള്ളത്. 1080 x 2400 പിക്സൽസ് റസലൂഷനാണ് ഈ ഡിസ്പ്ലെയ്ക്ക് ഉള്ളത്. 20:9 സ്ക്രീൻ ടു ബോഡി റേഷിയോവും 402 പിപിഐ പിക്സൽ ഡെൻസിറ്റിയുമുള്ള ഡിസ്പ്ലെയാണ് ഇത്. കോർണിംഗ് ഗൊറില്ല ഗ്ലാസ് 5 ആണ് ഈ ഡിസ്പ്ലെയ്ക്ക് കരുത്ത് നൽകുന്നത്.

ആൻഡ്രോയിഡ് 11 ബേസ്ഡ് ഓക്സിജൻ ഒഎസ് 12ലാണ് വൺപ്ലസ് 9 5ജി സ്മാർട്ട്ഫോൺ പ്രവർത്തിക്കുന്നത്. ആൻഡ്രോയിഡ് 12ലേക്ക് അപ്ഗ്രേഡ് ചെയ്യാനുള്ള സംവിധാനം ഈ സ്മാർട്ട്ഫോണിൽ നൽകിയിട്ടുണ്ട്. ക്വാൽകോം സ്നാപ്ഡ്രാഗൺ 888 5ജി ചിപ്പ്സെറ്റിന്റെ കരുത്തിലാണ് ഈ ഡിവൈസ് പ്രവർത്തിക്കുന്നത്. ഒക്ടാകോർ സിപിയു ആണ് ഇത് (1x2.84 GHz ക്രിയോ 680 & 3x2.42 GHz ക്രിയോ 680 & 4x1.80 GHz ക്രിയോ 680). ഈ ഡിവൈസിൽ അഡ്രിനോ 660 ജിപിയുവും ഉണ്ട്. നിലവിൽ ആമസോണിലൂടെ വിലക്കിഴിവിൽ ലഭിക്കുന്ന മോഡലിൽ 8 ജിബി റാമും 128 ജിബി സ്റ്റോറേജുമാണ് ഉള്ളത്.

വൺപ്ലസ് 9 5ജി സ്മാർട്ട്ഫോണിൽ മൂന്ന് പിൻക്യാമറകളാണ് ഉള്ളത്. പ്രമുഖ ക്യാമറ നിർമ്മാതാക്കളായ ഹാസ്സർബ്ലാഡുമായി ചേർന്നാണ് വൺപ്ലസ് ഈ ഡിവൈസിന്റെ ക്യാമറ സെറ്റപ്പ് തയ്യാറാക്കിയിരിക്കുന്നത്. സ്മാർട്ട്ഫോൺ ഫോട്ടോഗ്രാഫിയെ തിരുത്തി കുറിച്ച സ്മാർട്ട്ഫോൺ ആണ് ഇത്. എഫ്/1.8 ലെൻസുള്ള 48 എംപി ക്യാമറയും എഫ്/2.2 അപ്പർച്ചർ ലെൻസുള്ള 50 എംപി ക്യാമറയുമാണ് ഈ ഡിവൈസിൽ ഉള്ളത്. ഈ 50 എംപി ക്യാമറ അൾട്രാ വൈഡ് ക്യാമറയാണ്. പിൻ ക്യാമറ സെറ്റപ്പിലെ അവസാനത്തെ ക്യാമറ 2 എംപി മോണോക്രോം ക്യാമറയാണ്. ഇതിനൊപ്പം എഫ്/2.4 അപ്പർച്ചർ ലെൻസും വൺപ്ലസ് നൽകിയിട്ടുണ്ട്. ഓട്ടോ എച്ച്ഡിആർ ഉള്ള എഫ്/2.4 ലെൻസോട് കൂടിയ 16 എംപി സെൽഫി ക്യാമറയാണ് ഡിവൈസിൽ ഉള്ളത്. ഇത് മികച്ചൊരു ക്യാമറയാണ്.

വൈ-ഫൈ 802.11 a/b/g/n/ac/6, ഡ്യുവൽ-ബാൻഡ്, വൈ-ഫൈ ഡയറക്റ്റ്, ഡിഎൽഎൻഎ, ഹോട്ട്‌സ്‌പോട്ട്, ബ്ലൂടൂത്ത് 5.2 എന്നീ കണക്ടിവിറ്റി ഓപ്ഷനുകളാണ് ഈ ഡിവൈസിൽ നൽകിയിട്ടുള്ളത്. യുഎസ്ബി ടൈപ്പ്-സി പോർട്ടും ഈ ഡിവൈസിൽ നൽകിയിട്ടുണ്ട്. സുരക്ഷയ്ക്കായി ഇൻഡിസ്പ്ലെ ഫിങ്കർപ്രിന്റെ സെൻസറാണ് നൽകിയിട്ടുള്ളത്. ആക്സിലറോമീറ്റർ, ഗൈറോ, പ്രോക്സിമിറ്റി, കോമ്പസ്, കളർ സ്പെക്ട്രം എന്നിവയും ഈ ഡിവൈസിൽ ഉണ്ട്. ഓഡിയോയ്ക്കായി സ്റ്റീരിയോ സ്പീക്കറുകളും നൽകിയിട്ടുണ്ട്. ഇയർഫോം കണക്ട് ചെയ്യാൻ ഹെഡ്ഫോൺ ജാക്ക് നൽകിയിട്ടില്ല.

വൺപ്ലസ് 9 5ജി സ്മാർട്ട്ഫോണിൽ 4500 എംഎഎച്ച് ബാറ്ററിയാണ് ഉള്ളത്. 65W അതിവേഗ ചാർജിങ് സംവിധാനവും ഈ ഡിവൈസിൽ ഉണ്ട്. 29 മിനിറ്റിനുള്ളിൽ 1 ശതമാനത്തിൽ നിന്നും 100 ശതാമാനം വരെ ചാർജ് ചെയ്യാൻ സാധിക്കുന്ന ഫാസ്റ്റ് ചാർജിങ് ആണ് ഈ ഡിവൈസിൽ ഉള്ളത്. 15W വരെ ഫാസ്റ്റ് വയർലെസ് ചാർജിങ് സംവിധാനവും ഈ ഡിവൈസിൽ ഉണ്ട്. യുഎസ്ബി ടൈപ്പ്-സി പോർട്ട് വഴിയാണ് ഇതിൽ ചാർജ് ചെയ്യുന്നത്.