ശക്തരിൽ ശക്തർ: Asus ROG Phone 6, ROG Phone 6 Pro എന്നിവ ഇന്ത്യയിലെത്തി

ക്വാൽകോമിന്റെ ഇതുവരെ പുറത്തിറങ്ങിയതിൽ വച്ച് ഏറ്റവും ശക്തമായ സ്‌നാപ്ഡ്രാഗൺ 8+ ജെൻ 1 ചിപ്‌സെറ്റിന്റെ കരുത്തിൽ പ്രവർത്തിക്കുന്ന പുതിയ അസൂസ് ആർഒജി ഫോൺ 6 സീരീസ് സ്മാർട്ട്ഫോണുകളുടെ റാം കോൺഫിഗറേഷനിൽ വ്യത്യാസങ്ങളുണ്ട്. പ്രോ മോഡലിന് പിന്നിൽ ഒരു സെക്കന്ററി ഡിസ്‌പ്ലേ പാനലും കമ്പനി നൽകിയിട്ടുണ്ട്. ഈ സ്മാർട്ട്ഫോണുകളുടെ വിലയും സവിശേഷതകളും നോക്കാം.

കയറി കയറി ചന്ദ്രനിലെത്തുമോ? അടുത്ത വർഷവും സ്മാർട്ട്ഫോണുകൾക്ക് വില കൂടും

Asus ROG Phone 6, ROG Phone 6 Pro: വില

ആർഒജി 5 സീരിസ് സ്മാർട്ട്ഫോണുകളിൽ നിന്നും വ്യത്യസ്തമായി അർഒജി 6 സീരീസിലെ ഫോണുകൾ ഓരോ സ്റ്റോറേജ് കോൺഫിഗറേഷനുകളിൽ മാത്രമാണ് അവതരിപ്പിച്ചിരിക്കുന്നത്. അസൂസ് ആർഒജി ഫോൺ 6ൽ 12 ജിബി റാമും 256 ജിബി സ്റ്റോറേജുമാണ് ഉള്ളത്. ഈ ഡിവൈസിന് 71,999 രൂപയാണ് വില. അസൂസ് ആർഒജി ഫോൺ 6 പ്രോ സ്മാർട്ട്ഫോണിൽ 18 ജിബി റാമും 512 ജിബി സ്റ്റോറേജുമുണ്ട്. ഈ ഡിവൈസിന് 89,999 രൂപയാണ് വില.

അസൂസ് ആർഒജി ഫോൺ 6, ആർഒജി ഫോൺ 6 പ്രോ എന്നിവയുടെ ഇന്ത്യയിലെ വിൽപ്പന തിയ്യതി ഇപ്പോൾ പ്രഖ്യാപിച്ചിട്ടില്ല. ആർഒജി ഫോൺ 6 ഫാന്റം ബ്ലാക്ക്, സ്റ്റോം വൈറ്റ് നിറങ്ങളിൽ ഉപഭോക്താക്കൾക്ക് ലഭ്യമാകും. പ്രോ മോഡലിന് സ്റ്റോം വൈറ്റ് വൈറ്റ് ഫിനിഷ് എന്ന നിറത്തിലാണ് ലഭ്യമാകുന്നത്. ഈ രണ്ട് ഡിവൈസുകളുടെയും സവിശേഷതകൾ നോക്കാം.

40,000 രൂപയിൽ താഴെ വിലയിൽ ആമസോണിലൂടെ വാങ്ങാവുന്ന കിടിലൻ സ്മാർട്ട്ഫോണുകൾ

Asus ROG Phone 6, ROG Phone 6 Pro: സവിശേഷതകൾ

അസൂസ് ആർഒജി ഫോൺ 6, ആർഒജി ഫോൺ 6 പ്രോ എന്നിവ തമ്മിൽ ചെറിയ വ്യത്യാസങ്ങൾ മാത്രമാണ് ഉള്ളത്. 165Hz റിഫ്രഷ് റേറ്റും 720Hz ടച്ച് സാംപ്ലിങ് റേറ്റും ഉള്ള 6.78-ഇഞ്ച് ഫുൾ-എച്ച്‌ഡി+ അമോലെഡ് ഡിസ്‌പ്ലേയാണ് രണ്ട് ഫോണുകളിലും ഉള്ളത്. മികച്ച ഗെയിമിങ് അനുഭവം നൽകുന്ന ഡിസ്പ്ലെയാണ് ഇത്. ഈ ഡിസ്പ്ലെയ്ക്ക് കോർണിങ് വിക്ടസ് ഗൊറില്ല ഗ്ലാസ് പ്രോട്ടക്ഷനും അസൂസ് നൽകിയിട്ടുണ്ട്. ആർഒജി ഫോൺ 6 പ്രോ മോഡലിന് പിന്നിൽ ഒരു ചെറിയ ഡിസ്പ്ലേയും നൽകിയിട്ടുണ്ട്.

LPDDR5 റാം സാങ്കേതികവിദ്യയും UFS 3.1 സ്റ്റോറേജുമാണ് അസൂസ് ആർഒജി ഫോൺ 6, ആർഒജി ഫോൺ 6 പ്രോ സ്മാർട്ട്ഫോണുകളിൽ ഉള്ളത്. സ്നാപ്ഡ്രാഗൺ 8+ ജെൻ 1 ചിപ്‌സെറ്റും ഈ ഡിവൈസിലുണ്ട്. രണ്ട് സ്മാർട്ട്ഫോണുകളിലും 50 മെഗാപിക്സൽ സോണി IMX766 പ്രൈമറി സെൻസറും 13 മെഗാപിക്സൽ അൾട്രാ വൈഡ് ആംഗിൾ ക്യാമറയും 5 മെഗാപിക്സൽ മാക്രോ ക്യാമറയുമാണ് നൽകിയിട്ടുള്ളത്. മുൻവശത്ത് സെൽഫികൾക്കും വീഡിയോ കോളുകൾക്കുമായി 12 മെഗാപിക്സൽ ക്യാമറയും ഉണ്ട്.

കഴിഞ്ഞ വാരം ട്രന്റിങ് ആയത് ഐഫോൺ 13 പ്രോ മാക്സ്, നത്തിങ് ഫോൺ (1) രണ്ടാമത്

5ജി, 4ജി എൽടിഇ, വൈഫൈ 6, ബ്ലൂട്ടൂത്ത് v5.2, എൻഎഫ്സി എന്നിവയാണ് അസൂസ് ആർഒജി ഫോൺ 6, ആർഒജി ഫോൺ 6 പ്രോ സ്മാർട്ട്ഫോണുകളിലെ കണക്റ്റിവിറ്റി ഓപ്ഷനുകൾ. കൂളിംഗ് ആക്‌സസറികൾ അറ്റാച്ചുചെയ്യാൻ സെക്കൻഡറി പോർട്ട് അടക്കം രണ്ട് യുഎസ്ബി സി പോർട്ടുകളും ഈ ഡിവൈസിൽ നൽകിയിട്ടുണ്ട്. ആക്‌സസറികളിൽ എയ്‌റോ ആക്റ്റീവ് കൂളറും ഉൾപ്പെടുന്നു. ഇത്. സംയോജിത തെർമോ ഇലക്ട്രിക് എഐ കൂളിംഗ് സിസ്റ്റമാണ്. ആർഒജി കുനൈ 3 ഗെയിംപാഡും ആക്സസറിയായി ലഭ്യമാണ്.