ഗെയിമിങ് ഇഷ്ടമാണോ?, നിങ്ങൾ അറിഞ്ഞിരിക്കേണ്ട 10 മികച്ച ഗെയിമിങ് സ്മാർട്ട്ഫോണുകൾ ഇവയാണ്

ഗെയിമിങ് സ്മാർട്ട്ഫോണുകൾ മികച്ച സവിശേഷതകളുള്ളവയായിരിക്കും. താരതമ്യേന വില കൂടിയ ഈ ഡിവൈസുകളിൽ ലിക്വിഡ് കൂളിംഗ് ടെക്നോളജി, കപ്പാസിറ്റി ബാറ്ററി, വേഗതയേറിയ റിഫ്രഷ് റേറ്റുള്ള ഡിസ്പ്ലെ എന്നിങ്ങനെയുള്ള സവിശേഷതകൾ ഉണ്ടായിരിക്കും. ഇന്ത്യൻ വിപണിയിൽ ലഭ്യമായ പത്ത് മികച്ച ഗെയിമിങ് സ്മാർട്ട്ഫോണുകളാണ് നമ്മളിന്ന് പരിചയപ്പെടുന്നത്.

അസൂസ് റോഗ് ഫോൺ 3

വില: 46,999 രൂപ മുതൽ

മൊബൈൽ ഗെയിമിംഗിന്റെ പര്യായമാണ് അസൂസ് റോഗ് ഫോൺ സീരീസ്. ഈ സീരിസിലെ ഏറ്റവും മികച്ച ഗെയിമിങ് സ്മാർട്ട്ഫോണുകളിൽ ഒന്നാണ് ഫോണാണ് അസൂസ് റോഗ് ഫോൺ 3. 3.0GHz ന് മുകളിൽ ക്ലോക്ക് സ്പീഡുള്ള സ്‌നാപ്ഡ്രാഗൺ 865+ പ്രോസസർ, മെച്ചപ്പെട്ട ഗെയിമിംഗിനായി സ്പീഡ് ബിൻ‌ഡ് ജിപിയു എന്നിവയുള്ള ഈ ഡിവൈസിൽ 12 ജിബി വരെ റാം, 64 എംപി + 13 എംപി + 5 എംപി ട്രിപ്പിൾ ക്യാമറ സെറ്റപ്പ്, 24 എംപി ഫ്രണ്ട് ക്യാമറ, 6.6 ഇഞ്ച് 1080 x 2340 പിക്‌സൽസ് ഡിസ്പ്ലെ എന്നിവയുണ്ട്. ഈ ഡിസ്പ്ലെയ്ക്ക് 19.5: 9 റേഷിയോ (391 പിപിഐ ഡെൻസിറ്റി) ഉണ്ട്. 6000 എംഎഎച്ച് ബാറ്ററിയാണ് ഡിവൈസിൽ ഉള്ളത്.

സാംസങ് ഗാലക്‌സി എസ്21 അൾട്ര 5ജി

വില: 105,999 രൂപ മുതൽ

സാംസങ് ഗാലക്‌സി എസ് 21 അൾട്ര 5ജി ഇന്ത്യയിലെ മികച്ച ഗെയിമിംഗ് ഫോണുകളിലൊന്നാണ്. 6.8 ഇഞ്ച് ക്വാഡ് എച്ച്ഡി + ഡൈനാമിക് അമോലെഡ് 2എക്സ് ഇൻഫിനിറ്റി-ഒ ഡിസ്‌പ്ലേയാണ് ഡിവൈസിൽ ഉള്ളത്. ഡിസ്പ്ലെയ്ക്ക് എച്ച്ഡിആർ 10 + സർട്ടിഫൈഡ്, 120 ഹെർട്സ് റിഫ്രഷ് റേറ്റ് എന്നിവയുണ്ട്. 16 ജിബി വരെ റാമുള്ള ഡിവൈസിൽ 108 എംപി + 10 എംപി + 10 എംപി + 12 എംപി ക്വാഡ് ക്യാമറ സെറ്റപ്പും 40 എംപി ഫ്രണ്ട് ക്യാമറയുമുണ്ട്. എക്‌സിനോസ് 2100 (5 എൻഎം) പ്രോസസറിന്റെ കരുത്തിലാണ് ഡിവൈസ് പ്രവർത്തിക്കുന്നത്. 5000 എംഎഎച്ച് ബാറ്ററിയും ഡിവൈസിൽ ഉണ്ട്.

ഐഫോൺ 12 പ്രോ മാക്സ്

വില: 1,29,900 രൂപ മുതൽ

ഐഫോൺ 12 പ്രോ മാക്സ് എ14 ബയോണിക് ചിപ്പിൽ നിന്ന് 5 എൻഎം ആർക്കിടെക്ചർ ഉപയോഗിച്ച് പവർ എടുക്കുന്ന ഡിവൈസാണ്. ഇത് തന്നെയാണ് ഐഫോൺ 12 പ്രോ മാക്‌സിനെ ഗെയിമിംഗിനുള്ള മികച്ച ഫോണാക്കി മാറ്റുന്നതും. 6.7 ഇഞ്ച് വലുപ്പമുള്ള സൂപ്പർ റെറ്റിന എക്‌സ്‌ഡിആർ ഡിസ്‌പ്ലേയാണ് ഡിവൈസിൽ ഉള്ളത്. 6 ജിബി റാം, 3687 എംഎഎച്ച് ബാറ്ററി എന്നിവയും ഈ ഡിവൈസിൽ ഉണ്ട്.

സാംസങ് ഗാലക്‌സി ഇസഡ് ഫോൾഡ് 2

വില: 1,69,999 രൂപ മുതൽ

ഗെയിമർമാർക്ക് മികച്ച ചോയിസുകളിൽ ഒന്നാണ് സാംസങ് ഗാലക്‌സി ഇസഡ് ഫോൾഡ് 2. മടക്കാവുന്ന ഡിസൈൻ ഉപയോഗിച്ച്, ഗെയിമർമാർക്ക് കൂടുതൽ സ്‌ക്രീൻ സ്പൈസ് ലഭിക്കുന്നു. ഇത് മികച്ച ഗെയിമിംഗ് അനുഭവം നൽകുന്നു. ക്വാൽകോം സ്‌നാപ്ഡ്രാഗൺ 865+ ചിപ്‌സെറ്റ്, 120 ഹെർട്സ് ഡിസ്‌പ്ലേ, 12 ജിബി റാം, 12 എംപി +12 എംപി + 12 എംപി ട്രിപ്പിൾ ലെൻസ് ക്യാമറ, 10 എംപി ഫ്രണ്ട് ക്യാമറ എന്നിവയുള്ള ഡിവൈസിൽ 7.6 ഇഞ്ച് 1768 x 2208 പിക്‌സൽ (~ 372 പിപിഐ ഡെൻസിറ്റി) + 816 x 2260 പിക്‌സൽസ് (25: 9) ഡിസ്‌പ്ലേയാണ് ഉള്ളത്. ക്വാൽകോം എസ്എം 8250 സ്‌നാപ്ഡ്രാഗൺ 865 + (7 nm +) പ്രോസസറാണ് ഡിവൈസിന് കരുത്ത് നൽകുന്നത്.

അസൂസ് റോഗ് ഫോൺ 5

വില: 49,999 രൂപ മുതൽ

ഏറ്റവും പുതിയ ഗെയിമിംഗ് സ്മാർട്ട്‌ഫോണുകളിലൊന്നായ അസൂസ് റോഗ് ഫോൺ 5 ഒക്ടാ കോർ ക്വാൽകോം സ്‌നാപ്ഡ്രാഗൺ 888 എസ്ഒസിയുടെ കരുത്തിലാണ് പ്രവർത്തിക്കുന്നത്. വേഗതയേറിയ 144Hz റിഫ്രെഷ് റേറ്റുള്ള 6.78 ഇഞ്ച് ഡിസ്‌പ്ലേയാണ് ഡിവൈസിൽ ഉള്ളത്. 1080 x 2448 പിക്‌സൽ റസലൂഷനാണ് ഈ ഡിസ്പ്ലെയുടേത്. 64 എംപി + 13 എംപി + 5 എംപി ക്യാമറ സെറ്റപ്പ്, 24 എംപി ഫ്രണ്ട് ക്യാമറ, 6000 എംഎഎച്ച് ബാറ്ററി എന്നിവയും ഈ ഡിവൈസിൽ ഉണ്ട്.

വൺപ്ലസ് 8 പ്രോ

വില: 54,990 രൂപ മുതൽ

വൺപ്ലസ് 8 പ്രോയെ വിപണിയിലെ ഗെയിമിങ് സ്മാർട്ട്‌ഫോണുകളിലൊന്നാക്കി മാറ്റുന്നത് മികച്ച ചില സവിശേഷതകളാണ്. 120 ഹെർട്സ് റിഫ്രഷ് റേറ്റുള്ള 6.8 ഇഞ്ച്, 1440 x 3168 പിക്‌സൽസ് ഡിസ്പ്ലെ, ഒക്ടാകോർ സ്‌നാപ്ഡ്രാഗൺ 865 എസ്ഒസി, 12 ജിബി വരെ റാം, 256 ജിബി വരെ സ്റ്റോറേജ്, 48 എംപി + 48 എംപി + 8 എംപി + 5 എംപി ക്വാഡ് ക്യാമറ സെറ്റപ്പ്, 16 എംപി ഫ്രണ്ട് ക്യാമറ, 4510 mAh ബാറ്ററി എന്നിവയാണ് ഡിവൈസിന്റെ സവിശേഷതകൾ.

ഷവോമി എംഐ 10 5ജി

വില: 44,999 രൂപ മുതൽ

ഇന്ത്യയിൽ ലഭ്യമായ ഏറ്റവും മികച്ച ഗെയിമിംഗ് സ്മാർട്ട്‌ഫോണുകളിൽ ഒന്നാണ് ഷവോമി എംഐ 10 5ജി. ക്വാൽകോം സ്‌നാപ്ഡ്രാഗൺ 865 7nm + ഒക്ടാ കോർ പ്രോസസറുമായാണ് ഈ സ്മാർട്ട്‌ഫോൺ വരുന്നത്. 8 ജിബി റാമുള്ള ഡിവൈസിൽ 256 ജിബി വരെ ഓൺബോർഡ് സ്റ്റോറേജുണ്ട്. 108 എംപി + 13 എംപി + 2 എംപി + 2 എംപി ക്വാഡ് ക്യാമറ സെറ്റപ്പ്, 20 എംപി ഫ്രണ്ട് ക്യാമറ, 6.7 ഇഞ്ച് 1080 x 2340 പിക്‌സൽ ഡിസ്പ്ലെ, 4780 എംഎഎച്ച് ബാറ്ററി എന്നിവയാണ് ഈ ഡിവൈസിൽ ഉള്ളത്.

റിയൽ‌മി എക്സ് 50 പ്രോ 5ജി

വില: 39,999 രൂപ മുതൽ

6.4 ഇഞ്ച് ഡിസ്‌പ്ലേയുള്ള ഈ ഡിവൈസിന് കരുത്ത് നൽകുന്നത് ഒക്ടാ കോർ സ്‌നാപ്ഡ്രാഗൺ 865 എസ്ഒസിയാണ്. ഇസ്‌റോ നാവിക് നാവിഗേഷൻ സപ്പോർട്ടും ഈ ഡിവൈസിൽ ഉണ്ട്. 128 ജിബി / 6 ജിബി റാം, 64 എംപി +12 എംപി + 8 എംപി + 2 എംപി ക്വാഡ് ക്യാമറ സെറ്റപ്പ്, 32 എംപി + 8 എംപി ഡ്യുവൽ ലെൻസ് 4200 എംഎഎച്ച് ബാറ്ററി എന്നിവയാണ് ഈ ഡിവൈസിന്റെ സവിശേഷതകൾ.

ഐക്യുഒഒ 3 5ജി

വില: 39,990 രൂപ മുതൽ

55W ഫാസ്റ്റ് ചാർജിങ് സപ്പോർട്ടുള്ള 4400mAh ബാറ്ററിയാണ് ഐക്യുഒഒ 3 5ജി സ്മാർട്ട്‌ഫോണിലുള്ളത്. 256 ജിബി / 12 ജിബി റാമുള്ള ഈ ഡിവൈസിൽ 48 എംപി + 13 എംപി + 13 എംപി + 2 എംപി ക്വാഡ് ക്യാമറ സെറ്റപ്പാണ് ഉള്ളത്, 16 എംപി ഫ്രണ്ട് ക്യാമറയും ഈ സ്മാർട്ട്ഫോണിൽ ഉണ്ട്. 6.4 ഇഞ്ച് ഡിസ്പ്ലെയാണ് ഡിവൈസിൽ നൽകിയിട്ടുള്ളത്. 1080 x 2400 പിക്‌സൽ റസലൂഷനും 20: 9 റേഷിയോവും (~ 409 പിപിഐ ഡെൻസിറ്റി) ഉള്ള ഡിസ്പ്ലെയാണ് ഇത്. ക്വാൽകോം സ്‌നാപ്ഡ്രാഗൺ 865 പ്രോസസറിന്റെ കരുത്തിലാണ് ഡിവൈസ് പ്രവർത്തിക്കുന്നത്.

വൺപ്ലസ് 9 പ്രോ 5ജി

വില: 64,999 രൂപ മുതൽ

വൺപ്ലസിന്റെ ഏറ്റവും പുതിയ മുൻനിര മോഡലാണ് വൺപ്ലസ് 9 പ്രോ 5ജി. ഗോറില്ല ഗ്ലാസ് 5 പ്രോട്ടക്ഷൻ ഉള്ള ക്യുഎച്ച്ഡി + 6.7 ഇഞ്ച് ഡിസ്‌പ്ലേ, 256 ജിബി വരെ സ്റ്റോറേജ് 12 ജിബി വരെ റാമും എന്നിവയുള്ള ഡിവൈസിന് കരുത്ത് നൽകുന്നത് സ്‌നാപ്ഡ്രാഗൺ 888 എസ്ഒസിയാണ്. 4500mAh ബാറ്ററിയുള്ള ഡിവൈസിൽ 48 എംപി + 50 എംപി + 8 എംപി + 2 എംപി ക്യാമറ സെറ്റപ്പാണ് ഉള്ളത്, 16 എംപി ഫ്രണ്ട് ക്യാമറയും ഈ ഡിവൈസിൽ നൽകിയിട്ടുണ്ട്.