ഈ ഓണക്കാലത്ത് വാങ്ങാവുന്ന 30000 രൂപയോളം വിലയുള്ള കിടിലൻ 5ജി സ്മാർട്ട്ഫോണുകൾ

ഓണക്കാലത്ത് വാങ്ങാവുന്ന 30000 രൂപയിൽ താഴെ വിലയുള്ള മികച്ച സ്മാർട്ട്ഫോണുകളുടെ പട്ടികയിൽ വൺപ്ലസ്, മോട്ടോറോള, iQOO, വിവോ, സാംസങ് തുടങ്ങിയ ബ്രാന്റുകളുടെ ഡിവൈസുകൾ ഉൾപ്പെടുന്നു. ഈ സ്മാർട്ട്ഫോണുകളുടെ വിലയും സവിശേഷതകളും വിശദമായി നോക്കാം.

സാംസങ് ഗാലക്സി എം53 5ജി

വില: 28,499 രൂപ

സാംസങ് ഗാലക്സി എം53 5ജി സ്മാർട്ട്ഫോൺ 120Hz റിഫ്രഷ് റേറ്റുള്ള 6.7 ഇഞ്ച് സൂപ്പർ അമോലെഡ് ഡിസ്‌പ്ലേയുമായി വരുന്നു. മീഡിയടെക് ഡൈമെൻസിറ്റി 900 പ്രോസസറിന്റെ കരുത്തിൽ പ്രവർത്തിക്കുന്ന ഈ ഡിവൈസിൽ 6 ജിബി റാമും 128 ജിബി ഇന്റേണൽ സ്റ്റോറേജും ഉണ്ട്. 108എംപി പ്രൈമറി സെൻസർ, 8എംപി അൾട്രാ വൈഡ് ആംഗിൾ സെൻസർ, 2എംപി മാക്രോ സെൻസർ, 2എംപി ഡെപ്ത് സെൻസർ എന്നിവയുള്ള ഡിവൈസിൽ 32 എംപി പഞ്ച്-ഹോൾ ക്യാമറയുമുണ്ട്. 25W ചാർജിങുള്ള ഡിവൈസിൽ 5000mAh ബാറ്ററിയും സാംസങ് നൽകിയിട്ടുണ്ട്.

വൺപ്ലസ് നോർഡ് 2ടി 5ജി

വില: 28,999 രൂപ

വൺപ്ലസ് നോർഡ് 2ടി 5ജി സ്മാർട്ട്ഫോൺ ഡിസൈനിന്റെ കാര്യത്തിൽ വളരെ മികച്ചതാണ്. ഫോണിൽ മികച്ച ക്യാമറ സംവിധാനവും വൺപ്ലസ് നൽകിയിട്ടുണ്ട്. 80W ഫാസ്റ്റ് ചാർജിങ് സപ്പോർട്ടുള്ള ബാറ്ററിയാണ് ഈ ഡിവൈസിലുള്ളത്. വൺപ്ലസ് ഡൈമെൻസിറ്റി 1300 പ്രോസസറിന്റെ കരുത്തിൽ പ്രവർത്തിക്കുന്ന ഈ സ്മാർട്ട്ഫോണിൽ ഏഴ് 5ജി ബാൻഡ് സപ്പോർട്ട് ഉണ്ട്.

iQOO നിയോ 6 5ജി

വില: 29,999 രൂപ

നിങ്ങൾ ഒരു ഗെയിമിംഗ് കേന്ദ്രീകൃത സ്മാർട്ട്‌ഫോണാണ് വേണ്ടത് എങ്കിൽ iQOO നിയോ 6 5ജി തിരഞ്ഞെടുക്കാം. ചെറിയ വ്യത്യാസങ്ങളുണ്ടെങ്കിലും ഈ ഡിവൈസിന്റെ സവിശേഷതകൾ പോക്കോ എഫ്4 5ജിയുമായി സാമ്യമുള്ളതാണ്. ഈ ഡിവൈസിൽ 120Hz ഡിസ്പ്ലേയയാണ് ഉള്ളത്. ഡോൾബി വിഷൻ സപ്പോർട്ട് ഇല്ല. വേഗതയേറിയ 80W ചാർജിങ് സപ്പോർട്ടുള്ള 4700mAh ബാറ്ററിയും ഈ ഡിവൈസിൽ ഉണ്ട്. ഇതിൽ നാല് 5ജി ബാൻഡ് സപ്പോർട്ടുകളാണ് ഉള്ളത്.

പോക്കോ എഫ്4 5ജി

വില: 29,999 രൂപ

10 5ജി ബാൻഡുകൾ സപ്പോർട്ട് ചെയ്യുന്ന സ്മാർട്ട്ഫോണാണ് പോക്കോ എഫ്4 5ജി. സ്‌നാപ്ഡ്രാഗൺ 870 പ്രോസസറിന്റെ കരുത്തിലാണ് ഈ ഡിവൈസ് പ്രവർത്തിക്കുന്നത്. ഈ പ്രോസസർ ഗെയിമിങിനും ആപ്പുകൾ കൈകാര്യം ചെയ്യുന്നതിനും വളരെ മികച്ചതാണ്. മെലിഞ്ഞ ഡിസൈനാണ് ഫോണിനുള്ളത്. ഡിവൈസിലുള്ള അമോലെഡ് ഡിസ്പ്ലേ ഡോൾബി വിഷൻ സപ്പോർട്ട് ചെയ്യുന്നു. 67W ഫാസ്റ്റ് ചാർജിങ് സപ്പോർട്ടുള്ള 4500mAh ബാറ്ററിയും ഫോണിലുണ്ട്. ആൻഡ്രോയിഡ് 12 ബേസ്ഡ് എംഐയുഐ 13ൽ ഈ ഡിവൈസ് പ്രവർത്തിക്കുന്നു.

മോട്ടറോള എഡ്ജ് 30

വില: 29,999 രൂപ

മോട്ടറോള എഡ്ജ് 30 സ്മാർട്ട്ഫോൺ മികച്ചൊരു 5ജി സ്മാർട്ട്ഫോൺ ആണ്. 144Hz റിഫ്രഷ് റേറ്റുള്ള പിഒലെഡ് ഡിസ്പ്ലെയാണ് ഈ ഡിവൈസിലുള്ളത്. ആൻഡ്രോയിഡ് 12 എക്സ്പീരിയൻസ് നൽകുന്ന ഈ ഡിവൈസിന് കരുത്ത് നൽകുന്നത് സ്നാപ്ഡ്രാഗൺ 778G+ 5ജി ചിപ്പ്സെറ്റാണ്. ഒഐഎസ് സപ്പോർട്ടുള്ള പിൻ ക്യാമറ സെറ്റപ്പാണ് ഈ ഡിവൈസിലുള്ളത്. 13 5ജി ബാൻഡുകളെ ഈ ഡിവൈസ് സപ്പോർട്ട് ചെയ്യുന്നു. 33W ചാർജിങ് സപ്പോർട്ടുള്ള 4020mAh ബാറ്ററിയും ഫോണിലുണ്ട്.

വിവോ വി23

വില: 29,990 രൂപ

വിവോ വി23 സ്മാർട്ട്ഫോൺ മികച്ച 5ജി ഡിവൈസാണ്. സെൽഫികൾക്ക് പ്രാധാന്യം നൽകുന്ന ആളുകൾക്ക് തിരഞ്ഞെടുക്കാവുന്ന കിടിലൻ ഡിവൈസാണ് ഇത്. ഈ ഫോണിലെ ഫ്രണ്ട് നോച്ചിൽ 50 മെഗാപിക്സൽ മെയിൻ സെൻസറും 8 മെഗാപിക്സൽ അൾട്രാ വൈഡ് ലെൻസും നൽകിയിട്ടുണ്ട്. ഈ വിഭാഗത്തിലെ മറ്റ് എതിരാളികളുമായി താരതമ്യപ്പെടുത്തുമ്പോൾ മികച്ച 90Hz റിഫ്രഷ് റേറ്റ് അമോലെഡ് ഡിസ്‌പ്ലേയാണ് ഉള്ളത്. 4200mAh ബാറ്ററിയാണ് ഈ ഡിവൈസിലുള്ളത്. 44W ഫാസ്റ്റ് ചാർജിങ് സപ്പോർട്ടും ഫോണിലുണ്ട്.