ആമസോൺ പ്രൈം ഡേ സെയിലിൽ സ്മാർട്ട്ഫോണുകൾക്ക് ആകർഷകമായ ഓഫറുകൾ

ആമസോൺ പ്രൈം ഡേ സെയിലിൽ ഓഫർ ലഭിക്കുന്ന പ്രൊഡക്ടുകളിൽ ഏറ്റവും ശ്രദ്ധേയമായത് സ്മാർട്ട്ഫോണുകളാണ്. ആവശ്യക്കാർ ഏറെയുള്ള സ്മാർട്ട്ഫോണുകളിൽ തന്നെ ഏറ്റവും പുതിയ ഡിവൈസുകൾക്കുപോലും മികട്ട ഓഫറുകളാണ് ഇ-കൊമേഴ്സ് പ്ലാറ്റ്ഫോം പ്രഖ്യാപിച്ചിട്ടുള്ളത്. എച്ച്ഡിഎഫ്സി ബാങ്ക് കാർഡിൽ 10 ശതമാനം ഇൻസ്റ്റന്റ് ഡിസ്കൌണ്ട് ഉൾപ്പെടെയുള്ള ആനുകൂല്യങ്ങളും ഇതിനൊപ്പം ലഭിക്കും. ഈ സെയിലിലൂടെ സ്വന്തമാക്കാവുന്ന മികച്ച ഡിവൈസുകൾ ഏതൊക്കെയാണെന്ന് നോക്കാം.

വൺപ്ലസ് 7 ടി (Oneplus 7T)

വൺപ്ലസ് 7 ടി പ്രൈം ഡേ സെയിലിലൂടെ ആമസോണിൽ 35,999 രൂപയ്ക്ക് ലഭ്യമാണ്. ഈ ഡിവൈസിന്റെ എംആർപി 39,999 രൂപയാണ്. എക്സ്ചേഞ്ച് ഓഫറിലൂടെ നിങ്ങൾക്ക് 15,600 രൂപ വരെ ലാഭിക്കാനും സാധിക്കും. തിരഞ്ഞെടുത്ത ബാങ്ക് കാർഡുകളിലൂടെയുള്ള പേയ്മെന്റിൽ ക്യാഷ് ബാക്ക് ഓഫറുകളും നോ-കോസ്റ്റ് ഇഎംഐ പേയ്‌മെന്റ് ഓപ്ഷനുകളും ആമസോൺ നൽകുന്നു. എച്ച്ഡി‌എഫ്‌സി ബാങ്ക് ക്രെഡിറ്റ് അല്ലെങ്കിൽ ഡെബിറ്റ് കാർഡ് ഉപയോഗിക്കുന്നവർക്ക് 10 ശതമാനം ഇൻസ്റ്റന്റ് ഡിസ്കൌണ്ട് ലഭിക്കും. ഇഎംഐ ഓപ്ഷനും ഇത് ബാധകമാണ്.

കൂടുതൽ വായിക്കുക: സ്മാർട്ട്ഫോണുകൾക്ക് ആകർഷകമായ ഓഫറുകളുമായി ഫ്ലിപ്പ്കാർട്ട് ബിഗ് സേവിംഗ് ഡെയ്‌സ് സെയിൽ

വൺപ്ലസ് 7 ടി പ്രോ (Oneplus 7T Pro)

വൺപ്ലസ് 7 ടി പ്രോ സ്മാർട്ട്ഫോണിനും ആമസോൺ ആകർഷകമായ ഓഫർ പ്രഖ്യാപിച്ചിട്ടുണ്ട്. ആമസോൺ പ്രൈം ഡേ സെയിലിലൂടെ 8 ജിബി റാം, 256 ജിബി സ്റ്റോറേജുള്ള വേരിയന്റ് 43,999 രൂപയ്ക്ക് സ്വന്തമാക്കാം. ഈ ഡിവൈസിന്റെ എംആർപി 53,999 രൂപയാണ്. എക്സ്ചേഞ്ച് ഓഫറിലൂടെ കിഴിവുള്ള വിലയിൽ നിന്ന് 16,600 രൂപവരെ അധികമായി കുറയ്ക്കാൻ സാധിക്കും. എച്ച്ഡിഎഫ്സി ബാങ്കിന് ക്രെഡിറ്റ്, ഡെബിറ്റ് കാർഡ് ഉപയോഗിച്ച് ഡിവൈസ് വാങ്ങുന്നവർക്ക് 10 ശതമാനം അധിക ഡിസ്കൌണ്ടും ലഭിക്കും.

ഓപ്പോ റെനോ 4 പ്രോ (OPPO Reno4 pro)

ഓപ്പോ അടുത്തിടെ പുറത്തിറക്കിയ റെനോ 4 പ്രോ സ്മാർട്ട്ഫോണിനും ആമസോൺ പ്രൈം ഡേ സെയിലിൽ മികച്ച ഓഫർ ലഭിക്കും. പുതിയ ഡിവൈസ് ആയതിനാൽ ഫ്ലാറ്റ് ഡിസ്കൌണ്ട് ലഭിക്കില്ലെങ്കിലും ഓർഡർ ചെയ്യുമ്പോൾ തന്നെ പണം നൽകിയാൽ ആമസോൺ പേ വഴി 3,000 ക്യാഷ്ബാക്ക് ലഭിക്കും. അതായത് ഈ ഓഫറോടെ ഓപ്പോ റെനോ4 പ്രോ സ്മാർട്ട്ഫോൺ 31,990 രൂപയ്ക്ക് സ്വന്തമാക്കാം. ഈ ഡിവൈസിന്റെ എംആർപി 34,990 രൂപയാണ്. പഴയ സ്മാർട്ട്ഫോൺ മാറ്റി ഈ ഡിവൈസ് വാങ്ങമ്പോൾ 14,600 രൂപ ഇൻസ്റ്റന്റ് ഡിസ്കൌണ്ടും ലഭിക്കും.

റെഡ്മി കെ20 പ്രോ (Redmi K2 Pro)

ഷവോമിയുടെ റെഡ്മി കെ 20 പ്രോ സ്മാർട്ട്ഫോൺ ആമസോൺ പ്രൈം ഡേ സെയിലിലൂടെ 22,999 രൂപയ്ക്ക് സ്വന്തമാക്കാം. 6 ജിബി റാം 128 ജിബി സ്റ്റോറേജ് ഉള്ള വേരിയന്റിനാണ് ഈ വില. ഈ ഡിവൈസിന് യഥാർത്ഥത്തിൽ 28,999 രൂപയാണ് വില. ഡിവൈസിന് എക്‌സ്‌ചേഞ്ച് ഓഫറും ലഭ്യമാണ്. ഈ ഓഫറിലൂടെ 13,600 രൂപ വരെ വിലക്കിഴിവ് ലഭിക്കും. 48 മെഗാപിക്സൽ ട്രിപ്പിൾ റിയർ ക്യാമറ സെറ്റപ്പ്, 20 മെഗാപിക്സൽ സെൽഫി ക്യാമറ, എന്നിവയാണ് ഡിവൈസിന്റെ പ്രധാന സവിശേഷതകൾ. ക്വാൽകോം സ്‌നാപ്ഡ്രാഗൺ 855 SoC ആണ് ഡിവൈസിന് കരുത്ത് നൽകുന്നത്.

കൂടുതൽ വായിക്കുക: സാംസങ് ഗാലക്‌സി നോട്ട് 20, നോട്ട് 20 അൾട്രാ എന്നിവയുടെ ഇന്ത്യയിലെ വില പ്രഖ്യാപിച്ചു

സാംസങ് ഗാലക്‌സി എസ് 10 (Samsung Galaxy S10)

സാംസങ് ഗാലക്‌സി എസ് 10 സ്മാർട്ട്ഫോണിന്റെ 8 ജിബി റാം, 128 ജിബി സ്റ്റോറേജ് വേരിയൻറ് ആമസോൺ പ്രൈം ഡേ സെയിലിലൂടെ 44,999 രൂപയ്ക്ക് ലഭ്യമാണ്. ഈ ഡിവൈസിന്റെ എംആർപി 71,000 രൂപയാണ്. ട്രിപ്പിൾ റിയർ ക്യാമറ സെറ്റപ്പും 10 മെഗാപിക്സൽ സെൽഫി ക്യാമറയുമാണ് ഗാലക്‌സി എസ് 10 സ്മാർട്ട്ഫോണിൽ ഉള്ളത്. 8 ജിബി റാം സപ്പോർട്ട് ചെയ്യുന്ന ഈ ഡിവൈസിന് കരുത്ത് നൽകുന്നത് സാംസങ്ങിന്റെ എക്‌സിനോസ് 9820 ചിപ്‌സെറ്റാണ്. 3,400 എംഎഎച്ച് ബാറ്ററിയുള്ള ഡിവൈസ് ഹോൾ-പഞ്ച് ഡിസ്പ്ലേയുമായിട്ടാണ് വരുന്നത്. എക്സ്ചേഞ്ച് ഓഫറിലൂടെ 13,600 രൂപ വരെ കിഴിവും ലഭിക്കും.