മറ്റൊരു ശക്തനായ മിഡ് റേഞ്ച് സ്മാർട്ഫോണുമായി ടിസിഎൽ വിപണിയിൽ

ഫാൽക്കൺ തണ്ടർബേർഡ് എഫ്എഫ്1 സ്മാർട്ഫോണിൻറെ വിലയും ലഭ്യതയും

ഫാൽക്കൺ തണ്ടർബേർഡ് എഫ്എഫ്1 സ്മാർട്ഫോണിൻറെ 128 ജിബി, 256 ജിബിവേരിയന്റുകൾക്ക് 2,499 യുവാനും (~ $ 386) 2,799 യുവാനും (~ $ 432) എന്നിങ്ങനെ യഥാക്രമം വില വരുന്നു. സെപ്റ്റംബർ 10 മുതൽ ചൈനയിൽ നിന്നും ഈ വാങ്ങാൻ ഇത് ലഭ്യമാകും. ഹോം മാർക്കറ്റിന് പുറത്ത് ഫാൽക്കൺ തണ്ടർബേർഡ് എഫ്എഫ്1 റിലീസ് ചെയ്യാൻ ടിസിഎലിന് എന്തെങ്കിലും പദ്ധതികളുണ്ടോ എന്ന കാര്യം ഇതുവരെ വ്യക്തമല്ല.

ഫാൽക്കൺ തണ്ടർബേർഡ് എഫ്എഫ്1 സ്മാർട്ഫോണിൻറെ സവിശേഷതകൾ

ഫാൽക്കൺ തണ്ടർബേർഡ് എഫ്എഫ്1 സ്മാർട്ഫോൺ 6.67 ഇഞ്ച് ഐപിഎസ് എൽസിഡി പാനലുമായി വരുന്നു, അത് ഒരു ഫുൾ എച്ച്ഡി + റെസല്യൂഷൻ, 20: 9 ആസ്പെക്റ്റ് റേഷിയോ, 120Hz റിഫ്രഷ് റേറ്റ് എന്നിവ ഫീച്ചർ ചെയ്യുന്നു. ഡിസ്പ്ലേയിലെ ഗുളിക ആകൃതിയിലുള്ള ക്യാമറ കട്ട്ഔട്ടിൽ 16 മെഗാപിക്സൽ സെൽഫി ക്യാമറയുണ്ട്. ഫാൽക്കൺ തണ്ടർബേർഡ് എഫ്എഫ്1 ൻറെ പിൻഭാഗത്ത് സ്ഥാപിച്ചിരിക്കുന്ന ചതുര ക്യാമറ മൊഡ്യൂളിൽ എഫ്/1.7 അപ്പേർച്ചറുള്ള 64 മെഗാപിക്സൽ പ്രധാന ക്യാമറ, 8 മെഗാപിക്സൽ അൾട്രാ വൈഡ് സ്നാപ്പർ, 2 മെഗാപിക്സൽ ഡെപ്ത് അസിസ്റ്റ് ലെൻസ് എന്നിവയുണ്ട്. ഈ ഹാൻഡ്‌സെറ്റ് ആൻഡ്രോയ്‌ഡ് 11 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്നു.

8 ജിബി റാമുമായി ജോടിയാക്കിയ ഡൈമെൻസിറ്റി 900 ചിപ്‌സെറ്റാണ് ഫാൽക്കൺ തണ്ടർബേർഡ് എഫ്എഫ്1 സ്മാർട്ഫോണിന് കരുത്ത് പകരുന്നത്. ഇത് 128 ജിബി, 256 ജിബിസ്റ്റോറേജ് ഓപ്ഷനുകളിൽ വിപണിയിൽ വരുന്നു. 66W ഫാസ്റ്റ് ചാർജിംഗിനെ സപ്പോർട്ട് ചെയ്യുന്ന 4,300 എംഎഎച്ച് ബാറ്ററിയാണ് ഇതിൽ ഉൾപ്പെടുത്തിയിരിക്കുന്നത്. ഡ്യുവൽ സിം സപ്പോർട്ട്, 5 ജി/4 ജി, വൈ-ഫൈ 802.11 എസി, ബ്ലൂടൂത്ത് 5.1, ജിപിഎസ്, യുഎസ്ബി-സി പോർട്ട് എന്നിവ ഈ ഹാൻഡ്‌സെറ്റിൻറെ മറ്റ് പ്രധാനപ്പെട്ട സവിശേഷതകളാണ്. ടിസിഎൽ വിപണിയിൽ പൊതുവെ മുടക്കുന്ന തുകയ്ക്ക് മികച്ച ഫീച്ചറുകൾ വാഗ്‌ദാനം ചെയ്യുന്ന സ്മാർട്ഫോണുകളുമായി വരുന്നു. ഇപ്പോൾ അവതരിപ്പിച്ചിരിക്കുന്ന ഈ മിഡ് റേഞ്ച് സ്മാർട്ഫോൺ അത്തരത്തിൽ രൂപകൽപ്പന ചെയ്തിരിക്കുന്ന ഒരു സ്മാർട്ഫോണാണ്. ഇത് ഇന്ത്യയിൽ ലഭിക്കുമോ എന്ന കാര്യം ഇതുവരെ വ്യക്തമല്ല.