ഐഫോൺ 11, റിയൽമി എക്സ്7, അസൂസ് റോഗ് ഫോൺ 3, എംഐ 10ടി എന്നിവയ്ക്ക് വൻ വിലക്കിഴിവുമായി ഫ്ലിപ്പ്കാർട്ട്

29,999 രൂപയ്ക്ക് എൽജി വിങ് വിൽക്കുന്നു എന്ന അതിശയിപ്പിക്കുന്ന വാർത്ത നമ്മൾ ഇന്ന് കണ്ടതാണ്. 40,000 രൂപയുടെ കിഴിവാണ് ഈ ഡിവൈസിന് ഉള്ളത്. ഇത് കൂടാതെ ഐഫോൺ 11, ഐഫോൺ എക്സ്ആർ, ഷവോമി എംഐ 10ടി, റിയൽമി എക്സ്7, അസൂസ് റോഗ്ഫോൺ 3 എന്നീ ഡിവൈസുകൾക്കും മികച്ച ഓഫറുകൾ ലഭിക്കും. നോ-കോസ്റ്റ് ഇഎംഐ ഓപ്ഷനുകളും എല്ലാ ഡിവൈസുകളും വാങ്ങുമ്പോൾ ലഭ്യമാണ്. ഫ്ലിപ്പ്കാർട്ട് ഫ്ലാഗ്ഷിപ്പ് ഫെസ്റ്റിലൂടെ മികച്ച ഓഫറുകളിൽ സ്വന്തമാക്കാവുന്ന ഡിവൈസുകൾ പരിശോധിക്കാം.

ഐഫോൺ 11, ഐഫോൺ എക്സ്ആർ

നിങ്ങൾ കുറഞ്ഞ വിലയിൽ ഒരു ഐഫോൺ സ്വന്താക്കാൻ ആഗ്രഹിക്കുന്നുണ്ട് എങ്കിൽ ഇതാണ് മികച്ച അവസരം. ഫ്ലിപ്പ്കാർട്ടിൽ 39,999 രൂപയ്ക്ക് ഐഫോൺ എക്സ്ആർ ലഭ്യമാകും. ഐഫോൺ എക്സ്ആറിന്റെ യഥാർത്ഥ വിലയേക്കാൾ വലിയ കിഴിവാണ് സെയിലിലൂടെ ലഭിക്കന്നത്. ഐഫോൺ എക്സ്ആർ 47,900 രൂപയ്ക്കാണ് വിൽക്കുന്നത്. ഏതാണ്ട് 8,000 രൂപയുടെ കിഴിവ് ഈ ഡിവൈസിന് ലഭിക്കും. കുറച്ച് കൂടി പുതിയ ഐഫോൺ നോക്കുകയാണെങ്കിൽ നിങ്ങൾക്ക് ഐഫോൺ‌ 11 വാങ്ങാം. 54,900 രൂപ വിലയുള്ള ഈ ഡിവൈസ് ഇപ്പോൾ 48,999 രൂപയ്‌ക്ക് സ്വന്തമാക്കാം.

എംഐ 10ടി

കഴിഞ്ഞ വർഷം 35,999 രൂപയ്ക്ക് ഷവോമി പുറത്തിറക്കിയ എംഐ 10ടി സ്മാർട്ട്ഫോണിന് കഴിഞ്ഞ മാസം വില കുറച്ചിരുന്നു. ഒരു മാസമായി 32,999 രൂപയ്ക്കാണ് ഈ ഡിവൈസ് വിൽപ്പന നടത്തിയിരുന്നത്. എന്നാലിപ്പോൾ ഫ്ലിപ്പ്കാർട്ട് സെയിലിലൂടെ ഈ ഡിവൈസ് 25,499 രൂപയ്ക്ക് സ്വന്തമാക്കാം. എച്ച്ഡിഎഫ്സി ബാങ്ക് ക്രെഡിറ്റ്, ഡെബിറ്റ് കാർഡുകൾക്ക് 2,500 രൂപ കിഴിവും എക്സ്ചേഞ്ച് ഓഫറും ഉൾപ്പെടുന്നുതാണ് ഈ വില. ഈ രണ്ട് കിഴിവുകൾക്ക് പുറമെ നോ-കോസ്റ്റ് ഇഎംഐ പേയ്‌മെന്റ് ഓപ്ഷനും ലഭ്യമാണ്.

റിയൽമി എക്സ്7 5ജി

റിയൽമിയുടെ ഏറ്റവും പുതിയ 5ജി സ്മാർട്ട്‌ഫോണായ റിയൽമി എക്സ്7 ഫ്ലിപ്പ്കാർട്ടിലൂടെ 1,000 രൂപ കിഴിവോടെ സ്വന്തമാക്കാം. ഓൺലൈനായി പേയ്‌മെന്റ് നടത്തുകയാണെങ്കിൽ മാത്രമേ ഈ കിഴിവ് നിങ്ങൾക്ക് ലഭിക്കുകയുള്ളു. ഈ കിഴിവിലൂടെ 19,999 രൂപ വിലയുള്ള സ്മാർട്ട്ഫോൺ 18,999 രൂപയ്ക്ക് ഫ്ലിപ്പ്കാർട്ട് ഫ്ലാഗ്ഷിപ്പ് സെയിലിലൂടെ സ്വന്തമാക്കാൻ സാധിക്കും. ഇതിനൊപ്പം നോ-കോസ്റ്റ് ഇഎംഐ ഓപ്ഷനുകളും ലഭിക്കും.

അസൂസ് റോഗ് ഫോൺ 3

അസൂസിന്റെ ഏറ്റവും പുതിയതും മികച്ചതുമായ ഗെയിമിംഗ് സ്മാർട്ട്ഫോണായ റോഗ് ഫോൺ 5 പുറത്ത് വന്നെങ്കിലും ഇതിന്റെ മുൻതലമുറ ഡിവൈസായ റോഗ്ഫോൺ 3യുടെ ജനപ്രീതി അവസാനിച്ചിട്ടില്ല. ഈ ഡിവൈസ് ഫ്ലിപ്പ്കാർട്ട് ഫ്ലാഗ്ഷിപ്പ് സെയിലിലൂടെ 41,999 രൂപയ്ക്കാണ് വിൽക്കുന്നത്. ഇതിനൊപ്പം നോ കോസ്റ്റ് ഇഎംഐ പേയ്‌മെന്റ് ഓപ്ഷനുകളും ലഭ്യമാണ്. മികച്ച ഗെയിമിങ് സ്മാർട്ട്ഫോണുകളിൽ ഒന്നായ റോഗ് ഫോൺ 3ക്ക് ലഭിക്കുന്ന കിഴിവ് ഏറെ ആകർഷകമാണ്.