ഷവോമി എംഐ 11എക്സ് പ്രോ 10,000 രൂപ വരെ വിലക്കിഴിവിൽ സ്വന്തമാക്കാം

ഷവോമി എംഐ 11എക്സ് പ്രോ: ഓഫറുകൾ

ഷവോമി എംഐ 11എക്സ് പ്രോ സ്മാർട്ട്ഫോണിന്റെ 8 ജിബി റാമും 128 ജിബി സ്റ്റോറേജുമുള്ള ലോ എൻഡ് മോഡലിന് 39,999 രൂപയാണ് യഥാർത്ഥ വില. 8 ജിബി റാമും 256 ജിബി സ്റ്റോറേജ് ഓപ്ഷനുമുള്ള ഡിവൈസ് ലോഞ്ച് ചെയ്തിരിക്കുന്നത് 41,999 രൂപ വിലയുമായിട്ടാണ്. എംഐ ദീപാവലി സെയിലിന്റെ ഭാഗമായി ഈ ഹാൻഡ്‌സെറ്റ് ഏറ്റവും കുറഞ്ഞ വിലയായ 30,999 രൂപയ്ക്ക് സ്വന്തമാക്കാൻ സാധിക്കും. ഷവോമി ഈ സ്മാർട്ട്ഫോൺ വാങ്ങുന്നവർക്ക് എക്സ്ചേഞ്ച് ബോണസ് ഓഫറായി 9,000 രൂപ വരെ കിഴിവ് നൽകുന്നുണ്ട്. ഇത് കൂടാതെ 3,000 രൂപ അധിക കിഴിവും ലഭിക്കും. ആക്‌സിസ് ബാങ്ക് ഡെബിറ്റ് അല്ലെങ്കിൽ ക്രെഡിറ്റ് കാർഡുകൾ വഴി ഫോൺ വാങ്ങുന്നവർക്കാണ് ഈ അധിക കിഴിവ് ലഭിക്കുന്നത്. ഷവോമി എംഐ 11എക്സ് പ്രോയ്ക്ക് ലഭിക്കുന്ന ഏറ്റവും മികച്ച ഓഫറാണ് ഇത്.

നിങ്ങളുടെ കൈയ്യിലെ പണം അധികം ചിലവഴിക്കാതെ ഒരു പുതിയ ഫ്ലാഗ്ഷിപ്പ്-ഗ്രേഡ് ഫോൺ വാങ്ങുന്നതിനെക്കുറിച്ച് നിങ്ങൾ ആലോചിക്കുന്നുണ്ടെങ്കിൽ എംഐ 11എക്സ് പ്രോ മികച്ചൊരു ഓപ്ഷൻ തന്നെയാണ്. ഈ സ്മാർട്ട്ഫോൺ നൽകുന്ന മുൻനിര സ്പെസിഫിക്കേഷനുകൾ ആകർഷകമാണ്. ഈ സെയിലിലെ ഏറ്റവും മികച്ച ഡീലാണ് ഇത്. ഷവോമി എംഐ 11എക്സ് പ്രോയുടെ സവിശേഷതകൾ കൂടി വിശദമായി പരിശോധിക്കാം.

എംഐ 11എക്സ് പ്രോ: സവിശേഷതകൾ

എംഐ 11എക്സ് പ്രോ സ്മാർട്ട്ഫോണിൽ 6.67 ഇഞ്ച് ഫുൾ എച്ച്ഡി + (1,080x2,400 പിക്‌സൽ) ഇ4 അമോലെഡ് ഡിസ്‌പ്ലേയാണ് ഉള്ളത്. 120 ഹെർട്സ് റിഫ്രഷ് റേറ്റ്, 360 ഹെർട്സ് ടച്ച് സാമ്പിൾ റേറ്റ്, 1,300 നിറ്റ്സ് പീക്ക് ബ്രൈറ്റ്നെസ്, 5,000,000: 1 കോൺട്രാസ്റ്റ് റേഷ്യോ എച്ച്ഡിആർ 10 + സപ്പോർട്ട്, എൻ‌ടി‌എസ്‌സി കളർ സ്‌പെയ്‌സിന്റെ 107.6 ശതമാനം കവറേജ്, 100 ശതമാനം ഡിസിഐ-പി 3, എസ്‌ജി‌എസ് ഐ കെയർ സർട്ടിഫിക്കേഷൻ എന്നിവയുള്ള ഡിസ്പ്ലെയാണ് ഇത്. 92.61 ശതമാനം സ്‌ക്രീൻ-ടു-ബോഡി റേഷിയോവും ഡിസ്പ്ലെയ്ക്ക് ഉണ്ട്.

എംഐ 11എക്സ് പ്രോ സ്മാർട്ട്ഫോണിന് കരുത്ത് നൽകുന്നത് അഡ്രിനോ 660 ജിപിയു, 8 ജിബി റാം, 256 ജിബി വരെ സ്റ്റോറേജ് എന്നിവയ്ക്കൊപ്പം സ്നാപ്ഡ്രാഗൺ 888 എസ്ഒസിയാണ്. 108 മെഗാപിക്സൽ സാംസങ് എച്ച്എം 2 സെൻസറാണ് ഈ ഡിവൈസിന്റെ പ്രൈമറി ക്യാമറ. 119 ഡിഗ്രി എഫ്ഒവി അൾട്രാ വൈഡ് എഫ് / 2.2 ലെൻസുള്ള 8 മെഗാപിക്സൽ സെൻസർ, എഫ് / 2.4 അപ്പേർച്ചറുള്ള 5 മെഗാപ്‌സിയൽ മാക്രോ ഷൂട്ടർ എന്നീ ക്യാമറകളും ഡിവൈസിൽ നൽകിയിട്ടുണ്ട്. സെൽഫികൾക്കായി എഫ് / 2.45 ലെൻസുള്ള 20 മെഗാപിക്സൽ സെൻസറാണ് നൽകിയിട്ടുള്ളത്.

5ജി, ഡ്യുവൽ-ബാൻഡ് വൈ-ഫൈ, വൈ-ഫൈ 6, ജിപിഎസ്, എജിപിഎസ്, നാവിക് സപ്പോർട്ട്, യുഎസ്ബി ടൈപ്പ്-സി പോർട്ട് എന്നിവയാണ് ഡിവൈസിലെ കണക്റ്റിവിറ്റി ഓപ്ഷനുകൾ. ആംബിയന്റ് ലൈറ്റ് സെൻസർ, പ്രോക്‌സിമിറ്റി സെൻസർ, ഇ-കോമ്പസ്, ആക്‌സിലറോമീറ്റർ, ഗൈറോസ്‌കോപ്പ്, സൈഡ് മൌണ്ട് ചെയ്ത ഫിംഗർപ്രിന്റ് സ്‌കാനർ എന്നിവയാണ് ഓൺബോർഡ് സെൻസറുകൾ 4,520 എംഎഎച്ച് ബാറ്ററിയുള്ള ഈ ഡിവൈസിൽ 33W ഫാസ്റ്റ് ചാർജിങ് സപ്പോർട്ടും 2.5W ന് വയർഡ് റിവേഴ്സ് ചാർജിങ് സപ്പോർട്ടും നൽകിയിട്ടുണ്ട്.