ഗൂഗിൾ പിക്സൽ 4എ സ്മാർട്ട്ഫോൺ ഒക്ടോബർ 17ന് ഇന്ത്യൻ വിപണിയിലെത്തും

പിക്സൽ 4എ: ഇന്ത്യയിലെ ലോഞ്ച്

പിക്‌സൽ 4എ സ്മാർട്ട്ഫോൺ ഒക്ടോബർ 17ന് ഇന്ത്യൻ വിപണിയിൽ അവതരിപ്പിക്കുമെന്ന് ഗൂഗിൾ വ്യക്തമാക്കി. ട്വിറ്ററിലൂടെയാണ് കമ്പനി ഇക്കാര്യം സ്ഥിരീകരിച്ചത്. ഒരു ഉപയോക്താവിന്റെ പോസ്റ്റിന് മറുപടിയായിട്ടാണ് രാജ്യത്ത് പുതിയ പിക്സൽ സ്മാർട്ട്‌ഫോൺ മേൽപ്പറഞ്ഞ തീയതിയിൽ ലോഞ്ച് ചെയ്യുമെന്ന് ഗൂഗിൾ വെളിപ്പെടുത്തിയത്. ഈ സ്മാർട്ട്ഫോൺ ഫ്ലിപ്പ്കാർട്ട് വഴിയാണ് ലഭ്യമാക്കുന്നത്. ഡിവൈസ് ഇതിനകം മറ്റ് വിപണികളിൽ അവതരിപ്പിച്ചിട്ടുള്ളതിനാൽ പ്രധാന സവിശേഷതകൾ എന്തൊക്കെയാണെന്ന് വ്യക്തമാണ്.

കൂടുതൽ വായിക്കുക: പോക്കോ എക്സ്3 സ്മാർട്ട്ഫോണിന്റെ അടുത്ത വിൽപ്പന ഒക്ടോബർ 5ന്; വിലയും ഓഫറുകളും

ഗൂഗിൾ പിക്സൽ 4എ: പ്രധാന സവിശേഷതകൾ

എട്ട് കോറുകളുള്ള ക്വാൽകോം സ്‌നാപ്ഡ്രാഗൺ 730 ജി പ്രോസസറാണ് ഗൂഗിൾ പിക്‌സൽ 4എ സ്മാർട്ട്ഫോണിന് കരുത്ത് നൽകുന്നത്. ഇതിനൊപ്പം അഡ്രിനോ 620 ജിപിയു, 6 ജിബി റാം, 128 ജിബി സ്റ്റോറേജ് ഓപ്ഷൻ എന്നിവയും ഉണ്ട്. ആൻഡ്രോയിഡ് 10 ഒഎസിലാണ് ഈ ഡിവൈസ് പ്രവർത്തിക്കുന്നത്.ഡിവൈസിന്റെ പിന്നിൽ ഒരു ക്യാമറ മാത്രമേ നൽകിയിട്ടുള്ളു. ഈ ക്യാമറ 12 മെഗാപിക്സൽ സെൻസറാണ്.

ഗൂഗിൾ പിക്സൽ 4എ സ്മാർട്ട്ഫോണിന്റെ ഡിസ്പ്ലെയിൽ നൽകിയിട്ടുള്ള പഞ്ച്-ഹോളിനുള്ളിൽ 8 എംപി സെൽഫി ക്യാമറയാണ് കമ്പനി നൽകിയിട്ടുള്ളത്. 5.8 ഇഞ്ച് ഒ‌എൽ‌ഇഡി ഡിസ്‌പ്ലേ പാനലാണ് ഈ ഡിവൈസിലുള്ളത്. ഈ ഡിസ്പ്ലെയ്ക്ക് എഫ്‌എച്ച്‌ഡി+ റെസല്യൂഷനും 20: 9 അസ്പാക്ട് റേഷിയോവും ഉണ്ട്. ഡിവൈസിൽ സുരക്ഷയ്ക്കായി ഫിങ്കർപ്രിന്റ് സെൻസറും കമ്പനി ഉൾപ്പെടുത്തിയിട്ടുണ്ട്.

കൂടുതൽ വായിക്കുക: സ്‌നാപ്ഡ്രാഗൺ 765 ജി പ്രോസസറിന്റെ കരുത്തുമായി വിവോ എക്സ്50ഇ 5ജി സ്മാർട്ട്ഫോൺ പുറത്തിറങ്ങി

യുഎസ്ബി ടൈപ്പ്-സി പോർട്ട്, 3.5 എംഎം ഹെഡ്‌ഫോൺ ജാക്ക്, 4 ജി എൽടിഇ, വൈ-ഫൈ, ബ്ലൂടൂത്ത് എന്നിവയാണ് ഡിവൈസിന്റെ പ്രധാന സവിശേഷതകൾ. 3,140 എംഎഎച്ച് ബാറ്ററിയാണ് സ്മാർട്ട്ഫോണിൽ ഉള്ളത്. ഈ ബാറ്ററി വേഗത്തിൽ ചാർജ് ചെയ്യാനായി 18W ഫാസ്റ്റ് ചാർജിങ് സപ്പോർട്ടും കമ്പനി നൽകിയിട്ടുണ്ട്. നിലവിൽ ഈ ഡിവൈസിന്റെ ഇന്ത്യയിലെ വിലയെക്കുറിച്ച് സൂചനകളൊന്നും ഗൂഗിൾ നൽകിയിട്ടില്ല. ഈ ഡിവൈസിന് 30,000 രൂപയിൽ താഴെയായിരിക്കും വിലയെന്നാണ് സൂചനകൾ.

ഗൂഗിൾ പിക്സൽ 5, പിക്സൽ 4എ 5ജി എന്നീ സ്മാർട്ട്ഫോണുകൾ ഇന്നലെ വിപണിയിൽ അവതരിപ്പിച്ചിരുന്നു. രണ്ട് സ്മാർട്ട്‌ഫോണുകളും 5ജി സപ്പോർട്ടോടെയാണ് അവതരിപ്പിച്ചത്. ഈ ഡിവൈസുകൾ ആൻഡ്രോയിഡ് 11ലായിരിക്കും പ്രവർത്തിക്കുക. ആൻഡ്രോയിഡിന്റെ ഏറ്റവും പുതിയ വേർഷനുമായി പുറത്തിറങ്ങുന്ന ആദ്യ സ്മാർട്ട്ഫോണുകളാണ് ഇവ എന്ന സവിശേഷതയും ഈ ഡിവൈസുകൾക്ക് ഉണ്ട്. രണ്ട് സ്മാർട്ട്‌ഫോണുകളും സ്‌നാപ്ഡ്രാഗൺ 765 ജി ചിപ്‌സെറ്റിന്റെ കരുത്തിലാണ് പ്രവർത്തിക്കുന്നത്. ഇരു ഡിവൈസുകളിലും സമാനമായ ക്യാമറ സെറ്റപ്പാണ് ഉള്ളത്.

കൂടുതൽ വായിക്കുക: റെഡ്മി നോട്ട് 9 സ്മാർട്ട്ഫോണിന്റെ ഓപ്പൺ സെയിൽ ആരംഭിച്ചു