കിടിലൻ ഫീച്ചറുകളുമായി ഗൂഗിൾ പിക്സൽ 6എ സ്മാർട്ട്ഫോൺ വിപണിയിൽ

|

കാത്തിരിപ്പിനൊടുവിൽ ഗൂഗിൾ പിക്‌സൽ 6എ സ്മാർട്ട്ഫോൺ വിപണിയിലെത്തി. ഗൂഗിളിന്റെ വാർഷിക ഡെവലപ്പർ കോൺഫറൻസായ ഗൂഗിൾ ഐ/ഒയിൽ വച്ചാണ് ഈ സ്മാർട്ട്ഫോൺ ലോഞ്ച് ചെയ്തത്. കമ്പനിയുടെ ഇൻ-ഹൗസ് ടെൻസർ പ്രൊസസറും 6 ജിബി റാമുമായി ജോടിയാക്കിയ ടൈറ്റൻ എം2 സെക്യൂരിറ്റി കോപ്രൊസസറിന്റെ കരുത്തുമായിട്ടാണ് ഈ കിടിലൻ സ്മാർട്ട്ഫോൺ വരുന്നത്. ഗൂഗിൾ പിക്‌സൽ 6എയ്‌ക്ക് 6.1 ഇഞ്ച് ഡിസ്‌പ്ലേയുണ്ട്. 12.2 മെഗാപിക്സൽ പ്രൈമറി ക്യാമറയും 12 മെഗാപിക്സൽ അൾട്രാ വൈഡ് ആംഗിൾ ക്യാമറയും 8 മെഗാപിക്സൽ സെൽഫി ക്യാമറയുമായിട്ടാണ് ഈ ഡിവൈസ് വരുന്നത്.

 

ഗൂഗിൾ പിക്സൽ 6എ

ഗൂഗിൾ പിക്സൽ 6എ സ്മാർട്ട്ഫോൺ 24 മണിക്കൂറിലധികം ബാറ്ററി ലൈഫും 72 മണിക്കൂർ വരെ ബാക്കപ്പും നൽകുന്നു. ഇതിനായി എക്‌സ്ട്രീം ബാറ്ററി സേവർ മോഡും കമ്പനി ഡിവൈസിൽ ഉൾപ്പെടുത്തിയിട്ടുണ്ട്. പിക്‌സൽ 6, പിക്‌സൽ 6 പ്രോ എന്നിവയുമായി താരതമ്യപ്പെടുത്തുമ്പോൾ കൂടുതൽ വില കുറഞ്ഞ മോഡലായ പിക്‌സൽ 6എയ്‌ക്ക് കുറഞ്ഞത് അഞ്ച് വർഷത്തെ സുരക്ഷാ അപ്‌ഡേറ്റുകൾ ലഭിക്കുമെന്ന് ഗൂഗിൾ വ്യക്തമാക്കിയിട്ടുണ്ട്. ഇത് കൂടാതെ പിക്‌സൽ 7, പിക്‌സൽ 7 പ്രോ സ്മാർട്ട്‌ഫോണുകളുടെ ലോഞ്ച് ഈ വർഷം അവസാനത്തോടെ ഉണ്ടാകുമെന്നും കമ്പനി അറിയിച്ചിട്ടുണ്ട്.

റിയൽമി ജിടി നിയോ 3 റിവ്യൂ: 150W ഫാസ്റ്റ് ചാർജിങും സുഗമമായ പെർഫോമൻസുംറിയൽമി ജിടി നിയോ 3 റിവ്യൂ: 150W ഫാസ്റ്റ് ചാർജിങും സുഗമമായ പെർഫോമൻസും

ഗൂഗിൾ പിക്സൽ 6എ: വില, ലഭ്യത
 

ഗൂഗിൾ പിക്സൽ 6എ: വില, ലഭ്യത

ഗൂഗിൾ പിക്സൽ 6എ ഇന്ത്യയിൽ അവതരിപ്പിച്ചിട്ടില്ല എന്ന കാര്യം പ്രത്യേകം ശ്രദ്ധിക്കുക. ഈ ഡിവൈസിന്റെ വില 449 ഡോളറാണ്. ഇത് ഇന്ത്യൻ കറൻസിയിൽ ഏകദേശം 34,800 രൂപയോളം വരും. ഈ സ്മാർട്ട്‌ഫോൺ ചോക്ക്, ചാർക്കോൾ, സേജ് കളർ ഓപ്ഷനുകളിൽ ലഭ്യമാകുമെന്നും ജൂലൈ 21 മുതൽ അമേരിക്കയിൽ ഈ ഫോണിന്റെ പ്രീ-ഓർഡർ ആരംഭിക്കുമെന്നും കമ്പനി അറിയിച്ചു. ഇന്ത്യ ഉൾപ്പെടെയുള്ള മറ്റ് വിപണികളിൽ ഗൂഗിൾ പിക്സൽ 6എയുടെ വിലയും ലഭ്യതയും കമ്പനി ഇതുവരെ പ്രഖ്യാപിച്ചിട്ടില്ല. എന്തായാലും ഈ വർഷാവസാനം പിക്സൽ 6എ ഇന്ത്യയിലേക്ക് എത്തുമെന്ന് കമ്പനി സ്ഥിരീകരിച്ചിട്ടുണ്ട്.

ഗൂഗിൾ പിക്സൽ 6എ: സവിശേഷതകൾ

ഗൂഗിൾ പിക്സൽ 6എ: സവിശേഷതകൾ

ഗൂഗിൾ പിക്സൽ 6എ സ്മാർട്ട്ഫോണിൽ 20:9 അസ്പാക്ട് റേഷിയോ ഉള്ള 6.1-ഇഞ്ച് ഫുൾ എച്ച്ഡി+ (1,080 x 2,400 പിക്‌സൽ) ഒലെഡ് ഡിസ്‌പ്ലേയാണ് കമ്പനി നൽകിയിട്ടുള്ളത്. കോർണിംഗ് ഗൊറില്ല ഗ്ലാസ് 3 പ്രോട്ടക്ഷനും ഈ ഡിസ്പ്ലെയ്ക്ക് നൽകിയിട്ടുണ്ട്. 60Hz റിഫ്രഷ് റേറ്റുള്ള ഡിസ്‌പ്ലേയാണ് ഇത്. 6 ജിബി LPDDR5 റാമുമായി ജോടിയാക്കിയ, ഒക്ടാ-കോർ ഗൂഗിൾ ടെൻസർ എസ്ഒസിയുടെയും ടൈറ്റൻ എം2 സെക്യൂരിറ്റി കോപ്രോസസറിനറെയും കരുത്തിലാണ് ഈ സ്മാർട്ട്ഫോൺ പ്രവർത്തിക്കുന്നത്. ഡിവൈസ് ആൻഡ്രോയിഡ് 12ൽ പ്രവർത്തിക്കുന്നു. ഇതിന് അഞ്ച് വർഷത്തെ സുരക്ഷാ അപ്‌ഡേറ്റുകൾ ലഭിക്കും.

മെയ് മാസത്തിൽ വാങ്ങാവുന്ന 20,000 രൂപയിൽ താഴെ വിലയുള്ള മികച്ച സ്മാർട്ട്ഫോണുകൾമെയ് മാസത്തിൽ വാങ്ങാവുന്ന 20,000 രൂപയിൽ താഴെ വിലയുള്ള മികച്ച സ്മാർട്ട്ഫോണുകൾ

ക്യാമറകൾ

രണ്ട് പിൻക്യാമറകളുമായിട്ടാണ് ഗൂഗിൾ പിക്‌സൽ 6എ സ്മാർട്ട്ഫോൺ വരുന്നത്. ഈ ഡ്യുവൽ റിയർ ക്യാമറ സെറ്റപ്പിൽ എഫ്/1.7 അപ്പേർച്ചർ ലെൻസുള്ള 12.2 മെഗാപിക്‌സൽ പ്രൈമറി സെൻസറും എഫ്/2.2 അപ്പേർച്ചർ ലെൻസ് ഉള്ള അൾട്രാ വൈഡ് ആംഗിൾ 12 മെഗാപിക്‌സൽ സെക്കൻഡറി സെൻസറുമാണ് ഉള്ളത്. സെൽഫികൾക്കും വീഡിയോ കോളുകൾക്കുമായി ഗൂഗിൾ പിക്സൽ 6എ സ്മാർട്ട്ഫോണിൽ എഫ്/2.0 അപ്പേർച്ചർ ലെൻസുള്ള 8 മെഗാപിക്സൽ ഫ്രണ്ട് ഫേസിങ് ക്യാമറയും നൽകിയിട്ടുണ്ട്. ഡിവൈസിലെ പിൻ ക്യാമറ 30fps-ൽ 4കെ വീഡിയോ റെക്കോർഡിങ് നൽകുന്നു. ഫ്രണ്ട് ക്യാമറ 30fps-ൽ 1080p വീഡിയോ റെക്കോർഡിങ് സപ്പോർട്ട് ചെയ്യുന്നു.

ബാറ്ററി

ഗൂഗിൾ പിക്സൽ 6എ 128 ജിബി ഇൻബിൽറ്റ് സ്റ്റോറേജുമായാണ് വരുന്നത്. ഡിവൈസിൽ കണക്റ്റിവിറ്റി ഓപ്ഷനുകളായി 5ജി, 4ജി എൽടിഇ, വൈഫൈ 6ഇ, ബ്ലൂട്ടൂത്ത് 5.2, യുഎസ്ബി ടൈപ്പ്-സി പോർട്ട് എന്നിവ നൽകിയിട്ടുണ്ട്. ബയോമെട്രിക് ഓതന്റിക്കേഷനുള്ള ഇൻ-ഡിസ്‌പ്ലേ ഫിംഗർപ്രിന്റ് സെൻസറുമായിട്ടാണ് ഈ ഡിവൈസ് വരുന്നത്. ആക്‌സിലറോമീറ്റർ, ആംബിയന്റ് ലൈറ്റ്, ബാരോമീറ്റർ, ഗൈറോസ്‌കോപ്പ്, മാഗ്നെറ്റോമീറ്റർ, പ്രോക്‌സിമിറ്റി സെൻസർ എന്നിവയാണ് ഓൺബോർഡ് സെൻസറുകൾ. ഫാസ്റ്റ് ചാർജിങ് സപ്പോർട്ടുള്ള പിക്സൽ 6എയിൽ 4,410 എംഎഎച്ച് ബാറ്ററിയും ഗൂഗിൾ നൽകിയിട്ടുണ്ട്.

ഐഫോൺ 14 മുതൽ സാംസങ് ഗാലക്സി Z ഫ്ലിപ്പ് 4 വരെ ഈ വർഷം പുറത്തിറങ്ങുന്ന സ്മാർട്ട്ഫോണുകൾഐഫോൺ 14 മുതൽ സാംസങ് ഗാലക്സി Z ഫ്ലിപ്പ് 4 വരെ ഈ വർഷം പുറത്തിറങ്ങുന്ന സ്മാർട്ട്ഫോണുകൾ

പിക്സൽ 7 സീരീസ് ഫോണുകൾ വരുന്നു

പിക്സൽ 7 സീരീസ് ഫോണുകൾ വരുന്നു

ഗൂഗിൾ ഐ/ഒ കീനോട്ട് ഇവന്റിൽ വച്ച് കമ്പനി പിക്സൽ 7, പിക്സൽ 7 പ്രോ എന്നീ സ്മാർട്ട്ഫോണുകളുടെ ടീസർ പുറത്ത് വിട്ടിട്ടുണ്ട്. ഈ വർഷാവസാനം എത്താൻ പോകുന്ന ഈ ഫ്ലാഗ്ഷിപ്പ് സ്മാർട്ട്‌ഫോണുകളാണ് ഇവ. ഗൂഗിളിന്റെ ടെൻസർ എസ്ഒസിയുടെ അടുത്ത തലമുറ പ്രോസസറുകളിലായിരിക്കും ഈ സ്മാർട്ട്‌ഫോണുകൾ പ്രവർത്തിക്കുന്നത്. ആൻഡ്രോയിഡ് 13 ഒഎസും ഇവയിൽ ഉണ്ടായിരിക്കും. നിലവിലെ ഗൂഗിൾ പിക്സൽ 6, പിക്സൽ 6 പ്രോ മോഡലുകൾ പോലെ ഗ്ലാസിന് പകരം അലുമിനിയം കൊണ്ട് നിർമ്മിച്ച ബാർ ആകൃതിയിലുള്ള പിൻ ക്യാമറ മൊഡ്യൂളും പുതിയ ഡിവൈസിൽ ഉണ്ടായിരിക്കുമെന്ന് ടീസറിൽ നിന്നും വ്യക്തമാകുന്നു. ഫോട്ടോകൾക്കും വീഡിയോകൾക്കുമായി പിക്സൽ 7ൽ ഡ്യുവൽ ക്യാമറ സെറ്റപ്പും പിക്സൽ 7 പ്രോയിൽ ട്രിപ്പിൾ റിയർ ക്യാമറ സെറ്റപ്പും ഉണ്ടാകും.

പിക്സൽ ടാബ്ലറ്റ് പണിപ്പുരയിൽ

പിക്സൽ ടാബ്ലറ്റ് പണിപ്പുരയിൽ

ഗൂഗിൾ പിക്‌സൽ 7, പിക്‌സൽ 7 പ്രോ എന്നിവയ്‌ക്കൊപ്പം, 2023ൽ പുറത്തിറക്കുമെന്ന് പ്രതീക്ഷിക്കുന്ന ആൻഡ്രോയിഡ്-പവർഡ് ടാബ്‌ലെറ്റിന്റെ പണിപ്പുരയിലാണ് എന്ന് ഗൂഗിൾ വ്യക്തമാക്കിയിട്ടുണ്ട്. ടെൻസർ എസ്ഒസിയുടെ കരുത്തിലായിരിക്കും ഈ ടാബ്‌ലെറ്റ് പ്രവർത്തിക്കുക എന്ന് ഗൂഗിളിന്റെ ഡിവൈസുകളുടെയും സേവനങ്ങളുടെയും സീനിയർ വൈസ് പ്രസിഡന്റ് റിക്ക് ഓസ്റ്റർലോ വെളിപ്പെടുത്തി. ഈ ടാബ്ലറ്റുമായി ബന്ധപ്പെട്ട കൂടുതൽ വിവരങ്ങൾ വരും മാസങ്ങളിൽ വ്യക്തമാകും.

എൻട്രി ലെവൽ സെഗ്മെന്റിലെ പുതിയ താരം; വിവോ വൈ15സി ഇന്ത്യയിൽ ലോഞ്ച് ചെയ്തുഎൻട്രി ലെവൽ സെഗ്മെന്റിലെ പുതിയ താരം; വിവോ വൈ15സി ഇന്ത്യയിൽ ലോഞ്ച് ചെയ്തു

Best Mobiles in India

English summary
The Google Pixel 6A smartphone has finally hit the market. The smartphone was launched at Google I/O, Google's annual developer conference.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X