അതിശയിപ്പിക്കുന്ന ഫീച്ചറുകളുമായി ഗൂഗിൾ ഗൂഗിൾ പിക്സൽ 7 സ്മാർട്ട്ഫോൺ ഇന്ത്യയിലേക്ക്

ബിഐഎസ് സർട്ടിഫിക്കേഷൻ വെബ്‌സൈറ്റിൽ ജിഎക്സ്7എസ് എന്ന മോഡൽ നമ്പരുള്ള ഒരു പിക്‌സൽ സ്മാർട്ട്ഫൺ കണ്ടെത്തിയതായി മൈസ്മാർട്ട്പ്രൈസ് എന്ന ടെക് ന്യൂസ് വെബ്സൈറ്റാണ് റിപ്പോർട്ട് ചെയ്തിരിക്കുന്നത്. മോഡൽ നമ്പർ GX7AS മൂന്ന് സെറ്റുകളിലായി നിർമ്മിക്കപ്പെടുമെന്നും ഈ ഡിവൈസുകൾ ഗൂഗിൾ പിക്സൽ 7 ആയിരിക്കുമെന്നും റിപ്പോർട്ടുകൾ സൂചിപ്പിക്കുന്നു. ഇക്കാര്യത്തിൽ ഗൂഗിളിന്റെ ഭാഗത്ത് നിന്നും യാതൊരു വിധ സ്ഥിരീകരണവും ഉണ്ടായിട്ടില്ല.

വരാനിരിക്കുന്ന പിക്സൽ 7 സീരീസിൽ പിക്സൽ 7എ, പിക്സൽ 7, പിക്സൽ 7 പ്രോ എന്നീ മൂന്ന് മോഡലുകൾ ഉണ്ടായിരിക്കുമെന്നാണ് റിപ്പോർട്ടുകൾ നൽകുന്ന സൂചനകൾ. ഇതും ഔദ്യോഗികമായി വ്യക്തമായിട്ടില്ല. വരാനിരിക്കുന്ന പിക്സൽ 7 സ്മാർട്ട്ഫോണിന്റെ റെൻഡറുകൾ അടുത്തിടെ ഓൺലൈനിൽ കണ്ടെത്തിയിരുന്നു. ഈ സ്മാർട്ട്ഫോൺ മുൻഗാമിയായ പിക്സൽ 6നെ അപേക്ഷിച്ച് വലിയ ബാറ്ററിയാണ് പായ്ക്ക് ചെയ്യുക എന്നും റിപ്പോർട്ടുകൾ ഉണ്ട്.

ഗൂഗിൾ പിക്സൽ 7 സ്മാർട്ട്ഫോൺ ഒരു പുതിയ ടെൻസർ ചിപ്പിൽ ആയിരിക്കും പ്രവർത്തിക്കുക എന്നും സൂചനകൾ ഉണ്ട്. ഈ ഡിവൈസിൽ 512 ജിബി വരെ ഓൺബോർഡ് സ്റ്റോറേജ് ഓപ്ഷനും ഉണ്ടായിരിക്കും. ഗൂഗിൾ പിക്സൽ 7 പിക്സൽ 6നേക്കാൾ ചെറുതാണെന്നും റിപ്പോർട്ടുകൾ സൂചിപ്പിക്കുന്നു. 155.6 x 73.1 x 8.7 എംഎം അളവായിരിക്കും ഈ ഡിവൈസിന് ഉണ്ടായിരിക്കുക.പിക്സൽ 6ന്റെ അളവ് 158.6 x 74.8 x 8.9 എംഎം ആണ്. ഗൂഗിൾ പിക്സൽ 7 പ്രോ സ്മാർട്ട്ഫോണിന്റെ റെൻഡറുകളും ഓൺലൈനിൽ കണ്ടെത്തിയിട്ടുണ്ട്. പ്രോ വേരിയന്റും മുൻഗാമിയുടെ അതേ ഡിസൈനിൽ ആയിരിക്കും വരുന്നത്. രണ്ട് കളർ ഓപ്ഷനുകളിൽ ഈ ഫോൺ വരുമെന്ന് സൂചനയുണ്ട്. സെൽഫി ക്യാമറ സ്ഥാപിക്കാനായി മുൻവശത്ത് ഒരു കട്ടൗട്ട് ഉണ്ടാകും.

ഗൂഗിൾ പിക്സൽ പ്രോ സ്മാർട്ട്ഫോണിന്റെ പിൻഭാഗത്ത് എൽഇഡി ഫ്ലാഷിനൊപ്പം ട്രിപ്പിൾ ക്യാമറ സെറ്റപ്പും ഉണ്ടായിരിക്കും. 6.7 അല്ലെങ്കിൽ 6.8 ഇഞ്ച് ഡിസ്പ്ലേയുമായിട്ടായിരിക്കും ഈ ഡിവൈസ് പുറത്തിറങ്ങുക എന്നും സൂചനകൾ ഉണ്ട്. ഇത് 163×76.6×8.7 എംഎം അളവുമായി വരും. ഇൻ-ഡിസ്‌പ്ലേ ഫിംഗർപ്രിന്റ് സെൻസറും ഈ ഡിവൈസിൽ ഉണ്ടായിരിക്കും. പിക്‌സൽ 7 സീരീസും പിക്‌സൽ 6 സീരീസിന്റെ അതേ ലോഞ്ച് ടൈംലൈൻ പിന്തുടരുമെന്ന് പ്രതീക്ഷിക്കുന്നു. ഒക്ടോബറോടെ സ്മാർട്ട്ഫോണുകൾ ഔദ്യോഗികമായി പുറത്തിറങ്ങും.

ഗൂഗിൾ പിക്സൽ 6എയും വരുന്നു

പിക്സൽ 7 സീരീസ് ലോഞ്ചിന് മുമ്പായി പിക്സൽ 6എ എന്ന പേരിലുള്ള പിക്സൽ 5എ സ്മാർട്ട്ഫോണിന്റെ പിൻഗാമിയെ കൂടി ഗൂഗിൾ കൊണ്ടുവരാൻ സാധ്യതയുണ്ട്. ലോഞ്ച് തീയതിയോ ടൈംലൈനോ ഔദ്യോഗികമായി ഗൂഗിൾ ഇതുവരെ പുറത്ത് വിട്ടിട്ടില്ല. എങ്കിലും പിക്സൽ 6 എയുടെ ലോഞ്ച് മെയ് മാസത്തിൽ നടക്കുമെന്ന് റിപ്പോർട്ടുകൾ സൂചിപ്പിക്കുന്നു. പിക്‌സൽ 6 സീരീസിന് സമാനമായ ഡിസൈനാണ് പിക്‌സൽ 6 എയിലും ഉള്ളതെന്നും അതേ ടെൻസർ പ്രോസസറായിരിക്കും ഡിവൈസിന് കരുത്ത് നൽകുകയെന്നും സൂചനകൾ ഉണ്ട്. 5,000 mAh ബാറ്ററി, 120Hz റിഫ്രഷ് റേറ്റുള്ള 6.2-ഇഞ്ച് ഒലെഡ് പാനൽ എന്നിവയും ഈ ഡിവൈസിൽ ഉണ്ടായിരിക്കും.