ഹോണറിൻറെ 20 s, പ്ലേ 3 എന്നീ സ്മാർട്ട്ഫോണുകൾ പുറത്തിറക്കി

ഹോണർ 20s പുറത്തിറക്കിയിരിക്കുന്നത് 6.26 ഇഞ്ച് ഡിസിപ്ലെയോട് കൂടിയാണ്. ഫുൾ എച്ച്ഡി ഡിസ്പ്ലെയാണ് നൽകിയിരിക്കുന്നത്. 8 GB റാമും 128GB ഓൺബോഡ് സ്റ്റോറേജുമുള്ള ഹോണർ 20 s ൽ ഒക്ടാകോർ ഹൈസിലിക്കോൺ കിരിൻ 810 SoC പ്രോസസറാണ് നൽകിയിരിക്കുന്നത്. സൈഡ്മൌണ്ടഡ് ഫിങ്കർപ്രിൻറ് സെൻസർ, USB പോർട്ട് സി എന്നിവയാണ് മറ്റ് സവിശേഷതകൾ. ഹോണർ 20sന് നൽകിയിരിക്കുന്ന ബാറ്ററി 3750 mAh ആണ്.

ക്യാമറയുടെ കാര്യത്തിൽ മികച്ച പെർഫോമൻസ് തന്നെ ഹോണർ 20s ൽ നിന്നും പ്രതീക്ഷിക്കാം. പിൻഭാഗത്ത് മൂന്ന് ക്യാമറകളാണ് ഫോണിന് കൊടുത്തിരിക്കുന്നത്. 48 MP പ്രൈമറി ക്യാമറ കൂടാതെയുള്ള ക്യാമറകൾ 8 MP, 2MP സെറ്റപ്പിലാണ് നൽകിയിരിക്കുന്നത്. f/2.0 അപറേച്ചറിൽ 32 മെഗാപിക്സൽ സെൽഫി ക്യാമറയും ഫോണിൻറെ മറ്റൊരു സവിശേഷതയാണ്.

ചൈനയിൽ ഹോണർ 20s ൻറെ വിൽപ്പന ഇന്ന് രാത്രിമുതൽ ആരംഭിക്കും. ഫോണിൻറെ 8 GB റാം/128 GB റോം സ്റ്റോറേജ് ഉള്ള മോഡലിന് 1,899 ചൈനിസ് യുവാൻ (ഏകദേശം 19,000 രൂപ) വിലവരും. 8GB റാം/128 GB റോം സ്റ്റോറേജ് സ്പൈസുള്ള മോഡലിന് 2,199 ചൈനീസ് യുവാൻ (ഏകദേശം 22,000 രൂപ) വിലയുണ്ട്. ഇന്ത്യയിൽ ഈ മോഡൽ അവതരിപ്പിക്കുമ്പോൾ വിലയിൽ മാറ്റങ്ങൾ വരാൻ സാധ്യത കൂടുതലാണ്.

6.39 ഇഞ്ച് എച്ച്ഡി ഡിസ്പ്ലെയോട് കൂടിയാണ് ഹോണർ പ്ലേ 3 പുറത്തിറക്കിയത്. ഓക്ടാകോർ കിരിൻ 710F പ്രോസസറും 6 GB റാമും ഫോണിന് മികച്ച പെർഫോമൻസ് വാഗ്ദാനം ചെയ്യുന്നു. ഹോണർ 20 sന് സമാനമായ ക്യാമറ സെറ്റപ്പാണ് പ്ലേ3യിലും കമ്പനി നൽകിയിരിക്കുന്നത്. മുൻഭാഗത്ത് 8 MP സെൻസറാണ് ഈ മോഡലിൽ നൽകിയിരിക്കുന്നത്. 4000 mAh ബാറ്ററിയും ഈ ഫോണിൻറെ മറ്റൊരു സവിശേഷതയാണ്.

സെപ്റ്റംബർ 17 മുതലാണ് ചൈനയിൽ ഹോണർ പ്ലേ 3യുടെ വിൽപ്പന ആരംഭിക്കുന്നത്. ഹോണർപ്ലേയുടെ 4GB റാം/ 64GB റോം വേരിയൻറിന് 999 ചൈനീസ് യുവാൻ (ഏകദേശം 10,000 രൂപ)യാണ് വില. 4GB റാം/128 GB റോം വേരിയൻറും 6GB റാം/ 64GB റോം വേരിയൻറും 1,299 ചൈനീസ് യുവാൻ ( ഏകദേശം 13,000 രൂപ) വിലയിലാണ് ലഭ്യമാവുന്നത്. ഇരുമോഡലുകളും അധികം വൈകാതെ ഇന്ത്യൻ വിപണിയിലെത്തുമെന്നാണ് പ്രതീക്ഷിക്കുന്നത്.