ആൻഡ്രോയിഡ് ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്ന ഹോണർ 50 സീരീസ് ജൂൺ 16 അവതരിപ്പിക്കും

വരാനിരിക്കുന്ന ഹോണർ 50 സീരീസിൽ പ്രോ വേരിയന്റ് ഉൾപ്പെടെ രണ്ട് മോഡലുകൾ ഉണ്ടായിരിക്കുമെന്ന് പറയുന്നു. ഇവിടെ, റിപ്പോർട്ടുകൾ സൂചിപ്പിക്കുന്നത് ഹോണർ 50 പ്രോയിൽ സ്നാപ്ഡ്രാഗൺ 888 പ്രോസസർ ഉൾപ്പെടുത്തുമെന്നാണ്. സ്മാർട്ഫോണിനെ ഈ ചിപ്സെറ്റ് ഒരു മികച്ച പ്രീമിയം ഡിവൈസായി മാറ്റുന്നു. ഈ സ്മാർട്ഫോൺ മോഡലുകളുടെ എണ്ണവും അവയുടെ പേരുകളും ഇതുവരെ കമ്പനി വെളിപ്പെടുത്തിയിട്ടില്ല. ഹോണർ ഇപ്പോൾ ഒരു സ്വതന്ത്ര ബ്രാൻഡായതിനാൽ ഹുവാവേ ഇപ്പോഴും നിരോധിച്ചിരിക്കുന്ന നിരവധി യുഎസ് കമ്പനികളുമായി ബിസിനസ്സ് ഡീലുകൾ ഹോണറിന് നടത്താമെന്നാണ്.

ഇതിൽ ക്വാൽകോം, ഇന്റൽ, എഎംഡി, ഗൂഗിൾ തുടങ്ങിയവയും ഉൾപ്പെടുന്നു. ലളിതമായി പറഞ്ഞാൽ, വരാനിരിക്കുന്ന ഹോണർ 50 സീരീസ് സ്മാർട്ഫോണുകൾ പ്രവർത്തിക്കുന്നത് ആൻഡ്രോയിഡ് ഓപ്പറേറ്റിംഗ് സിസ്റ്റത്തിലായിരിക്കും. ഹോണർ ജർമ്മനി അടുത്തിടെ നടത്തിയ ഒരു ട്വീറ്റ്, വരാനിരിക്കുന്ന ഹോണർ 50 സീരീസ് തീർച്ചയായും ഗൂഗിൾ മൊബൈൽ സേവനങ്ങൾ സപ്പോർട്ട് ചെയ്യുമെന്ന് സ്ഥിരീകരിച്ചു. ഈ മൊബൈൽ സീരീസ് ആഗോള വിപണിയിൽ എത്തുമെന്ന് ട്വീറ്റ് സ്ഥിരീകരിച്ചു.

വരാനിരിക്കുന്ന ഹോണർ 50 സീരീസിൻറെ നിരവധി സവിശേഷതകൾ ഇപ്പോഴും മുഴുവനായി ലഭ്യമായിട്ടില്ല. എന്നാൽ, ട്രിപ്പിൾ ക്യാമറ സംവിധാനം ഉൾപ്പെടുന്ന ഗുളിക ആകൃതിയിലുള്ള ക്യാമറ മൊഡ്യൂൾ സ്മാർട്ട്‌ഫോണിൽ ഉണ്ടായിരിക്കുമെന്ന് ലീക്കുകൾ വെളിപ്പെടുത്തി. മുകളിൽ ഒരു പ്രൈമറി ക്യാമറ സെൻസറും അതിനുശേഷം ഒരു പെരിസ്‌കോപ്പും മൂന്നാമത്തെ സപ്പോർട്ടിംഗ് ക്യാമറ ലെൻസും ഹോണർ 50 ഡിവൈസിൽ ഉണ്ടായിരിക്കുമെന്നും റിപ്പോർട്ടുകൾ സൂചിപ്പിക്കുന്നു.

സ്മാർട്ഫോണിൻറെ പുറകിലത്തെ പാനലിൽ ഹോണർ ബ്രാൻഡിംഗ് നൽകിയിട്ടുണ്ടെന്ന് ചോർന്ന ചിത്രങ്ങൾ വെളിപ്പെടുത്തുന്നു. ബേസിക് ഹോണർ 50 സ്മാർട്ഫോൺ വേരിയന്റ് നിങ്ങൾക്ക് മഞ്ഞ, നീല, പർപ്പിൾ നിറങ്ങളിൽ വിപണിയിൽ ലഭ്യമാകും. ഹോണർ 50 സീരീസ് സ്മാർട്ഫോണുകളെ കുറിച്ചുള്ള കൂടുതൽ വിവരങ്ങൾ വരും ദിവസങ്ങളിൽ ലഭ്യമാകുമെന്ന് പറയുന്നു.