120Hz ഡിസ്പ്ലേ, 50MP ക്യാമറ, 5200mAh ബാറ്ററി സഹിതം ഹോണർ X7c 5G ഇന്ത്യയിൽ എത്തി

​പ്രമുഖ സ്മാർട്ട്ഫോൺ ബ്രാൻഡായ ഹോണർ തങ്ങളുടെ x സീരീസിൽ ഒരു പുതിയ സ്മാർട്ട്ഫോൺ കൂടി ഇന്ത്യയിൽ അ‌വതരിപ്പിച്ചിരിക്കുന്നു. ഹോണർ X7c 5ജി (HONOR X7c 5G) എന്ന പേരിൽ ആണ് ഈ പുതിയ എക്സ് സീരീസ് ഫോൺ എത്തിയിരിക്കുന്നത്. 15000 രൂപയിൽ താഴെ വിലയിൽ പുതിയ 5ജി സ്മാർട്ട്ഫോൺ വാങ്ങാൻ ഉദ്ദേശിക്കുന്നവരെ ലക്ഷ്യമിട്ടാണ് ഈ ഹോണർ ഫോൺ എത്തിയിരിക്കുന്നത്. സ്‌നാപ്ഡ്രാഗൺ 4 ജെൻ 2 ചിപ്സെറ്റ് ആണ് X7c 5ജിയുടെ കരുത്ത്. ഡ്യുവൽ റിയർ ക്യാമറ സജ്ജീകരണം, മികച്ച ഈട് എന്നിവയും ഈ ഹോണർ ഫോൺ വാഗ്ദാനം ചെയ്യുന്നുണ്ട്.

ഹോണർ X7c 5ജിയുടെ പ്രധാന ഫീച്ചറുകൾ

ഹോണർ X7c 5ജിയിൽ 120Hz റിഫ്രഷ് റേറ്റുള്ള 6.8 ഇഞ്ച് (2412 x 1080 പിക്സലുകൾ) FHD+ TFT LCD ഡിസ്പ്ലേ ആണ് ഇതിലുള്ളത്. ഇത് 850 nits വരെ പീക്ക് ബ്രൈറ്റ്നസ് സഹിതം എത്തുന്നു. അ‌ലൂമിനോസിലിക്കേറ്റ് ഗ്ലാസ് ആണ് ഇതിൽ ഉപയോഗിച്ചിരിക്കുന്നത്.

ഒക്ട കോർ സ്നാപ്ഡ്രാഗൺ 4 ജെൻ 2 4nm മൊബൈൽ പ്ലാറ്റ്ഫോം (2.2 GHz x 2 A78-അധിഷ്ഠിത +2GHz x 6 A55-അധിഷ്ഠിത ക്രിയോ സിപിയുകൾ) ആണ് ഈ ഫോണിന്റെ കരുത്ത്. അഡ്രിനോ 613 GPU, 8GB LPDD4X റാം, 256GB സ്റ്റോറേജ് എന്നിവയും ഇതോടൊപ്പം എത്തുന്നു.

ഡ്യുവൽ റിയർ ക്യാമറ സജ്ജീകരണമാണ് ​ഹോണർ X7c 5ജിയിൽ ഉള്ളത്. അ‌തിൽ f/1.8 അപ്പേർച്ചറുള്ള 50MP മെയിൻ ക്യാമറ, f/2.4 അപ്പേർച്ചറുള്ള 2MP ഡെപ്ത് സെൻസർ, LED ഫ്ലാഷ് എന്നിവ അ‌ടങ്ങുന്നു. സെൽഫിക്കും വീഡിയോ കോളുകൾക്കുമായി f/2.2 അപ്പേർച്ചറുള്ള 5MP ഫ്രണ്ട് ക്യാമറയും ഉണ്ട്.

ആൻഡ്രോയിഡ് 14 അ‌ടിസ്ഥാനമാക്കിയുള്ള അധിഷ്ഠിത മാജിക് ഒഎസ് 8.0ൽ ആണ് ഈ ഫോൺ അ‌വതരിപ്പിക്കപ്പെട്ടിരിക്കുന്നത്. ഡ്യുവൽ സിം (നാനോ + നാനോ), സൈഡ്-മൗണ്ടഡ് ഫിംഗർപ്രിന്റ് സെൻസർ, 3.5 എംഎം ഓഡിയോ ജാക്ക്, സ്റ്റീരിയോ സ്പീക്കറുകൾ എന്നിവയും ഇതിൽ ഉണ്ട്. മികച്ച ഈടാണ് മറ്റൊരു പ്രത്യേകത.

ജലം, പൊടി എന്നിവയെ പ്രതി​രോധിക്കുന്നതിനായി IP64 റേറ്റിങ്, SGS സർട്ടിഫിക്കേഷനോടു കൂടിയ ഡ്രോപ്പ് റെസിസ്റ്റൻസ്, സമഗ്രമായ ഡി​വൈസ് പ്രൊട്ടക്ഷൻ ഉറപ്പാക്കുന്ന SGS സർട്ടിഫിക്കേഷനോടുകൂടിയ ട്രിപ്പിൾ - റെസിസ്റ്റൻസ് പ്രൊട്ടക്ഷൻ എന്നിവ ഈ ഹോണർ X7c 5G ഫോണിന്റെ സവിശേഷതകളാണെന്ന് ഹോണർ പറയുന്നു.

5G SA/NSA, 4G VoLTE, Wi-Fi 802.11ac (2.4GHz/5GHz), ബ്ലൂടൂത്ത് 5.0, GPS, USB ടൈപ്പ്-സി, 35W സൂപ്പർചാർജ് ഫാസ്റ്റ് ചാർജിംഗുള്ള 5200mAh ബാറ്ററി എന്നിവയും ഹോണർ X7c 5ജിയിൽ ഉണ്ട്. 166.9×76.8×8.24mm വലിപ്പവും 193 ഗ്രാം ഭാരവുമാണ് ഈ ഫോണിന് ഉള്ളത്.

MOST READ: 153 രൂപയുടെ റീച്ചാർജ് പ്ലാനിന്റെ വാലിഡിറ്റി BSNL കുറച്ചു; ഇനി ആനുകൂല്യങ്ങൾ ഈ പുതിയ വാലിഡിറ്റിയിൽ

വിലയും ലഭ്യതയും

ഹോണർ X7c 5ജിയുടെ 8GB + 256GB വേരിയന്റിന് 14,999 രൂപയാണ് വില. ഇത് ഓഗസ്റ്റ് 22 വരെ മാത്രം ലഭ്യമാകുന്ന പരിമിതകാല ഓഫർ വിലയാണ് എന്നാണ് കമ്പനി പറയുന്നത്. ലോഞ്ച് ഓഫറിന്റെ ഭാഗമായി 6 മാസം വരെ നോ കോസ്റ്റ് EMI സൗകര്യവും കിട്ടും. ആമസോൺ വഴി ഓഗസ്റ്റ് 20 മുതൽ ഈ ഫോൺ വിൽപ്പനയ്ക്ക് എത്തും.