ഗൂഗിൾ പിക്സൽ 6എയുടെ ഇന്ത്യയിലെ വില എത്രയായിരിക്കും

അമേരിക്കയിൽ അവതരിപ്പിച്ചതിൽ നിന്നും വിലയുടെ കാര്യത്തിൽ ചെറിയ മാറ്റങ്ങൾ ഉണ്ടായിരിക്കും എങ്കിലും 30000 രൂപയ്ക്കും 40000 രൂപയ്ക്കും ഇടയിൽ തന്നെയായിരിക്കും ഈ സ്മാർട്ട്ഫോണിന്റെ വില എന്ന കാര്യം ഉറപ്പാണ്. ഗൂഗിൾ പിക്സൽ 6എ സ്മാർട്ട്‌ഫോൺ ചോക്ക്, ചാർക്കോൾ, സേജ് കളർ ഓപ്ഷനുകളിൽ ലഭ്യമാകുമെന്നും ജൂലൈ 21 മുതൽ അമേരിക്കയിൽ ഈ ഫോണിന്റെ പ്രീ-ഓർഡർ ആരംഭിക്കുമെന്നും ലോഞ്ച് ഇവന്റിൽ വച്ച് ഗൂഗിൾ വ്യക്തമാക്കിയിട്ടുണ്ട്.

ഗൂഗിൾ പിക്സൽ 6എ: സവിശേഷതകൾ

60Hz റിഫ്രഷ് റേറ്റും 20:9 അസ്പാക്ട് റേഷിയോവും ഉള്ള 6.1-ഇഞ്ച് ഫുൾ എച്ച്ഡി+ (1,080 x 2,400 പിക്‌സൽ) ഒലെഡ് ഡിസ്‌പ്ലേയുമായിട്ടാണ് ഗൂഗിൾ പിക്സൽ 6എ സ്മാർട്ട്ഫോൺ വരുന്നത്. ഈ ഡിസ്പ്ലെയുടെ സുരക്ഷയ്ക്കായി കോർണിംഗ് ഗൊറില്ല ഗ്ലാസ് 3 പ്രോട്ടക്ഷനും നൽകിയിട്ടുണ്ട്. 6 ജിബി LPDDR5 റാമുമായി ജോടിയാക്കിയ ഒക്ടാ-കോർ ഗൂഗിൾ ടെൻസർ എസ്ഒസിയുടെയും ടൈറ്റൻ എം2 സെക്യൂരിറ്റി കോപ്രോസസറിനറെയും കരുത്തിലാണ് ഈ ഡിവൈസ് പ്രവർത്തിക്കുന്നത്. ആൻഡ്രോയിഡ് 12 ഒഎസുള്ളു ഡിവൈസിന് അഞ്ച് വർഷത്തെ സുരക്ഷാ അപ്‌ഡേറ്റുകൾ ലഭിക്കും.

ഡ്യുവൽ റിയർ ക്യാമറ സെറ്റപ്പുമായിട്ടാണ് ഗൂഗിൾ പിക്‌സൽ 6എ സ്മാർട്ട്ഫോൺ വരുന്നത്. ഈ പിൻ ക്യാമറസെറ്റപ്പിൽ എഫ്/1.7 അപ്പേർച്ചർ ലെൻസുള്ള 12.2 മെഗാപിക്‌സൽ പ്രൈമറി സെൻസറും എഫ്/2.2 അപ്പേർച്ചർ ലെൻസ് ഉള്ള അൾട്രാ വൈഡ് ആംഗിൾ 12 മെഗാപിക്‌സൽ സെക്കൻഡറി സെൻസറുമാണ് ഉള്ളത്. സെൽഫികൾക്കും വീഡിയോ കോളുകൾക്കുമായി ഗൂഗിൾ പിക്സൽ 6എ സ്മാർട്ട്ഫോണിൽ എഫ്/2.0 അപ്പേർച്ചർ ലെൻസുള്ള 8 മെഗാപിക്സൽ ഫ്രണ്ട് ഫേസിങ് ക്യാമറയും നൽകിയിട്ടുണ്ട്. ഡിവൈസിലെ പിൻ ക്യാമറ 30fps-ൽ 4കെ വീഡിയോ റെക്കോർഡിങ് നൽകുന്നു. ഫ്രണ്ട് ക്യാമറ 30fps-ൽ 1080p വീഡിയോ റെക്കോർഡിങ് സപ്പോർട്ട് ചെയ്യുന്നു.

ഗൂഗിൾ പിക്സൽ 6എ 128 ജിബി ഇൻബിൽറ്റ് സ്റ്റോറേജുമായാണ് വരുന്നത്. ഡിവൈസിൽ കണക്റ്റിവിറ്റി ഓപ്ഷനുകളായി 5ജി, 4ജി എൽടിഇ, വൈഫൈ 6ഇ, ബ്ലൂട്ടൂത്ത് 5.2, യുഎസ്ബി ടൈപ്പ്-സി പോർട്ട് എന്നിവ നൽകിയിട്ടുണ്ട്. ബയോമെട്രിക് ഓതന്റിക്കേഷനുള്ള ഇൻ-ഡിസ്‌പ്ലേ ഫിംഗർപ്രിന്റ് സെൻസറുമായിട്ടാണ് ഈ ഡിവൈസ് വരുന്നത്. ആക്‌സിലറോമീറ്റർ, ആംബിയന്റ് ലൈറ്റ്, ബാരോമീറ്റർ, ഗൈറോസ്‌കോപ്പ്, മാഗ്നെറ്റോമീറ്റർ, പ്രോക്‌സിമിറ്റി സെൻസർ എന്നിവയാണ് ഓൺബോർഡ് സെൻസറുകൾ. ഫാസ്റ്റ് ചാർജിങ് സപ്പോർട്ടുള്ള പിക്സൽ 6എയിൽ 4,410 എംഎഎച്ച് ബാറ്ററിയും ഗൂഗിൾ നൽകിയിട്ടുണ്ട്.

പിക്സൽ 7 സീരീസ് വരുന്നു

ഗൂഗിൾ ഐ/ഒ ഇവന്റഇൽ വച്ച് കമ്പനി പിക്സൽ 7, പിക്സൽ 7 പ്രോ എന്നീ സ്മാർട്ട്ഫോണുകളുടെ ടീസറും പുറത്ത് വിട്ടിരുന്നു. ഗൂഗിളിന്റെ ടെൻസർ എസ്ഒസിയുടെ അടുത്ത തലമുറ പ്രോസസറുകളുമായി ഈ ഡിവൈസുകൾ വർഷാവസാനം ആഗോള വിപണിയിൽ അവതരിപ്പിക്കും. ഇവ ഇന്ത്യയിൽ ലോഞ്ച് ചെയ്യുന്ന കാര്യം സ്ഥിരീകരിച്ചിട്ടില്ല. ആൻഡ്രോയിഡ് 13 ഒഎസിൽ ആയിരിക്കും ഈ സ്മാർട്ട്ഫോണുകൾ പ്രവർത്തിക്കുക എന്നും ഗൂഗിൾ അറിയിച്ചിട്ടുണ്ട്.