6,000mAh ബാറ്ററിയുമായി ഹുവായ് എൻജോയ്70; ഒരു ദിവസത്തിൽ കൂടുതൽ തുടർച്ചയായി പ്രവർത്തിക്കും, 14,000 രൂപ മാത്രം

ഹുവായുടെ പുതിയ ഫോണായ ഹുവായ് എൻജോയ് 70 അവതരിപ്പിച്ചു. ചൈനയിലാണ് ഫോൺ അവതരിപ്പിച്ചിരിക്കുന്നത്. ഈ വർഷം മാർച്ച് മാസത്തിൽ കമ്പനി അവതരിപ്പിച്ച ഹുവായ് 60 സീരീസിന്റെ പിൻ​ഗാമി എന്ന നിലയ്ക്കാണ് പുതിയ ഫോണിനെ ഹുവായ് അവതരിപ്പിച്ചിരിക്കുന്നത്. ഹുവായ് പി 60, പി 60പ്രോ എന്നീ ഫോണുകൾ ആയിരുന്നു ഈ സീരീസിൽ ഉണ്ടായിരിന്നത്.

അതേ സമയം ഇവയിൽ നിന്ന് അടിമുടി മാറ്റവുമായിട്ടാണ് പുതിയ ഹുവായ് എൻജോയ് 70 കമ്പനി അവതരിപ്പിച്ചിരിക്കുന്നത്. 6000 mAh ബാറ്ററിയാണ് ഫോണിന്റെ പ്രധാന സവിശേഷതകളിൽ ഒന്ന്. മികച്ച ബാറ്ററി ലൈഫ് തന്നെ ഈ ഫോണിൽ നിന്ന് പ്രതീക്ഷിക്കാവുന്നതാണ്. ഇതിന് പുറമെ എൻജോയ് എസ്ക് ബട്ടൺ എന്ന പേരിൽ പ്രത്യേകം ഒരു ബട്ടണും ഹുവായ് തങ്ങളുടെ പുതിയ ഫോണിൽ നൽകിയിട്ടുണ്ട്.

MOST READ: മെയ്ഡിൻ ഇന്ത്യൻ ഡാ... സാംസങ്ങിനെയും ഷവോമിയേയും പിന്നിലാക്കി ബോട്ട്; മുന്നിലുള്ളത് ആപ്പിൾ മാത്രം

ഏകദേശം ഒമ്പതോളം ആപ്പുകളിലേക്കുള്ള ആക്സസ് ഈ ബട്ടണിലൂടെ സാധ്യമാകും എന്നാണ് കമ്പനി വിശദീകരിച്ചിരിക്കുന്നത്. ഉപയോക്താക്കൾ ഏറ്റവും കൂടുതൽ ഉപയോ​ഗിക്കുന്ന ആപ്പുകളിലേക്ക് പെട്ടെന്ന് ആക്സസ് ലഭിക്കാനാണ് ഇത്തരത്തിൽ ഒരു ബട്ടൺ നൽകിയിരിക്കുന്നത് എന്നാണ് കമ്പനി പറഞ്ഞിരിക്കുന്നത്. ഉപയോക്താക്കളുടെ ഇഷ്ടത്തിന് അനുസരിച്ച് ഇതിൽ മാറ്റം വരുത്താമെന്നും ഇവർ കൂട്ടിച്ചേർക്കുന്നു. 8 ജിബി റാം 128 ജിബി സ്റ്റോറേജ്, 8 ജിബി റാം 256 ജിബി സ്റ്റോറേജ് എന്നീ വേരിയന്റുകളിലാണ് ഫോൺ പുറത്തിറക്കിയിരിക്കുന്നത്.

ഇതിൽ 8 ജിബി റാം 128 ജിബി സ്റ്റോറേജ് വേരിയന്റിന്റെ വില 1,199 യുവാൻ ആണ് അതായത് ഏകദേശം 14,000 രൂപ. 8 ജിബി റാം 256 ജിബി സ്റ്റോറേജിന്റെ വിലയാകട്ടെ 1,399 യുവാൻ ആണ് അതായത് 16,300 ഇന്ത്യവൻ രൂപയോളം. ഫോണിന്റെ പ്രധാന സവിശേഷതകൾ എന്തെല്ലാമാണെന്ന് പരിശോധിക്കാം. 6.75-ഇഞ്ച് എച്ച്ഡി പ്ലസ് എൽസിഡി ഡിസ്പ്ലേയാണ് ഫോണിനായി ഹുവായ് തയ്യാറാക്കിയിരിക്കുന്നത്. ഇതിന് 60Hz പുതുക്കൽ നിരക്കും അവകാശപ്പെടാനുണ്ട്.

MOST READ: ഐക്യൂ 12 ന്റെ വില ആമസോണിൽ അ‌ബദ്ധത്തിൽ ചോർന്നു, പിന്നീട് ഡിലീറ്റ് ചെയ്തെങ്കിലും വില പരസ്യമായി!

ഒക്ടാ-കോർ ചിപ്‌സെറ്റും ഈ ഫോണിൽ ഇടം പിടിച്ചിട്ടുണ്ട് എന്നാണ് പുറത്ത് വരുന്ന റിപ്പോർട്ടുകൾ സൂചിപ്പിക്കുന്നത്. ഇൻ-ഹൗസ് Kirin 710A SoC പ്രൊസസറുമായി ആണ് ഫോൺ പുറത്തിറക്കിയിരിക്കുന്നത് എന്നാണ് ​ഗിസ്മോ ചൈന എന്ന മാധ്യമം പുറത്തിറക്കിയിരിക്കുന്ന റിപ്പോർട്ട്. ക്യാമറ വിശേഷങ്ങൾ പരിശോധിക്കുമ്പോൾ 50 മെഗാപിക്സൽ ആണ് ഹുവായ് എൻജോയ് 70ന്റെ പ്രൈമറി സെൻസർ. 2 മെഗാപിക്സൽ മാക്രോ സെൻസറും ഫോണിൽ ഇടം പിടിച്ചിട്ടുണ്ട്.

എൽഇഡി ഫ്ലാഷ് ലൈറ്റും ക്യാമറകൾക്കൊപ്പം പിൻവശത്തായി ഇടം പിടിച്ചിട്ടുണ്ട്. സെൽഫികൾക്കും വീഡിയോ കോളുകൾക്കുമായുള്ള മുൻ ക്യാമറ ആകട്ടെ 8-മെഗാപിക്സൽ സെൻസറുമായാണ് എത്തുന്നത്. ഡിസ്പ്ലേയുടെ മുകളിൽ നൽകിയിരിക്കുന്ന വാട്ടർഡ്രോപ്പ് നോച്ചിൽ ആണ് ഫ്രണ്ട് ക്യാമറ സ്ഥാനം പിടിച്ചിരിക്കുന്നത്. ഫോണിന്റെ ഇടതു വശത്തായിട്ടാണ് എൻജോയ് എക്‌സ് ബട്ടൺ സ്ഥാനം പിടിച്ചിരിക്കുന്നത്. മികച്ച ഡിസൈനും കമ്പനി ഈ ഫോണിനായി ഒരുക്കിയിരിക്കുന്നു.

അതേ സമയം ബാറ്ററിയുടെ വിശേഷങ്ങൾ പരിശോധിക്കുമ്പോൾ നേരത്തെ സൂചിപ്പിച്ചത് പോലെ 6,000 mAh ബാറ്ററിയാണ് എൻജോയ് 70ന് വേണ്ടി ഹുവായ് ഒരുക്കിയിരിക്കുന്നത്. ഈ ഫോൺ 30 മണിക്കൂർ വരെ തുടർച്ചയായി വീഡിയോ പ്ലേബാക്ക് വാ​ഗ്ദാനം ചെയ്യുന്നുണ്ട്. ഇത്രയും ബഡ്ജറ്റ് ഫ്രണ്ട്ലിയായ ഒരു ഫോണിൽ ഇത്രയധികം പ്ലേബാക്ക് ലഭിക്കുന്നത് അപൂർവ്വമാണ്. ഒരു ദിവസത്തിൽ കൂടുതൽ ഫോൺ തുടർച്ചായി ഉപയോ​ഗിച്ചാലും ചാർജ് തീരീല്ല എന്നാണ് ഇവർ അവകാശപ്പെടുന്നത്.

22.5W വയർഡ് ഫാസ്റ്റ് ചാർജിംഗ് പിന്തുണയും ഈ ബാറ്ററിയ്ക്ക് അവകാശപ്പെടാനുണ്ട്. ഫോണിന്റെ ഫിംഗർപ്രിന്റ് സെൻസർ നൽകിയിരിക്കുന്നത് സൈഡ് ഭാ​ഗത്താണ് എന്ന പ്രത്യേകതയും ഹുവായ് എൻജോയ് 70ന് ഉണ്ട്. 207 ഗ്രാം ഭാരം മാത്രമാണ് ഈ ഫോണിന് ഉള്ളത്. അതേ സമയം നിലവിൽ ഈ ഫോൺ ചൈനയിൽ മാത്രമാണ് ഇപ്പോൾ ലോഞ്ച് ചെയ്തിരിക്കുന്നത്. അധികം വൈകാതെ തന്നെ മറ്റ് രാജ്യങ്ങളിലും ഈ ഫോൺ എത്തുമെന്നാണ് പ്രതീക്ഷിക്കുന്നത്.