8,499 രൂപയ്ക്ക് കിടിലൻ ഫീച്ചറുകളുമായി ഇൻഫിനിക്സ് ഹോട്ട് 12 പ്ലേ ഇന്ത്യയിലെത്തി

|

ഇൻഫിനിക്സ് ഹോട്ട് 12 പ്ലേ സ്മാർട്ട്ഫോൺ ഇന്ത്യൻ വിപണിയിൽ അവതരിപ്പിച്ചു. ആകർഷകമായ ഡിസൈൻ, ഡ്യുവൽ പ്രൈമറി ക്യാമറ മൊഡ്യൂൾ, വലിയ ബാറ്ററി എന്നിങ്ങനെയുള്ള മികച്ച സവിശേഷതകളുമായിട്ടാണ് ഈ ബജറ്റ് സ്മാർട്ട്ഫോൺ രാജ്യത്ത് ലോഞ്ച് ചെയ്തത്. ഈ ഡിവൈസ് നേരത്തെ തായ്‌ലൻഡിൽ അവതരിപ്പിച്ചിരുന്നു. ഇൻഫിനിക്സ് ഹോട്ട് 11 പ്ലേയുടെ പിൻഗാമിയായിട്ടാണ് ഇൻഫിനിക്സ് ഹോട്ട് 12 പ്ലേ ഇന്ത്യയിൽ എത്തിയിരിക്കുന്നത്. ഈ സ്മാർട്ടഫോണിന്റെ വിലയും സവിശേഷതകളും വിശദമായി നോക്കാം.

 

ഇൻഫിനിക്സ് ഹോട്ട് 12 പ്ലേ: വിലയും ലഭ്യതയും

ഇൻഫിനിക്സ് ഹോട്ട് 12 പ്ലേ: വിലയും ലഭ്യതയും

ഇൻഫിനിക്സ് ഹോട്ട് 12 പ്ലേ സ്മാർട്ട്ഫോൺ ഒരൊറ്റ റാം, സ്റ്റോറേജ് വേരിയന്റിലാണ് ഇന്ത്യയിൽ അവതരിപ്പിച്ചിരിക്കുന്നത്. ഈ ഡിവൈസിൽ 4 ജിബി റാമും 64 ജിബി സ്റ്റോറേജുമാണ് ഉള്ളത്. 8,499 രൂപയാണ് സ്മാർട്ട്ഫോണിന്റെ വില. റേസിങ് ബ്ലാക്ക്, ഹൊറൈസൺ ബ്ലൂ, ഷാംപെയ്ൻ ഗോൾഡ്, ഡേലൈറ്റ് ഗ്രീൻ എന്നീ കളർ ഓപ്ഷനുകളിലാണ് സ്മാർട്ട്ഫോൺ ലഭ്യമാകുന്നത്. മെയ് 30 മുതൽ ഫ്ലിപ്പ്കാർട്ടിലൂടെ ഈ ഡിവൈസ് വിൽപ്പനയ്ക്ക് എത്തും. റെഡ്മി 9 പ്രൈം, പോക്കോ എം2, റിയൽമി നാർസോ 30എ, റിയൽമി സി15 എന്നിവയ്ക്കെതിരെയാണ് ഇൻഫിനിക്സ് ഹോട്ട് 12 പ്ലേ മത്സരിക്കുന്നത്.

വിപണി പിടിക്കാൻ ഷവോമി 12 അൾട്ര വരുന്നു, ലൈക്ക ക്യാമറകളും പ്രതീക്ഷിക്കാംവിപണി പിടിക്കാൻ ഷവോമി 12 അൾട്ര വരുന്നു, ലൈക്ക ക്യാമറകളും പ്രതീക്ഷിക്കാം

ഇൻഫിനിക്സ് ഹോട്ട് 12 പ്ലേ: സവിശേഷതകൾ
 

ഇൻഫിനിക്സ് ഹോട്ട് 12 പ്ലേ: സവിശേഷതകൾ

ഇൻഫിനിക്സ് ഹോട്ട് 12 പ്ലേ സ്മാർട്ട്ഫോണിൽ തിരശ്ചീനമായ ലൈൻ പാറ്റേണുകൾക്കൊപ്പം ഡ്യുവൽ-ടോൺ ഫിനിഷുള്ള ആകർഷകമായ ഡിസൈനാണ് കമ്പനി നൽകിയിരിക്കുന്നത്. സ്‌ക്രീനിന് ചുറ്റും മെലിഞ്ഞ ബെസലുകളും സെൽഫി ക്യാമറ സ്ഥാപിക്കാനായി പഞ്ച്-ഹോൾ ഡിസ്‌പ്ലേയും നൽകിയിട്ടുണ്ട്. പുറകിൽ മുകളിൽ ഇടത് കോണിലായി വലിയ ചതുരാകൃതിയിലാണ് ക്യാമറ മൊഡ്യൂൾ നൽകിയിട്ടുള്ളത്. സുരക്ഷയ്ക്കായി പിന്നിൽ ഫിംഗർപ്രിന്റ് സെൻസറും നൽകിയിട്ടുണ്ട്. 3.5എംഎം ഹെഡ്‌ഫോൺ ജാക്കും ഈ ഡിവൈസിൽ ഉണ്ട്.

ഡിസ്പ്ലേ

ഇൻഫിനിക്സ് ഹോട്ട് 12 പ്ലേ സ്മാർട്ട്ഫോണിൽ 6.82 ഇഞ്ച് ഐപിഎസ് എൽസിഡി ഡിസ്പ്ലേയാണ് ഉള്ളത്. ഈ ഡിസ്പ്ലെയ്ക്ക് 1,640 x 720 പിക്സൽ റെസലൂഷനാണ് ഉള്ളത്. 90Hz റിഫ്രഷ് റേറ്റും 180Hz ടച്ച്-സാമ്പിൾ റേറ്റുമുള്ള മികച്ചൊരു ഡിസ്പ്ലെയാണ് ഇത്. 480 നിറ്റ്സ് വരെ ബ്രൈറ്റ്നസുള്ള ഡിസ്പ്ലെയ്ക്ക് 20.5:9 അസ്പാക്ട് റേഷിയോവും പാണ്ട MN228 ഗ്ലാസ് പ്രോട്ടക്ഷൻ ലെയറും നൽകിയിട്ടുണ്ട്. വളരെ മികച്ച ഡിസ്പ്ലെ തന്നെയാണ് ഇത്.

iQOO നിയോ 6 5ജി സ്മാർട്ട്ഫോൺ മെയ് 31ന് ഇന്ത്യയിലെത്തും; പ്രതീക്ഷിക്കുന്ന വിലയും സവിശേഷതകളുംiQOO നിയോ 6 5ജി സ്മാർട്ട്ഫോൺ മെയ് 31ന് ഇന്ത്യയിലെത്തും; പ്രതീക്ഷിക്കുന്ന വിലയും സവിശേഷതകളും

പ്രോസസർ

രണ്ട് Cortex-A75 കോറുകളും ആറ് Cortex-A55 കോറുകളും ഉള്ള ഒക്ടാകോർ യൂണിസോക്ക് ടി610 പ്രോസസറാണ് ഇൻഫിനിക്സ് ഹോട്ട് 12 പ്ലേ സ്മാർട്ട്ഫോണിന് കരുത്ത് നൽകുന്നത്. 12nm ഫാബ്രിക്കേഷൻ പ്രോസസ്സ് അടിസ്ഥാനമാക്കിയുള്ള ചിപ്‌സെറ്റിനൊപ്പം മാലി-ജി52 ഗ്രാഫിക്സ് പ്രോസസറും നൽകിയിട്ടുണ്ട്. മുകളിൽ സൂചിപ്പിച്ചത് പോലെ 4 ജിബി റാമും 64 ജിബി നേറ്റീവ് സ്റ്റോറേജുമാണ് ഡിവൈസിലുള്ളത്. ഈ സ്റ്റോറേജ് തികയാതെ വരുന്നവർക്കായി മൈക്രോ എസ്ഡി കാർഡ് സ്ലോട്ട് വഴി സ്റ്റോറേജ് 1 ടിബി വരെ എക്സ്പാൻഡ് ചെയ്യാം. ആൻഡ്രോയിഡ് 11 ബേസ്ഡ് എക്സ്ഒഎസ് 10ലാണ് ഡിവൈസ് പ്രവർത്തിക്കുന്നത്.

ക്യാമറ

ഇൻഫിനിക്‌സ് ഹോട്ട് 12 പ്ലേയിൽ രണ്ട് പിൻക്യാമറകളാണ് ഉള്ളത്. 13 എംപി മെയിൻ ക്യാമറയും എഫ്/1.8 അപ്പർച്ചർ ലെൻസിനുമൊപ്പം ഡെപ്‌ത് സെൻസിംഗ് സെക്കൻഡറി ക്യാമറയാണ് ഈ ഡിവൈസിലുള്ളത്. സെൽഫികൾക്കും വീഡിയോ കോളിങിനുമായി എഫ്/2.0 അപ്പേർച്ചർ ഉള്ള 8 എംപി ക്യാമറയാണ് ഉള്ളത്. കണക്റ്റിവിറ്റി ഓപ്ഷനുകളായി ഈ ഡിവൈസിൽ ഡ്യുവൽ 4ജി വോൾട്ടി, ഡ്യുവൽ-ബാൻഡ് വൈ-ഫൈ, ബ്ലൂടൂത്ത് 5.1, ജിപിഎസ്, യുഎസ്ബി ടൈപ്പ്-സി പോർട്ട് എന്നിവ നൽകിയിട്ടുണ്ട്. 6,000 mAh ബാറ്ററിയാണ് ഫോണിലുള്ളത്. കുറഞ്ഞ വിലയിൽ ഈ ഡിവൈസ് നൽകുന്ന ഫീച്ചറുകളെല്ലാം മികച്ചതാണ്.

റിയൽമി നാർസോ 50 5ജി, വിവോ വൈ75 അടക്കം കഴിഞ്ഞ വാരം പുറത്തിറങ്ങിയ ഫോണുകൾറിയൽമി നാർസോ 50 5ജി, വിവോ വൈ75 അടക്കം കഴിഞ്ഞ വാരം പുറത്തിറങ്ങിയ ഫോണുകൾ

Best Mobiles in India

English summary
Infinix Hot 12 Play smartphone launched in India. Priced at Rs 8,499, the phone comes with attractive design, dual primary camera module and big battery.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X