ഇൻഫിനിക്സ് നോട്ട് 7 സ്മാർട്ട്ഫോൺ സെപ്റ്റംബർ 16ന് ഇന്ത്യൻ വിപണിയിലെത്തും

ഇന്ത്യയ്ക്ക് പുറത്ത് ഇൻഫിനിക്സ് നോട്ട് 7 സ്മാർട്ട്ഫോണിനൊപ്പം ഏപ്രിലിൽ നോട്ട് 7 ലൈറ്റ് സ്മാർട്ട്ഫോണും കമ്പനി പുറത്തിറക്കിയിരുന്നു. അതുകൊണ്ട് തന്നെ ഇന്ത്യയിൽ നോട്ട് 7 സ്മാർട്ട്ഫോണിനൊപ്പം തന്നെ നോട്ട് 7 ലൈറ്റ് എന്ന ഡിവൈസും പുറത്തിറക്കാൻ സാധ്യതയുണ്ട്. ഇക്കാര്യത്തിൽ ഇതുവരെ സ്ഥിരീകരണം ഉണ്ടായിട്ടില്ല. ഇൻഫിനിക്സ് 7 സ്മാർട്ട്ഫോണിന്റെ വിലയും ഇന്ത്യയിൽ പുറത്തിറക്കുന്ന മോഡലിന്റെ സവിശേഷതകളും സംബന്ധിച്ച വിവരങ്ങളൊന്നും കമ്പനി പുറത്ത് വിട്ടിട്ടില്ല. മറ്റ് രാജ്യങ്ങളിൽ പുറത്തിറക്കിയതിന് സമാനമായ സവിശേഷതകൾ പലതും ഇന്ത്യൻ മോഡലിലും ഉണ്ടായിരിക്കും.

ഇൻഫിനിക്സ് നോട്ട് 7: സവിശേഷതകൾ

രണ്ട് നാനോ സിം സ്ലോട്ടുകളുമായിട്ടാണ് ഇൻഫിനിക്സ് നോട്ട് 7 സ്മാർട്ട്ഫോൺ പുറത്തിറങ്ങുക. ആൻഡ്രോയിഡ് 10 ബേസ്ഡ് XOS 6.0യിൽ പ്രവർത്തിക്കുന്ന ഡിവൈസിൽ 6.95 ഇഞ്ച് എച്ച്ഡി+ (720x1,640 പിക്‌സൽ) ഐപിഎസ് ഡിസ്‌പ്ലേയും ഉണ്ടായിരിക്കും. ഈ ഡിസ്പ്ലെയ്ക്ക് 20.5: 9 അസ്പാക്ട് റേഷിയോ ഉണ്ടായിരിക്കും. ഇൻഫിനിക്‌സ് നോട്ട് 7 സ്മാർട്ട്ഫോൺ ഒക്ടാ കോർ മീഡിയടെക് ഹെലിയോ ജി 70 SoCയുടെ കരുത്തിലാണ് പ്രവർത്തിക്കുന്നത്.

ഫോട്ടോകളും വീഡിയോകളും എടുക്കുന്നതിന് ഇൻഫിനിക്സ് നോട്ട് 7 സ്മാർട്ട്ഫോണിൽ ഒരു ക്വാഡ് റിയർ ക്യാമറ സെറ്റപ്പാണ് നൽകിയിട്ടുള്ളത്. ഈ ക്യാമറ സെറ്റപ്പിൽ 48 മെഗാപിക്സൽ പ്രൈമറി സെൻസറാണ് ഉള്ളത്. ഇതിനൊപ്പം 2 മെഗാപിക്സൽ മാക്രോ സെൻസർ, 2 മെഗാപിക്സൽ ഡെപ്ത് സെൻസർ, ലോ ലൈറ്റ് വീഡിയോ ക്യാമറ എന്നിവയും ഇൻഫിനിക്സ് നൽകിയിട്ടുണ്ട്. ക്യാമറ സെറ്റപ്പിന്റെ മറ്റൊരു സവിശേഷത ഇതിലുള്ള എൽഇഡി ഫ്ലാഷാണ്. സ്മാർട്ട്ഫോണിൽ സെൽഫികൾക്കായി 16 മെഗാപിക്സൽ ക്യാമറയും കമ്പനി നൽകിയിട്ടുണ്ട്.

ഇൻഫിനിക്സ് നോട്ട് 7 സ്മാർട്ട്ഫോണിൽ 6 ജിബി റാമാണ് നൽകിയിട്ടുള്ളത്. 128 ജിബി ഓൺബോർഡ് സ്റ്റോറേജുള്ള ഡിവൈസിൽ സ്റ്റോറേജ് 2ടിബി വരെ എക്സ്പാൻഡ് ചെയ്യാനായി ഒരു മൈക്രോ എസ്ഡി കാർഡ് സ്ലോട്ടും കമ്പനി നൽകിയിട്ടുണ്ട്.4 ജി എൽടിഇ, വൈ-ഫൈ 802.11ac, ബ്ലൂടൂത്ത്, ജിപിഎസ് / എ-ജിപിഎസ്, മൈക്രോ-യുഎസ്ബി, 3.5 എംഎം ഹെഡ്‌ഫോൺ ജാക്ക് എന്നീ കണക്ടിവിറ്റി ഓപ്ഷനുകളാണ് ഇൻഫിനിക്സ് നോട്ട് 7 സ്മാർട്ട്ഫോണിൽ ഉണ്ടായിരിക്കുക.

സൈഡ് മൌണ്ട് ചെയ്ത ഫിംഗർപ്രിന്റ് സെൻസറുമായിട്ടാണ് ഇൻഫിനിക്സ് നോട്ട് 7 സ്മാർട്ട്ഫോൺ പുറത്തിറങ്ങുന്നത്. ഇതിനൊപ്പം ആക്‌സിലറോമീറ്റർ, ആംബിയന്റ് ലൈറ്റ്, മാഗ്നെറ്റോമീറ്റർ, പ്രോക്‌സിമിറ്റി സെൻസർ എന്നിവയടക്കമുള്ള നിരവധി സെൻസറുകളും കമ്പനി നൽകിയിട്ടുണ്ട്. 5,000 എംഎഎച്ച് ബാറ്ററിയാണ് ഡിവൈസിൽ പായ്ക്ക് ചെയ്യുന്നത്. ഈ ബാറ്ററി വേഗത്തിൽ ചാർജ് ചെയ്യാനായി ഡിവൈസ് 18W ഫാസ്റ്റ് ചാർജിങ് സപ്പോർട്ടുമായിട്ടായിരിക്കും വരുന്നത്.