മീഡിയടെക് ഹീലിയോ ജി90 എസ്ഒസിയുടെ കരുത്തുമായി ഇൻഫിനിക്സ് സീറോ 8i പുറത്തിറങ്ങി

ഇൻഫിനിക്സ് സീറോ 8i: സവിശേഷതകൾ

6.85 ഇഞ്ച് ഡിസ്‌പ്ലേയാണ് ഇൻഫിനിക്‌സ് സീറോ 8i സ്മാർട്ട്ഫോണിൽ ഉള്ളത്. ഈ ഡിസ്പ്ലേയ്ക്ക് FHD+ റെസല്യൂഷനും 90Hz റിഫ്രഷ് റേറ്റും ഉണ്ട്. എൽസിഡി പാനലിന്റെ മുകളിൽ ഇടതുഭാഗത്ത് രണ്ട് സെൽഫി ക്യാമറകൾ ഘടിപ്പിക്കാനായി ഗുളിക ആകൃതിയിലുള്ള പഞ്ച്-ഹോളാണ് കമ്പനി കൊടുത്തിരിക്കുന്നത്. ഈ സെൽഫി ക്യാമറ സെറ്റപ്പിൽ 16 എംപി പ്രൈമറി സെൽഫി ക്യാമറയും 8 എംപി അൾട്രാ-വൈഡ് ആംഗിൾ ക്യാമറയുമാണ് ഉള്ളത്.

ഇൻഫിനിക്സ് സീറോ 8i സ്മാർട്ട്ഫോണിനറെ പിൻവശത്ത് നാല് ക്യാമറകളാണ് ഉള്ളത്. ഈ ക്വാഡ് ക്യാമറ സെറ്റപ്പിൽ 48 എംപി പ്രൈമറി ക്യാമറയാണ് ഉള്ളത്. ഇതിനൊപ്പം അൾട്രാ-വൈഡ് ആംഗിൾ ഇമേജുകൾക്കായി 8 എംപി സെൻസറും ബോകെ ഇഫക്റ്റുകൾക്കായി 2 എംപി സെൻസറും നൽകിയിട്ടുണ്ട്. നാലാമത്തെ ക്യാമറ ഡെഡിക്കേറ്റഡ് എഐ ലെൻസാണ്. മുകളിൽ സൂചിപ്പിച്ചത് പോലെ രണ്ട് സെൽഫി ക്യാമറകളാണ് ഡിവൈസിൽ ഉള്ളത്.

ഇൻഫിനിക്സ് സീറോ 8i സ്മാർട്ട്ഫോണിന് കരുത്ത് നൽകുന്നത്. മീഡിയടെക് ഹീലിയോ ജി 90ടിയാണ്. എആർ‌എം മാലി-ജി 76 ജിപിയു, 8 ജിബി റാം എന്നിവയാണ് ഇതിനൊപ്പം ഡിവൈസിൽ നൽകിയിട്ടുള്ളത്. 128 ജിബി സ്റ്റോറേജ് കപ്പാസിറ്റി ഉള്ള ഈ ഡിവൈസിന് സ്റ്റേറേജ് എക്സ്പാൻഡ് ചെയ്യാൻ മൈക്രോ എസ്ഡി കാർഡ് സപ്പോർട്ടും ഉണ്ട്. ആൻഡ്രോയിഡ് 10 ബേസ്ഡ് XOS 7 യുഐയിലാണ് ഈ ഡിവൈസ് പ്രവർത്തിക്കുന്നത്.

ഇൻഫിനിക്സ് സീറോ 8i സ്മാർട്ട്ഫോണിൽ സുരക്ഷയ്ക്കായി ഫിങ്കർപ്രിന്റ് സെൻസർ നൽകിയിട്ടുണ്ട്. ഈ സെൻസർ ഫോണിന്റെ വലത് വശത്താണ് നൽകിയിരിക്കുന്നത്. പവർ ബട്ടണും സെൻസറും ഒന്നുതന്നെയാണ്. യുഎസ്ബി ടൈപ്പ്-സി പോർട്ട്, ഡ്യുവൽ 4 ജി വോൾട്ട്, വൈ-ഫൈ, ബ്ലൂടൂത്ത് എന്നീ കണക്ടിവിറ്റി ഓപ്ഷനുകളാണ് ഡിവൈസിലുള്ളത്. 33W ഫാസ്റ്റ് ചാർജിംഗ് സപ്പോർട്ടുള്ള 4,500 mAh ബാറ്ററിയാണ് ഡിവൈസിലുള്ളത്.

ഇൻഫിനിക്സ് സീറോ 8i: വില

ഇൻഫിനിക്സ് സീറോ 8i സ്മാർട്ട്ഫോണിന് പാക്കിസ്ഥാനിൽ 39,999 രൂപയാണ് വില. ഇന്ത്യൻ കറൻസിയിൽ ഇത് 15,640 രൂപയാണ്. ഈ ഡിവൈസ് 8 ജിബി റാമും 128 ജിബി സ്റ്റോറേജുമുള്ള ഒറ്റ വേരിയന്റിലാണ് പുറത്തിറക്കിയിരിക്കുന്നത്. ഇന്ത്യൻ വിപണിയിൽ ഈ സ്മാർട്ട്ഫോൺ എപ്പോൾ പുറത്തിറങ്ങുമെന്ന കാര്യം ഇതുവരെ വ്യക്തമായിട്ടില്ല. അധികം വൈകാതെ ഈ ഡിവൈസ് ഇന്ത്യൻ വിപണിയിൽ അവതരിപ്പിക്കുമെന്നാണ് സൂചനകൾ.