കിടിലൻ സവിശേഷതകളുമായി ഐക്യുഒഒ 7, ഐക്യുഒഒ 7 ലെജന്റ് സ്മാർട്ട്ഫോണുകൾ ഇന്ത്യയിലെത്തി

Published: Monday, April 26, 2021, 13:32 [IST]

ഐക്യുഒഒ 7, ഐക്യുഒഒ 7 ലെജന്റ് സ്മാർട്ട്ഫോണുകൾ ഇന്ത്യൻ വിപണിയിൽ അവതരിപ്പിച്ചു. മിഡ് റേഞ്ച് വിഭാഗത്തിലാണ് വിവോയുടെ സബ് ബ്രാന്റായ ഐക്യുഒഒ പുതിയ രണ്ട് ഡിവൈസുകളും ലോഞ്ച് ചെയ്തിരിക്കുന്നത്. ഐക്യുഒഒ 7 രണ്ട് കളർ വേരിയന്റുകളിലും മൂന്ന് സ്റ്റോറേജ് വേരിയന്റുകളിലും ലഭ്യമാകും. ഐക്യുഒഒ 7 ലെജന്റ് സ്മാർട്ട്ഫോൺ രണ്ട് വേരിയനറുകളിൽ ലഭ്യമാകും. രണ്ട് ഡിവൈസുകൾക്കും 30,000 രൂപയ്ക്കും 45,000 രൂപയ്ക്കും ഇടയിലാണ് വില വരുന്നത്.

ഐക്യുഒഒ 7, ഐക്യുഒഒ 7 ലെജന്റ്: വില

ഐക്യുഒഒ 7 സ്മാർട്ട്ഫോൺ സ്റ്റോം ബ്ലാക്ക്, സോളിഡ് ഐസ് ബ്ലൂ എന്നീ രണ്ട് നിറങ്ങളിൽ ലഭ്യമാകും. ഡിവൈസന്റെ 8 ജിബി + 128 ജിബി മോഡലിന് 31,990 രൂപയാണ് വില. 8 ജിബി + 256 ജിബി മോഡലിന് 33,990 രൂപ വിലയുണ്ട്. 12 ജിബി + 256 ജിബി മോഡലിന് 35,990 രൂപയാണ് വില. ഐസിഐസിഐ ബാങ്ക് ക്രെഡിറ്റ് കാർഡ് ഉപയോഗിച്ച് ഈ ഡിവൈസ് വാങ്ങുമ്പോൾ 2,000 രൂപ കിഴിവ് ലഭിക്കും. ഐക്യുഒഒ 7 ലെജന്റ് സ്മാർട്ട്ഫോണിന്റെ 8 ജിബി + 128 ജിബി മോഡൽ 39,990 രൂപയ്ക്കും 12 ജിബി + 256 ജിബി മോഡൽ 43,990 രൂപയ്ക്കും ലഭിക്കും. ഈ ഡിവൈസുകൾ മെയ് 1 മുതൽ ഐക്യുഒഒ, ആമസോൺ ഇന്ത്യ എന്നിവ വഴി ഡിവൈസ് വിൽപ്പനയ്ക്ക് എത്തും.

ഐക്യുഒഒ 7: സവിശേഷതകൾ

120 ഹെർട്സ് റിഫ്രഷ് റേറ്റുള്ള 6.62 ഇഞ്ച് എഫ്എച്ച്ഡി + അമോലെഡ് ഡിസ്പ്ലേയാണ് ഐക്യുഒഒ 7 സ്മാർട്ട്ഫോണിൽ ഉള്ളത്. ക്വാൽകോം സ്‌നാപ്ഡ്രാഗൺ 870 എസ്ഒസിയാണ് ഡിവൈസിന് കരുത്ത് നൽകുന്നത്. 5ജി എനേബിൾഡ് ഡിവൈസാണ് ഇത്. 12 ജിബി വരെ റാമും 3 ജിബി എക്സ്റ്റെൻഡഡ് റാമും 256 ജിബി യുഎഫ്എസ് 3.1 ഇന്റേണൽ സ്റ്റോറേജുമായാണ് ഡിവൈസ് പുറത്തിറക്കിയിരിക്കുന്നത്.

മൂന്ന് പിൻ ക്യാമറകളാണ് ഐക്യുഒഒ 7 സ്മാർട്ട്ഫോണിൽ ഉള്ളത്. 48 എംപി സോണി ഐഎംഎക്സ് 589 പ്രൈമറി സെൻസറാണ് ഡിവൈസിൽ ഉള്ളത്. ഈ ക്യാമറയിൽ സെൻസറിൽ ഒപ്റ്റിക്കൽ ഇമേജ് സ്റ്റെബിലൈസേഷൻ (ഒഐഎസ്) സപ്പോർട്ടും നൽകിയിട്ടുണ്ട്. ഇതിനൊപ്പം 13എംപി അൾട്രാവൈഡ് ആംഗിൾ ക്യാമറ, മോണോ ലെൻസ് എന്നിവയാണ് നൽകിയിട്ടുള്ളത്. 66W ഫ്ലാഷ് ചാർജ് സാങ്കേതികവിദ്യ സപ്പോർട്ട് ചെയ്യുന്ന 4,400 എംഎഎച്ച് ബാറ്ററിയും ഡിവൈസിൽ ഉണ്ട്.

ഐക്യുഒഒ 7 ലെജന്റ്: സവിശേഷതകൾ

120 ഹെർട്സ് റിഫ്രഷ് റേറ്റ് സപ്പോർട്ടുള്ള 6.62 ഇഞ്ച് എഫ്‌എച്ച്‌ഡി + അമോലെഡ് ഡിസ്‌പ്ലേ തന്നെയാണ് ഐക്യുഒഒ 7 ലെജന്റ് സ്മാർട്ട്ഫോണിലും നൽകിയിട്ടുള്ളത്. ക്വാൽകോം സ്‌നാപ്ഡ്രാഗൺ 888 എസ്ഒസിയുടെ കരുത്തിൽ പ്രവർത്തിക്കുന്ന ഈ ഡിവൈസിൽ 12 ജിബി വരെ റാമും 256 ജിബി ഇന്റേണൽ സ്റ്റോറേജും കമ്പനി നൽകിയിട്ടുണ്ട്. ആൻഡ്രോയിഡ് 11 ബേസ്ഡ് ഐക്യുഒഒ യുഐയിൽ ആണ് ഈ ഡിവൈസ് പ്രവർത്തിക്കുന്നത്.

48 എംപി പ്രൈമറി സെൻസർ, 13 എംപി അൾട്രാ-വൈഡ് ആംഗിൾ സെൻസർ, 13 എംപി പോർട്രെയിറ്റ് സെൻസർ എന്നിവയുള്ള ട്രിപ്പിൾ ക്യാമറ സെറ്റപ്പാണ് ഐക്യുഒഒ 7 ലെജന്റ് സ്മാർട്ട്ഫോണിൽ നൽകിയിട്ടുള്ളത്. ഡിവൈസിന്റെ മുൻവശത്ത് വീഡിയോ കോളിംഗിനും സെൽഫികൾക്കുമായി 16 എംപി സെൻസർ നൽകിയിട്ടുണ്ട്. 66W ഫ്ലാഷ് ചാർജ് ഫാസ്റ്റ് ചാർജിങ് സപ്പോർട്ടുള്ള 4,000 എംഎഎച്ച് ബാറ്ററിയാണ് ഡിവൈസിൽ ഉള്ളത്. 5ജി സപ്പോർട്ടും ഡിവൈസിൽ ഉണ്ട്.