കിടിലൻ ഫീച്ചറുകളുമായി ഐക്യുഒഒ 9, ഐക്യുഒഒ 9 പ്രോ, ഐക്യുഒഒ 9 എസ്ഇ സ്മാർട്ട്ഫോണുകൾ ഇന്ത്യയിൽ

ഐക്യുഒഒ 9 സീരീസ്: വില

ഐക്യുഒഒ 9 പ്രോയുടെ 8 ജിബി റാമും 256 ജിബി സ്റ്റേറേജുമുള്ള മോഡലിന് ഇന്ത്യയിൽ 54,990 രൂപയാണ് വില വരുന്നത്. 12 ജിബി റാമും 256 ജിബി സ്റ്റോറേജുമുള്ള വേരിയന്റിന് 69,990 രൂപയാണ് വില. ലെജൻഡ്, ഡാർക്ക് ക്രൂയിസ് നിറങ്ങളിൽ ഫോൺ ലഭ്യമാകും. ഐക്യുഒഒ 9 8 ജിബി റാം, 128 ജിബി സ്റ്റോറേജ് മോഡലിന് 42,990 രൂപയാണ് വില. 12 ജിബി റാമും 256 ജിബി സ്റ്റോറേജുമുള്ള മോഡലിന് 46,990 രൂപയാണ് വില. ഡിവൈസ് ലെജൻഡ്, ആൽഫ നിറങ്ങളിൽ ലഭ്യമാകും. ഐക്യുഒഒ 9 എസ്ഇയുടെ 8 ജിബി റാം, 128 ജിബി സ്റ്റോറേജ് വേരിയന്റിന് 33,990 രൂപയാണ് വില. 12 ജിബി റാമും 256 ജിബി സ്റ്റോറേജുമുള്ള വേരിയന്റിന് 37,990 രൂപ വിലയുണ്ട്. സൺസെറ്റ് സിയറയിലും സ്‌പേസ് ഫ്യൂഷൻ കളർവേയിലും ഫോൺ ലഭ്യമാകും.

ഐക്യുഒഒ 9 പ്രോ: സവിശേഷതകൾ

ഐക്യുഒഒ 9 പ്രോ സ്മാർട്ട്ഫോണിൽ 6.78 ഇഞ്ച് 2കെ ഇ5 അമോലെഡ് ഡിസ്‌പ്ലേയാണ് ഉള്ളത്. 3ഡി കർവ്ഡ് സ്‌ക്രീനും ഈ ഡിവൈസിൽ നൽകിയിട്ടുണ്ട്. 300Hz ടച്ച് സാമ്പിൾ റേറ്റ്, 1000Hz ഇൻസ്റ്റന്റ് ടച്ച് എന്നിവയ്‌ക്കൊപ്പം 120Hz റിഫ്രഷ് റേറ്റും എൽടിപിഒ 2.0 പാനലും ഈ ഡിസ്പ്ലെയിൽ ഉണ്ട്. സ്‌ക്രീനിന് വലിയ അൾട്രാസോണിക് ഇൻ-ഡിസ്‌പ്ലേ സെൻസറും നൽകിയിട്ടുണ്ട്. സ്‌നാപ്ഡ്രാഗൺ 8 ജെൻ 1 എസ്ഒസിയുടെ കരുത്തിലാണ് ഐക്യുഒഒ 9 പ്രോ സ്മാർട്ട്ഫോൺ പ്രവർത്തിക്കുന്നത്. എച്ച്ഡിആറും ഉയർന്ന ഫ്രെയിം റേറ്റുകളുമായി ഗെയിമുകൾ കളിക്കുമ്പോൾ ഫോണിന് ഉപയോഗിക്കാനാകുന്ന ഐക്യുഒഒ ഐഡിസി (ഇന്റലിജന്റ് ഡിസ്‌പ്ലേ ചിപ്പ്) ഡിവൈസിൽ ഉണ്ട്.

15,000 രൂപയിൽ താഴെ വില വരുന്ന മികച്ച സ്മാർട്ട്ഫോണുകൾ

മൂന്ന് പിൻ ക്യാമറകളുമായിട്ടാണ് ഐക്യുഒഒ 9 പ്രോ സ്മാർട്ട്ഫോൺ വരുന്നത്. ഗിംബൽ സ്റ്റെബിലൈസേഷനോടുകൂടിയ 50എംപി ജിഎൻ5 പ്രൈമരി ക്യാമറയും മറ്റൊരു 50 എംപി 150-ഡിഗ്രി വൈഡ് ആംഗിൾ ഫിഷ്‌ഐ ക്യാമറയും 2.5x ഒപ്റ്റിക്കൽ സൂമോടുകൂടിയ 16 എംപി പോർട്രെയിറ്റ് സെൻസറുമാണ് ഈ ട്രിപ്പിൾ റിയർ ക്യാമറ സെറ്റപ്പിൽ ഉള്ളത്. മുൻവശത്ത് സെൽഫികൾക്കും വീഡിയോ കോളുകൾക്കുമായി 16 എംപി ക്യാമറയുണ്ട്.

എക്സ്-ആക്സിസ് ലീനിയർ വൈബ്രേഷൻ മോട്ടോർ, ഡ്യുവൽ സ്റ്റീരിയോ സ്പീക്കറുകൾ എന്നിവയുള്ള ഐക്യുഒഒ 9 പ്രോയിൽ 12 ജിബി വരെ LPDDR5 റാമും 256 ജിബി UFS 3.1 സ്റ്റോറേജുമാണ് ഉള്ളത്. ഈ ഡിവൈസിൽ 14 5ജി ബാൻഡുകളും ഉണ്ട്. 120W ഫാസ്റ്റ് ചാർജിങ് സപ്പോർട്ടുള്ള 4700mAh ബാറ്ററിയാണ് ഫോണിലുള്ളത്. ഇതിന് 50W ഫാസ്റ്റ് വയർലെസ് ചാർജിങ് സപ്പോർട്ടും ഉണ്ട്. ആൻഡ്രോയിഡ് 12 ബേസ്ഡ് ഫൺടച്ച് ഒഎസ് 12ലാണ് ഈ ഡിവൈസ് പ്രവർത്തിക്കുന്നത്.

ഐക്യുഒഒ 9: സവിശേഷതകൾ

ഐക്യുഒഒ 9 സ്മാർട്ട്ഫോണിൽ 120Hz പുതുക്കൽ നിരക്ക്, 300Hz ടച്ച് സാമ്പിൾ റേറ്റ്, 1000Hz ഇൻസ്റ്റന്റ് ടച്ച് എന്നിവയുള്ള 6.56-ഇഞ്ച് എഫ്എച്ച്ഡി+ 10-ബിറ്റ് അമോലെഡ് ഡിസ്‌പ്ലേയാണ് ഉള്ളത്. ഫോണിന് ഒപ്റ്റിക്കൽ ഇൻ-ഡിസ്‌പ്ലേ ഫിംഗർപ്രിന്റ് സ്കാനറും ഉണ്ട്. ഇതൊരു ഫ്ലാറ്റ് സ്‌ക്രീനാണ്. ക്വാൽകോം സ്നാപ്ഡ്ര്ഗാൺ 888+ എസ്ഒസിയുടെ കരുത്തിലാണ് ഈ ഡിവൈസ് പ്രവർത്തിക്കുന്നത്. LPDDR5 റാം, UFS 3.1 സ്റ്റോറേജ് എന്നിവയ്‌ക്കൊപ്പം ഐഡിസി ചിപ്പും നൽകിയിട്ടുണ്ട്. ഗെയിമിങിനായി ഇൻ-ഡിസ്‌പ്ലേ മോൺസ്റ്റർ ടച്ച് ബട്ടണുകളും ഡ്യുവൽ എക്സ്-ആക്സിസ് ലീനിയർ വൈബ്രേഷൻ മോട്ടോറും ഡ്യുവൽ സ്റ്റീരിയോ സ്പീക്കറുകളും ഡിവൈസിൽ ഉണ്ട്.

ട്രന്റിങ് സ്മാർട്ട്ഫോണുകളിൽ മുന്നിൽ സാംസങ് ഗാലക്സി എസ്22 അൾട്ര തന്നെ, റെഡ്മി നോട്ട് 11 രണ്ടാമത്

മൂന്ന് പിൻ ക്യാമറകൾ തന്നെയാണ് ഐക്യുഒഒ 9 സ്മാർട്ട്ഫോണിൽ ഉള്ളത്. 48 എംപി IMX598 പ്രൈമറി ജിംബൽ ക്യാമറയും 13 എംപി 120-ഡിഗ്രി അൾട്രാവൈഡ്/മാക്രോ ക്യാമറയും 2എക്സ് ഒപ്റ്റിക്കൽ സൂമോടുകൂടിയ 13 എംപി പോർട്രെയിറ്റ് ക്യാമറയുമാണ് ഈ ട്രിപ്പിൾ റിയർ ക്യാമറ സെറ്റപ്പിൽ നൽകിയിട്ടുള്ളത്. 16 എംപി ഫ്രണ്ട് ക്യാമറയും ഈ ഡിവൈസിൽ ഉണ്ട്. 4,350mAh ബാറ്ററിയാണ് ഐക്യുഒഒ നൽകിയിട്ടുള്ളത്. ഇത് വേഗത്തിൽ ചാർജ് ചെയ്യാൻ 120W ഫാസ്റ്റ് ചാർജിങ് സപ്പോർട്ടും ഫോണിലുണ്ട്. ആൻഡ്രോയിഡ് 12 ബേസ്ഡ് ഫൺടച്ച് ഒഎസ് 12ലാണ് ഡിവൈസ് പ്രവർത്തിക്കുന്നത്.

ഐക്യുഒഒ 9 എസ്ഇ: സവിശേഷതകൾ

ഐക്യുഒഒ 9 എസ്ഇ സ്മാർട്ട്ഫോൺ ഈ സീരീസിലെ ഏറ്റവും വില കുറഞ്ഞ ഫോണാണ്. ഐക്യുഒഒ 9ന്റെ ചെറുതായി ടോൺ ചെയ്‌ത പതിപ്പാണ് ഈ ഡിവൈസ്. 120Hz റിഫ്രഷ് റേറ്റ്, 300Hz ടച്ച് സാമ്പിൾ റേറ്റ്, 1000Hz ഇൻസ്റ്റന്റ് ടച്ച്, ഒപ്റ്റിക്കൽ ഇൻ-ഡിസ്‌പ്ലേ ഫിംഗർപ്രിന്റ് സ്കാനർ എന്നിവയുള്ള 6.62-ഇഞ്ച് എഫ്എച്ച്ഡി+ അമോലെഡ് പാനലാണ് ഈ ഡിവൈസിൽ ഉള്ളത്. ക്വാൽകോം സ്‌നാപ്ഡ്രാഗൺ 888 ചിപ്പിന്റെ കരുത്തിലാണ് ഐക്യുഒഒ 9 എസ്ഇ പ്രവർത്തിക്കുന്നത്. ഫോണിൽ എൽപിഡിഡിആർ5 റാമും യുഎഫ്എസ് 3.1 സ്റ്റോറേജും ഇന്റലിജന്റ് ഡിസ്‌പ്ലേ ചിപ്പും ഉണ്ട്.

ഇസെഡ്-ആക്സിസ് ലീനിയർ മോട്ടോറും ഡ്യുവൽ സ്റ്റീരിയോ സ്പീക്കറുകളുമായാണ് ഐക്യുഒഒ 9 എസ്ഇ വരുന്നത്. 8 5ജി ബാൻഡുകളാണ് ഡിവൈസിൽ നൽകിയിട്ടുള്ളത്. ഒഐഎസ് ഉള്ള 48 എംപി IMX598 പ്രൈമറി ക്യാമറയും 13 എംപി 120-ഡിഗ്രി അൾട്രാവൈഡ് ക്യാമറയും 2 എംപി മോണോ സെൻസറുമുള്ള ട്രിപ്പിൾ റിയർ ക്യാമറ സെറ്റപ്പാണ് ഡിവൈസിൽ ഉള്ളത്. സെൽഫികൾക്കും വീഡിയോ കോളുകൾക്കുമായി 16 എംപി ക്യാമറയുമുണ്ട്. 66W ഫാസ്റ്റ് ചാർജിങ് സപ്പോർട്ടുള്ള 4,500 mAh ബാറ്ററിയാണ് ഈ സ്മാർട്ട്ഫോണിൽ ഐക്യുഒഒ നൽകിയിട്ടുള്ളത്.

റിയൽമി 9 പ്രോ പ്ലസ് 5ജി Vs ഷവോമി 11ഐ ഹൈപ്പർചാർജ് 5ജി; കരുത്തനാര്?