ഫാസ്റ്റ് ചാർജിങ് സപ്പോർട്ടുള്ള ഇന്ത്യയിലെ കിടിലൻ സ്മാർട്ട്ഫോണുകൾ

മികച്ച ഫാസ്റ്റ് ചാർജിങ് സപ്പോർട്ടുള്ള സ്മാർട്ട്ഫോണുകളുടെ പട്ടികയിൽ ഷവോമി, iQOO, വൺപ്ലസ് തുടങ്ങിയ ബ്രാന്റുകളുടെ ഡിവൈസുകൾ ഉൾപ്പെടുന്നു. ഈ ഡിവൈസുകളെല്ലാം മറ്റ് ഫീച്ചറുകളുടെ കാര്യത്തിലും മികവ് പുലർത്തുന്നവയാണ്. ഫോൺ അധികനേരം ചാർജ് ചെയ്യാൻ സമയം ഇല്ലാത്ത ആളുകൾക്ക ഇവ തിരഞ്ഞെടുക്കാവുന്നതാണ്.

iQOO 9

iQOO 9 സ്മാർട്ട്ഫോണിൽ 120Hz പുതുക്കൽ നിരക്ക്, 300Hz ടച്ച് സാമ്പിൾ റേറ്റ്, 1000Hz ഇൻസ്റ്റന്റ് ടച്ച് എന്നിവയുള്ള 6.56-ഇഞ്ച് എഫ്എച്ച്ഡി+ 10-ബിറ്റ് അമോലെഡ് ഡിസ്‌പ്ലേയാണ് ഉള്ളത്. ക്വാൽകോം സ്നാപ്ഡ്ര്ഗാൺ 888+ എസ്ഒസിയുടെ കരുത്തിലാണ് ഈ ഡിവൈസ് പ്രവർത്തിക്കുന്നത്. 48 എംപി IMX598 പ്രൈമറി ജിംബൽ ക്യാമറയും 13 എംപി 120-ഡിഗ്രി അൾട്രാവൈഡ്/മാക്രോ ക്യാമറയും 2എക്സ് ഒപ്റ്റിക്കൽ സൂമോടുകൂടിയ 13 എംപി പോർട്രെയിറ്റ് ക്യാമറയുമാണ് ഈ ട്രിപ്പിൾ റിയർ ക്യാമറ സെറ്റപ്പിൽ നൽകിയിട്ടുള്ളത്. 16 എംപി ഫ്രണ്ട് ക്യാമറയും ഈ ഡിവൈസിൽ ഉണ്ട്. 4,350mAh ബാറ്ററിയുള്ള ഫോണിൽ 120W ഫാസ്റ്റ് ചാർജിങ് സപ്പോർട്ടും നൽകിയിട്ടുണ്ട്.

വൺപ്ലസ് 10 പ്രോ

വൺപ്ലസ് 10 പ്രോ 5ജി സ്മാർട്ട്ഫോണിൽ 6.7 ഇഞ്ച് ക്യുഎച്ച്ഡി+ ഇ4 അമോലെഡ് കർവ്ഡ് സ്‌ക്രീനാണ് നൽകിയിട്ടുള്ളത്. 48 എംപി പ്രൈമറി സോണി IMX789 സെൻസറും എഫ്/1.8 അപ്പേർച്ചറുള്ള ലെൻസുമാണ് ഫോണിലുള്ളത്. 50 എംപി 150-ഡിഗ്രി വൈഡ് ആംഗിൾ സാംസംഗ് JN1 സെക്കണ്ടറി സെൻസറും എഫ്/2.4 അപ്പർച്ചറും ഒഐഎസ് സപ്പോർട്ടും 3.3x ഒപ്റ്റിക്കൽ സൂമുമുള്ള 8 എംപി ടെർഷ്യറി ടെലിഫോട്ടോ ക്യാമറയും ഫോണിലുണ്ട്. സ്‌നാപ്ഡ്രാഗൺ 8 ജെൻ 1 പ്രോസസറുള്ള ഫോണിൽ ഡ്യുവൽ-സെൽ 5000mAh ബാറ്ററിയും 80W സൂപ്പർ വൂക്ക് ഫാസ്റ്റ് ചാർജിങ് സപ്പോർട്ടും ഉണ്ട്.

ഷവോമി 11ഐ ഹൈപ്പർചാർജ്

ഷവോമി 11ഐ ഹൈപ്പർചാർജ് ലോഞ്ച് ചെയ്തുകൊണ്ട് ഷവോമി ഫാസ്റ്റ് ചാർജിങ് ഫോണുകളുടെ ഇടയിൽ തരംഗം സൃഷ്ടിച്ചു. ഈ ഫോണിന്റെ പേര് തന്നെ ചാർജിങ് സാങ്കേതികവിദ്യയുമായി ബന്ധപ്പെട്ടാണ് നൽകിയിരിക്കുന്നത്. ഷവോമി 11ഐ ഹൈപ്പർചാർജ് ഫോണിൽ 4,500 mAh ബാറ്ററിയാണ് ഉള്ളത്. ഈ ബാറ്ററി വേഗത്തിൽ ചാർജ് ചെയ്യാൻ 120W ഫാസ്റ്റ് ചാർജിങ് സപ്പോർട്ടും ഡിവൈസിൽ ഉണ്ട്. വെറും 20 മിനിറ്റിനുള്ളിൽ ബാറ്ററി 100 ശതമാനം വരെ ചാർജ് ചെയ്യാൻ ഈ സാങ്കേതികവിദ്യയ്ക്ക് സാധിക്കും.

ഷവോമി 11ടി പ്രോ

ഷവോമി 11ടി പ്രോ സ്മാർട്ട്ഫോണിൽ 5,000 mAh ബാറ്ററിയാണ് ഉള്ളത്. ഈ ബാറ്ററി വേഗത്തിൽ ചാർജ് ചെയ്യാൻ ഷവോമി 120W ഫാസ്റ്റ് ചാർജിങ് സപ്പോർട്ട് തന്നെയാണ് നൽകിയിരിക്കുന്നത്. വെറും 21 മിനിറ്റിനുള്ളിൽ ഫോൺ 13 ശതമാനത്തിൽ നിന്നും 100 ​​ശതമാനം വരെ ചാർജ് ചെയ്യാൻ സാധിക്കുമെന്ന് കമ്പനി അവകാശപ്പെടുന്നു. റിവ്യൂവിലൂടെയും മറ്റും ഇത് ശരിയാണെന്ന് ബോധ്യപ്പെട്ടിട്ടുമുണ്ട്.

ഐക്യുഒഒ 7

ഇന്ത്യൻ വിപണിയിലെ ഏറ്റവും വേഗത്തിൽ ചാർജ് ചെയ്യാൻ സാധിക്കുന്ന സ്മാർട്ട്ഫോണുകളിലൊന്നാണ് ഐക്യുഒഒ 7. വിവോയുടെ സബ് ബ്രാൻഡിന്റെ ഈ ഡിവൈസിൽ 4,000 mAh ബാറ്ററിയാണ് ഉള്ളത്. ഈ ബാറ്ററി വേഗത്തിൽ ചാർജ് ചെയ്യാനായി 120W ഫാസ്റ്റ് ചാർജിങ് സപ്പോർട്ടാണ് ഡിവൈസിൽ നൽകിയിട്ടുള്ളത്. വെറും 18 മിനിറ്റിനുള്ളിൽ മുഴുവനും തീർന്ന ബാറ്ററി 100 ​​ശതമാനം വരെ ചാർജ് ചെയ്യാൻ ഈ ഫാസ്റ്റ് ചാർജിങിന് സാധിക്കുമെന്ന് കമ്പനി അവകാശപ്പെടുന്നു.