ഐക്യുഒഒ യു3എക്സ് 5ജി സ്മാർട്ട്ഫോൺ അവതരിപ്പിച്ചു: വില, സവിശേഷതകൾ

ഐക്യുഒഒ യു3എക്സ് 5ജി: വില, ലഭ്യത

ഐക്യുഒഒ യു3എക്സ് 5ജി സ്മാർട്ട്ഫോൺ ചൈനയിൽ വിവോ വെബ്‌സൈറ്റിലും ജെഡി ഡോട്ട് കോമിലും പ്രീ ഓർഡറുകൾക്കായി ലഭ്യമാണ്. ഡിവൈസിന്റെ 4 ജിബി റാമും 128 ജിബി സ്റ്റോറേജുമുള്ള മോഡലിന് സി‌എൻ‌വൈ 1,199 (ഏകദേശം 13,300 രൂപ)യാണ് വില. 6 ജിബി റാമും 64 ജിബി സ്റ്റോറേജുമുള്ള മോഡലിന് സി‌എൻ‌വൈ 1,199 (ഏകദേശം 13,300 രൂപ) ആണ് വില. 8 ജിബി റാം + 128 ജിബി സ്റ്റോറേജ് മോഡലിന് സി‌എൻ‌വൈ 1,499 (ഏകദേശം 16,600 രൂപ) വിലയുണ്ട്. ബ്ലൂ, ഗ്രേ എന്നീ രണ്ട് കളർ ഓപ്ഷനുകളിൽ ഐക്യുഒഒ യു3എക്സ് 5ജി സ്മാർട്ട്ഫോൺ ലഭ്യമാകും. ഈ ഡിവൈസ് ഇന്ത്യയിൽ അവതരിപ്പിക്കുമോ എന്ന കാര്യം വ്യക്തമല്ല.

മുകളിൽ സൂചിപ്പിച്ചത് പോലെ ജനുവരിയിൽ ചൈനയിൽ വിപണിയിലെത്തിയ വിവോ വൈ31എസ് സ്മാർട്ട്ഫോണിന്റെ പേര് മാറ്റി പുറത്തിറക്കിയ പതിപ്പാണ് ഐക്യുഒഒ യു3എക്സ് 5ജി. ഈ വിവോ സ്മാർട്ട്ഫോണിന്റെ 4 ജിബി റാമും 128 ജിബി സ്റ്റോറേജുമുള്ള മോഡലിന് സിഎൻ‌വൈ 1,498 (ഏകദേശം 16,600 രൂപ) ആണ് വില. ഈ ഡിവൈസിന്റെ 6 ജിബി റാമും 128 ജിബി സ്റ്റോറേജുമുള്ള മോഡലിന് സി‌എൻ‌വൈ 1,698 (ഏകദേശം 19,300 രൂപ) ആണ് വില.

ഐക്യുഒഒ യു3എക്സ് 5ജി: സവിശേഷതകൾ

ഡ്യുവൽ സിം (നാനോ) സപ്പോർട്ടുള്ള ഐക്യുഒഒ യു3എക്സ് 5ജി സ്മാർട്ട്ഫോണിൽ 6.58 ഇഞ്ച് (1080x2408 പിക്‌സൽ) എൽസിഡി ഡിസ്പ്ലെയാണ് ഉള്ളത്. 90 ഹെർട്സ് റിഫ്രഷ് റേറ്റുള്ള ഡിസ്പ്ലെയാണ് ഇത്. 20.07: 9 അസ്പാക്ട് റേഷിയോ, 90.61 ശതമാനം സ്‌ക്രീൻ-ടു-ബോഡി റേഷിയോ, 401 പിപി പിക്‌സൽ ഡെൻസിറ്റി എന്നിവയാണ് ഈ ഡിസ്പ്ലെയിൽ ഉള്ളത്. 8 ജിബി വരെ റാമുള്ള ഡിവൈസിന് കരുത്ത് നൽകുന്നത് ഒക്ട കോർ ക്വാൽകോം സ്‌നാപ്ഡ്രാഗൺ 480 5ജി പ്രോസസറാണ്. ആൻഡ്രോയിഡ് 11 ബേസ്ഡ് ഐക്യുഒഒ 1.0 ഒഎസിലാണ് പ്രവർത്തിക്കുന്നത്.

ഐക്യുഒഒ യു3എക്സ് 5ജി സ്മാർട്ട്ഫോണിൽ എഫ് / 2.2 അപ്പർച്ചറുള്ള 13 മെഗാപിക്സൽ പ്രൈമറി ക്യാമറ, എഫ് / 2.4 അപ്പർച്ചർ ഉള്ള 2 മെഗാപിക്സൽ സെക്കൻഡറി ക്യാമറ എന്നിവ ഉൾക്കൊള്ളുന്ന ഡ്യുവൽ റിയർ ക്യാമറ സെറ്റപ്പാണ് നൽകിയിട്ടുള്ളത്. 4x ഡിജിറ്റൽ സൂം, പോർട്രെയ്റ്റ്, ഡൈനാമിക് ഫോട്ടോ, പനോരമിക് എന്നിങ്ങനെയുള്ള ക്യാമറ മോഡുകൾ എന്നിവ ഇതിൽ സപ്പോർട്ട് ചെയ്യുന്നു. സെൽഫികൾക്കും വീഡിയോ കോളുകൾക്കുമായി സ്മാർട്ട്‌ഫോണിൽ 8 മെഗാപിക്സൽ ക്യാമറയാണ് നൽകിയിട്ടുള്ളത്.

128 ജിബി വരെ ഓൺ‌ബോർഡ് സ്റ്റോറേജുള്ള ഐക്യുഒഒ യു3എക്സ് 5ജി സ്മാർട്ട്ഫോണിൽ 18 എം ഡ്യുവൽ എഞ്ചിൻ ഫാസ്റ്റ് ചാർജിങ് സപ്പോർട്ടുള്ള 5,000 എംഎഎച്ച് ബാറ്ററിയാണ് ഉള്ളത്. 5ജി, 4ജി എൽടിഇ, വൈ-ഫൈ, ബ്ലൂടൂത്ത് വി 5.1, യുഎസ്ബി ടൈപ്പ്-സി, 3.5 എംഎം ഹെഡ്‌ഫോൺ ജാക്ക് എന്നീ കണക്ടിവിറ്റി സപ്പോർട്ടുകളും ഈ ഡിവൈസിൽ ഉണ്ട്. ആക്‌സിലറോമീറ്റർ, ആംബിയന്റ് ലൈറ്റ് സെൻസർ, ഇലക്ട്രോണിക് കോമ്പസ്, ഗൈറോസ്‌കോപ്പ്, പ്രോക്‌സിമിറ്റി സെൻസർ എന്നിവയും ഡിവൈസിൽ ഉണ്ട്. സൈഡ് മൌണ്ട് ചെയ്ത ഫിംഗർപ്രിന്റ് സെൻസറും ഈ ഡിവൈസിൽ നൽകിയിട്ടുണ്ട്.