15,499 രൂപ വിലയുമായി iQOO Z6 5ജി സ്മാർട്ട്ഫോൺ ഇന്ത്യയിലെത്തി

iQOO Z6 5ജി: വില, ഓഫറുകൾ

iQOO Z6 5ജി സ്മാർട്ട്ഫോൺ മൂന്ന് റാം വേരിയന്റുകളിലാണ് ഇന്ത്യയിൽ അവതരിപ്പിച്ചിരിക്കുന്നത്. ഡിവൈസിന്റെ 4 ജിബി റാമുള്ള മോഡലിന് 15,499 രൂപയാണ് വില. 6 ജിബി മോഡലിന് 16,999 രൂപയാണ് വില. ീ ഡിവൈസിന്റെ ടോപ്പ്-എൻഡ് മോഡലിൽ 8 ജിബി റാമാണ് ഉള്ളത്. ഈ ഡിവൈസ് 17,999 രൂപയ്ക്ക് ലഭ്യമാകും. iQOO Z6 5ജി ക്രോമാറ്റിക് ബ്ലൂ, ഡൈനാമോ ബ്ലാക്ക് എന്നീ നിറങ്ങളിൽ ലഭ്യമാകും. മാർച്ച് 22 മുതലാണ് ഡിവൈസിന്റെ വിൽപ്പന ആരംഭിക്കുന്നത്. കമ്പനിയുടെ ഔദ്യോഗിക സ്റ്റോർ, ആമസോൺ എന്നിവയിലൂടെ ഈ ഡിവൈസ് വിൽപ്പനയ്ക്ക് എത്തും.

iQOO Z6 5ജി സ്മാർട്ട്ഫോണിന് മികച്ച ലോഞ്ച് ഓഫറുകളും കമ്പനി പ്രഖ്യാപിച്ചിട്ടണ്ട്. ഈ ഡിവൈസ് വാങ്ങുമ്പോൾ എച്ച്ഡിഎഫ്സി ബാങ്ക് കാർഡോ ഇഎംഐ ഇടപാടുകളോ ഉപയോഗിക്കുന്ന ആളുകൾക്ക് 2,000 രൂപ വരെ ഇൻസ്റ്റന്റ് ഡിസ്കൌണ്ട് ലഭിക്കും. ഇത് കൂടാതെ നോ-കോസ്റ്റ് ഇഎംഐ ഓപ്‌ഷനുകളും എക്‌സ്‌ചേഞ്ച് ഡിസ്‌കൗണ്ടുകളും ഡിവൈസ് വാങ്ങുന്നവർക്ക് ലഭ്യമാണ്.

iQOO Z6 5ജി: സവിശേഷതകൾ

iQOO Z6 5ജി സ്മാർട്ട്ഫോണിൽ കൂടാതെ 120Hz റിഫ്രഷ് റേറ്റും 240Hz ടച്ച് സാംപ്ലിങ് റേറ്റും ഉള്ള 6.58-ഇഞ്ച് ഫുൾ-എച്ച്ഡി+ (1,080x2,408 പിക്സൽസ്) ഡിസ്പ്ലേയാണ് നൽകിയിട്ടുള്ളത്. ഡിവൈസിന് കരുത്ത് നൽകുന്നത് ഒക്ടാ-കോർ സ്നാപ്ഡ്രാഗൺ 695 എസ്ഒസിയാണ്. 8 ജിബി വരെ LPDDR4X റാമും ഡിവൈസിൽ ഉണ്ട്. മൂന്ന് റാം ഓപ്ഷനിൽ ലഭ്യമാകുമെങ്കിലും ഈ ഡിവൈസിൽ 128 ജിബി സ്റ്റോറേജാണ് എല്ലാ വേരിയന്റുകളിലും ഉള്ളത്. ഈ സ്റ്റോറേജ് തികയാത്ത ആളുകൾക്കായി ഡിവൈസിൽ മൈക്രോ എസ്ഡി കാഡ് സ്ലോട്ടും iQOO നൽകിയിട്ടുണ്ട്. 1 ടിബി വരെ സ്റ്റോറേജാണ് ഈ സ്ലോട്ട് വഴി എക്സ്പാൻഡ് ചെയ്യാൻ സാധിക്കുന്നത്.

മൂന്ന് പിൻ ക്യാമറകളുമായിട്ടാണ് iQOO Z6 5ജി സ്മാർട്ട്ഫോൺ വരുന്നത്. ഈ ട്രിപ്പിൾ റിയർ ക്യാമറ സെറ്റപ്പിലെ പ്രൈമറി ക്യാമറ 50 മെഗാപിക്സൽ സാംസങ് ഐസോസെൽ JN1 സെൻസറാണ്. ഇതിനൊപ്പം എഫ്/1.8 ലെൻസും കമ്പനി നൽകിയിട്ടുണ്ട്. പിൻ ക്യാമറ സെറ്റപ്പിൽ 2 മെഗാപിക്സൽ മാക്രോ ഷൂട്ടറും 2 മെഗാപിക്സൽ ബൊക്കെ ക്യാമറകളുമാണ് നൽകിയിട്ടള്ളത്. ബൊക്കെ ക്യാമറ 6 ജിബി 8 ജിബി മോഡലുകളിൽ മാത്രമേ ലഭ്യമാകുകയുള്ളു. 4 ജിബി വേരിയന്റിൽ ഈ ക്യാമറ ഇല്ല. സെൽഫികൾക്കും വീഡിയോ കോളുകൾക്കുമായി ഡിവൈസിൽ 16 എംപി ക്യാമറയും നൽകിയിട്ടുണ്ട്. ഇത് സാംസങ് 3പി9 സെൻസറാണ് ഇതിനൊപ്പം എഫ്/2.0 ലെൻസാണ് ഉള്ളത്.

ഡ്യുവൽ സിം (നാനോ) സപ്പോർട്ടുള്ള iQOO Z6 5ജി സ്മാർട്ട്ഫോൺ ആൻഡ്രോയിഡ് 12 ബേസ്ഡ് ഫൺടച്ച് ഒഎസ് 12ൽ പ്രവർത്തിക്കുന്നു. ഡിവൈസിലെ കണക്റ്റിവിറ്റി ഓപ്ഷനുകളിൽ 5ജി, 4ജി എൽടിഇ, വൈഫൈ 802.11ac, ബ്ലൂട്ടൂത്ത് v5.1, ജിപിഎസ്/ എ-ജിപിഎസ്, യുഎസ്ബി ടൈപ്പ്-സി, 3.5mm ഹെഡ്‌ഫോൺ ജാക്ക് എന്നിവ ഉൾപ്പെടുന്നു. ആക്സിലറോമീറ്റർ, ആംബിയന്റ് ലൈറ്റ്, മാഗ്നെറ്റോമീറ്റർ, പ്രോക്സിമിറ്റി സെൻസർ എന്നിവയാണ് ഓൺബോർഡ് സെൻസറുകൾ. സൈഡ് മൌണ്ട് ചെയ്ത ഫിംഗർപ്രിന്റ് സെൻസറും ഫോണിലുണ്ട്. 18W ഫാസ്റ്റ് ചാർജിങ് സപ്പോർട്ടുള്ള 5,000mAh ബാറ്ററിയാണ് ഡിവൈസിൽ നൽകിയിട്ടുള്ളത്.