ദിവസവും 3 ജിബി ഡാറ്റ നൽകുന്ന ജിയോ, വിഐ, എയർടെൽ പ്ലാനുകൾ

ദിവസവും 3 ജിബി ഡാറ്റ നൽകുന്ന മികച്ച പ്ലാനുകൾ എയർടെൽ, വിഐ, ജിയോ എന്നിവ നൽകുന്നുണ്ട്. ഇന്ത്യൻ ടെലിക്കോം വിപണിയിലെഏറ്റവും കരുത്തരായ ഈ കമ്പനികൾ പരസ്പരം മത്സരിക്കുന്നതിനാൽ തന്നെ ഓരോ പ്ലാനകളും മികച്ചതാണ്. 2, 3 മാസങ്ങളിലേക്ക് ദിവസവും 3 ജിബി ഡാറ്റ വീതം നൽകുന്ന ജിയോ, എയർടെൽ, വിഐ എന്നിവയുടെ പ്ലാനുകളാണ് നമ്മളിന്ന് പരിശോധിക്കുന്നത്. ഈ പ്ലാനുകളെല്ലാം കോളിങ്, എസ്എംഎസ്, മറ്റ് അധിക ആനുകൂല്യങ്ങൾ എന്നിവയും നൽകുന്നു.

എയർടെൽ

ദിവസവും 3 ജിബി ഡാറ്റ നൽകുന്നതും ദീർഘ കാലം വാലിഡിറ്റിയുള്ളതുമായ ഒരു പ്ലാനാണ് എയർടെല്ലിനുള്ളത്. ഈ പ്ലാനിന് 558 രൂപയാണ് വില വരുന്നത്. ദിവസവും 3 ജിബി ഡാറ്റ കൂടാതെ ഈ പ്ലാൻ അൺലിമിറ്റഡ് കോളിങ് ആനുകൂല്യങ്ങളും നൽകുന്നുണ്ട്. ആമസോൺ പ്രൈം വീഡിയോ മൊബൈൽ പതിപ്പിലേക്ക് ആക്സസ്, എയർടെൽ എക്ട്രീം സബ്ക്രിപ്ഷൻ, സൌജന്യ ഹലോ ട്യൂണുകൾ, വിങ്ക് മ്യൂസിക്ക് എന്നിവയെല്ലാം ഈ പ്ലാനിലൂടെ ഉപയോക്താക്കൾക്ക് ഈ പ്ലാനിലൂടെ ലഭിക്കും.

വോഡാഫോൺ ഐഡിയ

വോഡാഫോൺ ഐഡിയ ദിവസവും 3 ജിബി ഡാറ്റ നൽകുന്ന രണ്ട് പ്ലാനുകൾ നൽകുന്നുണ്ട്. ഒരു പ്ലാനിന് 56 ദിവസവം മറ്റേതിന് 84 ദിവസവുമാണ് വാലിഡിറ്റി ലഭിക്കുന്നത്. 601 രൂപയാണ് വിഐയുടെ 56 ദിവസം വാലിഡിറ്റിയുള്ള പ്ലാനിന്റെ വില. ദിവസവും 3 ജിബി ഡാറ്റയും അൺലിമിറ്റഡ് കോളുകളും ഈ പ്ലാനിലൂടെ ലഭിക്കും. ദിവസവും 100 എസ്എംഎസുകളും ഈ പ്ലാൻ നൽകുന്നു. ഒരു വർഷത്തെ ഡിസ്നി + ഹോട്ട്സ്റ്റാർ വിഐപി സബ്സ്ക്രിപ്ഷൻ, നൈറ്റ് ഡാറ്റ ഓഫർ, വീക്കെൻഡ് റോൾ‌ഓവർ ആനുകൂല്യം, വിഐ മൂവീസ്, ടിവി ആക്സസ് എന്നിവയും ഈ പ്ലാനിലൂടെ ലഭിക്കും.

വിഐയുടെ 801 രൂപ വിലയുള്ള പ്രീപെയ്ഡ് പ്ലാൻ ഉപയോക്താക്കൾക്ക് 84 ദിവസം വാലിഡിറ്റിയിൽ ദിവസവും 3 ജിബി ഡാറ്റ നൽകുന്ന പ്ലാനാണ്. അൺലിമിറ്റഡ് സൌജന്യ കോളുകളും ദിവസവും 100 എസ്എംഎസുകളും ഈ പ്ലാനിലൂടെ ലഭിക്കും. 16 ജിബി അധിക ഡാറ്റയും ഡിസ്നി + ഹോട്ട്സ്റ്റാറിലേക്ക് 1 വർഷത്തെ വിഐപി സബ്സ്ക്രിപ്ഷനും ഈ പ്ലാൻ നൽകുന്നു. ഉയർന്ന വേഗതയിൽ രാത്രികാലങ്ങളിൽ സൌജന്യ ഇന്റർനെറ്റ്, വീക്കെൻഡ് റോൾഓവർ ഡാറ്റ ആനുകൂല്യം, വിഐ മൂവീസ്, ടിവി ആക്സസ് എന്നിവയും ഈ പ്ലാനിലൂടെ ലഭിക്കും.

ജിയോ

ജിയോയ്ക്ക് ദിവസവും 3 ജിബി ഡാറ്റ നൽകുന്ന ഒരു പ്ലാനാണ് ഉള്ളത്. 56 ദിവസം വാലിഡിറ്റിയും ദിവസവും 3 ജിബി ഡാറ്റയും നൽകുന്ന പ്ലാൻ ജിയോ നൽകുന്നില്ല. 84 ദിവസവമാണ് ജിയോ പ്ലാനിനറെ വാലിഡിറ്റി. ഈ പ്ലാനിന് 999 രൂപയാണ് വില. അൺലിമിറ്റഡ് കോളിങും ദിവസവും 100 എസ്എംഎസുകളും ഈ പ്ലാനിലൂടെ ഉപയോക്താക്കൾക്ക് ലഭിക്കും. ജിയോ അപ്ലിക്കേഷനുകളിലേക്ക് ആക്സസും ഈ പ്ലാൻ നൽകുന്നു.