ലെനോവോ ഫാബ് 2 ഡിസംബര്‍ 6ന് ഇന്ത്യന്‍ വിപണിയില്‍!

ചൈന ആസ്ഥാനമാക്കിയുളള ഒരു കമ്പ്യൂട്ടര്‍ നിര്‍മ്മാണ കമ്പനിയാണ് ലെനോവോ. മൊബൈലുകള്‍,ഡെസ്‌ക്ടോപ്പ്, ലാപ്‌ടോപ്, നോട്ട് ബുക്ക്, സെര്‍വറുകള്‍, പ്രിന്ററുകള്‍, ടെലിവിഷന്‍, സ്‌കാനറുകള്‍, ഹാര്‍ഡ്ഡിസ്‌കുകള്‍ എന്നിവയാണ് പ്രധാനമായും ലെനോവോ നിര്‍മ്മിക്കുന്നത്.

ഇപ്പോള്‍ ലെനോവയുടെ പുതിയ ഫാബ്ലറ്റായ ലെനോവോ ഫാബ് 2 ഇന്ത്യന്‍ വിപണിയില്‍ എത്താന്‍ പോകുന്നു. ഇതിനകം തന്നെ ലെനോവോ ഫാബ് 2 പ്രോ, ഫാബ് 2 പ്ലസ് എന്നീ സ്മാര്‍ട്ട്‌ഫോണുകള്‍ ഇന്ത്യന്‍ വിപണിയില്‍ ഇറങ്ങിക്കഴിഞ്ഞു.

എന്നാല്‍ ഇപ്പോള്‍ നമ്മള്‍ കാത്തിരിക്കുന്നത് ഫാബ് 2, ഫാബ് 2 പ്രോ എന്നീ ഫാബ്ലറ്റുകളാണ്.

ഫാബ് 2 പ്രൊഫഷണലിന്റെ നോണ്‍-ടാങ്കോ മോഡലായ ലെനോവോ ഫാബ് 2, 2016 ഡിസംബര്‍ 6നാണ് ഇന്ത്യന്‍ വിപണിയില്‍ എത്തുന്നത്. ഇത് ലെനോവോ ഫാബ് 2 കുടുംബത്തിലെ ഏറ്റവും വില കുറവുളള മോഡല്‍ ആയിരിക്കും.

ഫാബ് 2, ഫാബ് 2 പ്ലസിന്റെ വില ഏകദേശം 13,000 രൂപ, 20,000 രൂപയാണ്, എന്നാല്‍ ഇന്ത്യയില്‍ ലോഞ്ച് ചെയ്യുന്ന ഫാബ് 2 മോഡലിന്റെ വില ഇതിലും കുറവായിരിക്കും.

ഫാബ് 2 ന്റെ സവിശേഷതകള്‍ ഇവയൊക്കെയാണ്. 6.4 ഇഞ്ച് എച്ച്ഡി ഡിസ്‌പ്ലേ, മീഡിയാ ടെക് MT8735 ചിപ്‌സെറ്റ്, 3ജിബി റാം, 32 ജിബി റോം, 256 ജിബി മൈക്രോ എസ്ഡി കാര്‍ഡ് എക്‌സ്പാന്‍ഷന്‍, 4050എംഎഎച്ച് ബാറ്ററി.

ഫാബ് 2 ന്റെ കണക്ടിവിറ്റികളാണ് ഡ്യുവല്‍ സിം സപ്പോര്‍ട്ട്, 4ജി LTE സപ്പോര്‍ട്ട്, വൈഫൈ 802.11 a/b/g/n, ബ്ലൂട്ടൂത്ത് 4.0. ഗണ്‍മെറ്റല്‍ ഗ്രേ നിറത്തിലും ഗോള്‍ഡ് നിറത്തിലും വരുന്നു.

13എംബി മെഗാപിക്‌സല്‍ റിയര്‍ ക്യാമറ, 5എംബി മുന്‍ ക്യാമറ എന്നിവയാണ്.