20,000 രൂപയിൽ താഴെ വിലയിൽ സ്വന്തമാക്കാവുന്ന സാംസങ് സ്മാർട്ട്‌ഫോണുകൾ

സാംസങിന്റെ 20,000 രൂപയിൽ താഴെ വിലയുള്ള ഡിവൈസുകൾ പരിശോധിച്ചാൽ അവയിൽ പ്രധാനപ്പെട്ടവ ഗാലക്സി എം, എ സീരിസുകളിൽ തന്നെയാണ്. മികച്ച ചില ഡിവൈസുകൾ എല്ലാ വർഷവും സാംസങ് വിപണിയിലെത്തിക്കുന്നുണ്ട്. അടുത്തിടെ പുറത്തിറങ്ങിയ 20,000 രൂപയിൽ താഴെ വിലയുള്ള മികച്ച ബജറ്റ് സ്മാർട്ട്ഫോണുകളാണ് നമ്മളിന്ന് പരിശോധിക്കുന്നത്. ഈ പട്ടികയിൽ സ്മാർട്ട്ഫോണുകളാണ് ഉൾപ്പെടുത്തിയിട്ടുള്ളത്.

സാംസങ് ഗാലക്‌സി എം31എസ് (Samsung Galaxy M31s)

സാംസങ് ഗാലക്‌സി എം 31 എസ് അടുത്തിടെയാണ് ഇന്ത്യൻ വിപണിയിൽ അവതരിപ്പിച്ചത്. 91% സ്‌ക്രീൻ-ടു-ബോഡി റേഷിയോ ഉള്ള 6.5 ഇഞ്ച് ഫുൾ എച്ച്ഡി + സൂപ്പർ അമോലെഡ് സ്‌ക്രീനാണ് ഈ ഡിവൈസിൽ ഉള്ളത്. 2.3Ghz എക്‌സിനോസ് 9611ആണ് ഈ ഡിവൈസിന്റെ കരുത്ത്. ഡിവൈസിൽ 8 ജിബി റാമും 128 ജിബി ഇന്റേണൽ സ്റ്റോറേജുമാണ് ഉള്ളത്. 64 എംപി പ്രൈമറി ക്യാമറ, 12 എംപി അൾട്രാ വൈഡ് ആംഗിൾ സെൻസർ, 5 എംപി ഡെപ്ത് സെൻസർ ലെൻസ്, 5 എംപി മാക്രോ ലെൻസ് എന്നിവ ഉൾക്കൊള്ളുന്ന ക്വാഡ് ക്യാമറ സെറ്റപ്പാണ് ഡിവൈസിൽ ഉള്ളത്. മുൻവശത്ത്, 32 എംപി സെൽഫി ക്യാമറയാണ് ഉള്ളത്. 6 ജിബി റാം വേരിയന്റിന് 19,499 രൂപയാണ് വില. 8 ജിബി റാം വേരിയന്റിന് 21,499 രൂപ വിലയുണ്ട്.

സാംസങ് ഗാലക്സി എം 21 (Samsung Galaxy M21)

സാംസങ് ഗാലക്‌സി എം21 സ്മാർട്ട്ഫോൺ മാർച്ചിലാണ് ഇന്ത്യൻ വിപണിയിൽ അവതരിപ്പിച്ചത്. 6.4 ഇഞ്ച് എസ്അമോലെഡ് ഫുൾ എച്ച്ഡി + ഇൻഫിനിറ്റി-യു സ്‌ക്രീനാണ് ഡിവൈസിൽ ഉള്ളത്. 48 എംപി പ്രൈമറി ക്യാമറ, 8 എംപി അൾട്രാ വൈഡ് ആംഗിൾ ഷൂട്ടർ, 5 എംപി ഡെപ്ത് സെൻസർ എന്നിവ ഉൾക്കൊള്ളുന്ന ട്രിപ്പിൾ ക്യാമറ സെറ്റപ്പാണ് ഡിവൈസിൽ ഉള്ളത്. മുൻവശത്ത് 20 എംപി സെൽഫി ക്യാമറയാണ് ഉള്ളത്. രണ്ട് വ്യത്യസ്ത വേരിയന്റുകളിൽ സാംസങ് ഗാലക്‌സി എം 21 ലഭ്യമാണ്. 4 ജിബി റാം, 64 ജിബി ഇന്റേണൽ സ്റ്റോറേജ് വേരിയന്റിന് 14,499 രൂപയും 6 ജിബി റാം, 128 ജിബി ഇന്റേണൽ സ്റ്റോറേജ് വേരിയന്റിന് 16,499 രൂപയുമാണ് വില.

സാംസങ് ഗാലക്‌സി എ21എസ് (Samsung Galaxy A21s)

സാംസങ് ഗാലക്‌സി എ21എസ് സ്മാർട്ട്ഫോൺ ജൂണിലാണ് വിപണിയിലെത്തിയത്. 6.5 ഇഞ്ച് ഇൻഫിനിറ്റി-ഒ ഡിസ്‌പ്ലേയാണ് സാംസങ് ഗാലക്‌സി എ 21 എസിലുള്ളത്. 6 ജിബി റാമും 64 ജിബി ഇന്റേണൽ സ്റ്റോറേജുമുള്ള ഡിവൈസിൽ എക്‌സിനോസ് 850 പ്രോസസറാണ് ഉള്ളത്. 48 എംപി പ്രൈമറി സെൻസർ ലെൻസ്, 8 എംപി അൾട്രാ വൈഡ് ആംഗിൾ ലെൻസ്, 2 എംപി മാക്രോ, 2 എംപി ഡെപ്ത് ക്യാമറ എന്നിവ ഉൾക്കൊള്ളുന്ന ക്വാഡ് ക്യാമറ സെറ്റപ്പും 13 എംപി സെൽഫി ക്യാമറയും ഡിവൈസിൽ ഉണ്ട്. 4 ജിബി റാമും 64 ജിബി ഇന്റേണൽ സ്റ്റോറേജുമുള്ള ഡിവൈസിന് 15,499 രൂപയും 6 ജിബി റാം, 64 ജിബി ഇന്റേണൽ സ്റ്റോറേജ് വേരിയന്റിന് 17,499 രൂപയുമാണ് വില.

സാംസങ് ഗാലക്‌സി എം31 (Samsung Galaxy M31)

ഫെബ്രുവരിയിലാണ് സാംസങ് ഗാലക്‌സി എം31 പുറത്തിറങ്ങിയത്. 6.4 ഇഞ്ച് അമോലെഡ് ഡിസ്‌പ്ലേയാണ് സാംസങ് ഗാലക്‌സി എം31ൽ ഉള്ളത്. 8 ജിബി റാമും 128 ജിബി ഇന്റേണൽ സ്റ്റോറേജും ഉള്ള എക്‌സിനോസ് 9611 ചിപ്‌സെറ്റാണ് ഡിവൈസിൽ ഉള്ളത്. 64 എംപി പ്രൈമറി ക്യാമറ, 8 എംപി അൾട്രാ വൈഡ് ലെൻസ്, 5 എംപി മാക്രോ ക്യാമറ, 5 എംപി ഡെപ്ത് സെൻസർ എന്നിവയുള്ള ക്വാഡ് ക്യാമറ സെറ്റപ്പാണ് ഡിവൈസിൽ ഉള്ളത്. മുൻവശത്ത് 32 എംപി സെൽഫി ക്യാമറയും നൽകിയിട്ടുണ്ട്. ഈ ഡിവൈസിന്റെ 6 ജിബി റാം, 64 ജിബി ഇന്റേണൽ സ്റ്റോറേജ് വേരിയന്റിന് 17,499 രൂപയും 6 ജിബി റാം, 128 ജിബി ഇന്റേണൽ സ്റ്റോറേജ് വേരിയന്റിന് 18,499 രൂപയുമാണ് വില.

സാംസങ് ഗാലക്‌സി എ50എസ് (Samsung Galaxy A50s)

ഫെബ്രുവരിയിലാണ് ഗാലക്‌സി എ 50 എസ് ഇന്ത്യയിൽ അവതരിപ്പിച്ചത്. 6.4 ഇഞ്ച് സ്‌ക്രീൻ ഫുൾ എച്ച്ഡി + 19.5: 9 ആസ്‌പെക്ട് റേഷിയോ, 6 ജിബി റാമും 128 ജിബി ഇന്റേണൽ സ്റ്റോറേജ് എന്നീ സവിശേഷതകളുള്ള ഈ ഡിവൈസ് എക്‌സിനോസ് 9611 ചിപ്‌സെറ്റിന്റെ കരുത്തിലാണ് പ്രവർത്തിക്കുന്നത്. 48 എംപി പ്രൈമറി ലെൻസ്, 8 എംപി അൾട്രാ വൈഡ് സെൻസർ, 5 എംപി ഡെപ്ത് സെൻസർ എന്നിവ ഉൾക്കൊള്ളുന്ന ട്രിപ്പിൾ ക്യാമറ സെറ്റപ്പാണ് ഡിവൈസിൽ ഉള്ളത്. മുൻവശത്ത് 32 എംപി സെൽഫി ക്യാമറയും ഉണ്ട്. ഡിവൈസിന്റെ 4 ജിബി റാം, 128 ജിബി ഇന്റേണൽ സ്റ്റോറേജ് വേരിയന്റിന് 17,499 രൂപയും 6 ജിബി റാം, 128 ജിബി ഇന്റേണൽ സ്റ്റോറേജ് വേരിയന്റിന് 19,999 രൂപയുമാണ് വില.