എംഐ 11 ലൈറ്റ് ജൂൺ 22ന് ഇന്ത്യൻ വിപണിയിൽ അവതരിപ്പിക്കും; പ്രതീക്ഷിക്കുന്ന വിലയും സവിശേഷതകളും

| Published: Wednesday, June 9, 2021, 14:35 [IST]

എംഐ 11 സീരിസിലെ പുതിയ ഡിവൈസായ എംഐ 11 ലൈറ്റ് ജൂൺ 22ന് ഇന്ത്യൻ വിപണിയിൽ അവതരിപ്പിക്കും. ഷവോമി ട്വിറ്ററിലൂടെയാണ് ലോഞ്ച് തിയ്യതി വെളിപ്പെടുത്തിയത്. ഈ ഡിവൈസിന്റെ ലോഞ്ച് ഓൺലൈനായിട്ടായിരിക്കും നടക്കുന്നത്. എംഐ 11 സീരീസിനൊപ്പം മാർച്ചിൽ ഹാൻഡ്‌സെറ്റ് ചൈനീസ് വിപണിയിൽ അവതരിപ്പിച്ചിരുന്നു. വെറും 6.81 മിമി കനമായിരുന്നു ഈ ഡിവൈസിന്. ഇന്ത്യയിലും വലിയ മാറ്റങ്ങളില്ലാതെ ആയിരിക്കും ഫോൺ എത്തുന്നത്.

എംഐ 11 ലൈറ്റ്: സവിശേഷതകൾ

ചൈനീസ് വിപണിയിൽ ലോഞ്ച് ചെയ്തതിനാൽ തന്നെ എംഐ 11 ലൈറ്റിന്റെ സവിശേഷതകൾ മിക്കതും വ്യക്തമാണ്. 6.5 ഇഞ്ച് എഫ്എച്ച്ഡി + അമോലെഡ് ഡിസ്പ്ലേയായിരിക്കും ഈ ഡിവൈസിൽ ഉണ്ടായിരിക്കുക. ഈ ഡിസ്പ്ലെയ്ക്ക് 2,400 x 1,080 പിക്സൽ റെസല്യൂഷൻ, മുകളിൽ ഇടത് കോണിലായി പഞ്ച്-ഹോൾ കട്ട് ഔട്ട്, 90 ഹെർട്സ് റിഫ്രഷ് റേറ്റ്, 240 ഹെർട്സ് ടച്ച് സാമ്പിൾ റേറ്റ് എന്നിവയും ഉണ്ടായിരിക്കും.

സ്നാപ്ഡ്രാഗൺ 768ജിയുടെ കരുത്തുമായി ഐക്യുഒഒ Z3 ഇന്ത്യൻ വിപണിയിലെത്തി: വില, സവിശേഷതകൾ സ്നാപ്ഡ്രാഗൺ 768ജിയുടെ കരുത്തുമായി ഐക്യുഒഒ Z3 ഇന്ത്യൻ വിപണിയിലെത്തി: വില, സവിശേഷതകൾ

എംഐ 11 സ്മാർട്ട്ഫോണിന്റെ 4ജി മോഡലിന് കരുത്ത് നൽകുന്നത് ക്വാൽകോം സ്‌നാപ്ഡ്രാഗൺ 732ജി എസ്ഒസി ആയിരിക്കും. ഇതിനൊപ്പം അഡ്രിനോ 618 ജിപിയു, 8 ജിബി റാം, 256 ജിബി നേറ്റീവ് സ്റ്റോറേജ് എന്നിവയും ഉണ്ടായിരിക്കും. 5ജി പതിപ്പ് സ്‌നാപ്ഡ്രാഗൺ 780ജി ചിപ്‌സെറ്റിലാണ് പ്രവർത്തിക്കുന്നത്. ആൻഡ്രോയിഡ് 11 ബേസ്ഡ് എംഐയുഐയിൽ ഈ ഡിവൈസ് പ്രവർത്തിക്കും. 4,250 എംഎഎച്ച് ബാറ്ററിയായിരിക്കും ഫോണിൽ ഉണ്ടാവുക.33W ഫാസ്റ്റ് ചാർജിങ് സപ്പോർട്ടും സ്മാർട്ട്ഫോണിൽ ഉണ്ടായിരിക്കും.

64 എംപി പ്രൈമറി സെൻസർ, 8 എംപി അൾട്രാ-വൈഡ് ആംഗിൾ ലെൻസ്, 5 എംപി ടെലി മാക്രോ സെൻസർ എന്നിവയുള്ള ട്രിപ്പിൾ ക്യാമറ സെറ്റപ്പാണ് ഷവോമി എംഐ 11 ലൈറ്റിൽ ഉള്ളത്. സെൽഫികൾക്കും വീഡിയോ ചാറ്റുകൾക്കുമായി മുൻവശത്ത് 20 എംപി ക്യാമറയും ഉണ്ടായിരിക്കും. സുരക്ഷയ്ക്കും കണക്റ്റിവിറ്റിക്കുമായി ഇൻ-ഡിസ്‌പ്ലേ ഫിംഗർപ്രിന്റ് സെൻസർ, 5 ജി / 4 ജി, ഡ്യുവൽ-ബാൻഡ് വൈ-ഫൈ, ബ്ലൂടൂത്ത്, ജിപിഎസ്, ചാർജ് ചെയ്യുന്നതിനായി യുഎസ്ബി ടൈപ്പ്-സി പോർട്ട് എന്നിവ ഉണ്ടായിരിക്കും.

കിടിലൻ ഫീച്ചറുകളുമായി റിയൽ‌മി സി25എസ് ഇന്ത്യൻ വിപണിയിലെത്തി, വില 9,999 രൂപ മുതൽ കിടിലൻ ഫീച്ചറുകളുമായി റിയൽ‌മി സി25എസ് ഇന്ത്യൻ വിപണിയിലെത്തി, വില 9,999 രൂപ മുതൽ

എംഐ 11 ലൈറ്റ്: പ്രതീക്ഷിക്കുന്ന വില

8 ജിബി റാമും 128 ജിബി സ്റ്റോറേജുമുള്ള എംഐ 11 സ്മാർട്ട്ഫോൺ മോഡലിന് ചൈനയിൽ ആർ‌എം‌ബി 2,299 (ഏകദേശം 25,500 രൂപ) വിലയുണ്ട്. 8 ജിബി + 256 ജിബി മോഡലിന് ആർ‌എം‌ബി 2,599 (ഏകദേശം 28,800 രൂപ)യാണ് ചൈനയിലെ വില. ഇന്ത്യയിലും ഇതിന് സമാനമായ വിലയിൽ ആയിരിക്കും പുറത്തിറങ്ങുക എന്നാണ് സൂചനകൾ. ഇന്ത്യയിൽ എംഐ 11എക്സ്, എംഐ 11എക്സ് പ്രോ, എംഐ 11 അൾട്ര സ്മാർട്ട്ഫോണുകൾ നേരത്തെ അവതരിപ്പിച്ചിരുന്നു.