മോട്ടോ ജി 60, മോട്ടോ ജി 40 ഫ്യൂഷൻ സ്മാർട്ട്‌ഫോണുകൾ ഇന്ന് ഇന്ത്യയിൽ അവതരിപ്പിക്കും: വില, സവിശേഷതകൾ

മോട്ടോ ജി 60, മോട്ടോ ജി 40 ഫ്യൂഷൻ ഇന്ത്യയിൽ എപ്പോൾ അവതരിപ്പിക്കും ?

കഴിഞ്ഞയാഴ്ച മോട്ടറോള പോസ്റ്റ് ചെയ്ത ടീസർ പ്രകാരം, മോട്ടോ ജി 60, മോട്ടോ ജി 40 ഫ്യൂഷൻ സ്മാർട്ഫോണുകൾ ഇന്ത്യയിൽ ഉച്ചയ്ക്ക് കൃത്യം 12:00 മണിക്ക് നടക്കും. ഈ രണ്ട് സ്മാർട്ട്ഫോണുകളും ലോഞ്ച് ചെയ്തതിനുശേഷം ഫ്ലിപ്കാർട്ട് വഴി വാങ്ങുവാൻ ലഭ്യമാക്കും. എന്നാൽ, ഈ സ്മാർട്ഫോണുകളുടെ കൃത്യമായ ലഭ്യത വിശദാംശങ്ങൾ ഇനിയും കമ്പനി ഇതുവരെ വെളിപ്പെടുത്തിയിട്ടില്ല.

മോട്ടോ ജി 60 സവിശേഷതകൾ

മോട്ടോ ജി 60 ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിൽ പ്രവർത്തിക്കുന്നു. 6.8 ഇഞ്ച് ഡിസ്‌പ്ലേയ്ക്ക് 120 ഹെർട്സ് റിഫ്രെഷ് റേറ്റും എച്ച്ഡിആർ 10 സപ്പോർട്ടും നൽകുമെന്നും ഔദ്യോഗിക ടീസർ പറയുന്നു. ഈ ഹാൻഡ്‌സെറ്റിന് ഒക്ടാകോർ ക്വാൽകോം സ്‌നാപ്ഡ്രാഗൺ 732 ജി SoC പ്രോസസറായിരിക്കും ശക്തി പകരുന്നത്. ട്രിപ്പിൾ റിയർ ക്യാമറ സംവിധാനവുമായി വരുന്ന 108 മെഗാപിക്സൽ പ്രൈമറി സെൻസറും 8 മെഗാപിക്സൽ അൾട്രാ വൈഡ് ആംഗിൾ സെൻസറും ഡെപ്ത് സെൻസറും ഉൾപ്പെടുന്നതാണ് മോട്ടോ ജി 60. എൽഇഡി ഫ്ലാഷും ഇതിലുണ്ടാകും. മുൻവശത്ത് 32 മെഗാപിക്‌സൽ സെൽഫി ക്യാമറ സെൻസറും മോട്ടോ ജി 60 യിൽ ഉണ്ടാകും.

മോട്ടോ ജി 60 ഫ്യൂഷൻ സവിശേഷതകൾ

മോട്ടോ ജി 60 പോലെ തന്നെ മോട്ടോ ജി 40 ഫ്യൂഷനും ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിൽ തന്നെയാണ് പ്രവർത്തിക്കുന്നത്. എച്ച്ഡിആർ 10 സപ്പോർട്ടോടുകൂടിയ 6.8 ഇഞ്ച് ഡിസ്‌പ്ലേയും ക്വാൽകോം സ്‌നാപ്ഡ്രാഗൺ 732 ജി SoC പ്രോസസറും ഇതിൽ അവതരിപ്പിക്കും. 64 മെഗാപിക്സൽ പ്രൈമറി ക്യാമറ സെൻസറും 32 മെഗാപിക്സൽ സെൽഫി ക്യാമറയും ഇതിലുണ്ട്. ഇന്നുതന്നെ നിങ്ങൾക്ക് ഈ പുതിയ മോട്ടറോള സ്മാർട്ഫോണുകളുടെ സവിശേഷതകളെ കുറിച്ച് കൂടുതൽ കാര്യങ്ങൾ അറിയുവാൻ സാധിക്കുന്നതാണ്.