മടക്കിവെക്കാവുന്ന സ്മാർട്ട്ഫോണായ മോട്ടറോള റേസർ 2 സെപ്റ്റംബറിൽ പുറത്തിറങ്ങും

ആദ്യത്തെ മോട്ടറോള റേസർ 2019 സ്മാർട്ട്‌ഫോണിലുള്ള പ്രശ്‌നങ്ങളെക്കുറിച്ച് കമ്പനി വിശദമായി പഠിച്ചിട്ടുണ്ടെന്ന് നേരത്തെ റിപ്പോർട്ടുകൾ ഉണ്ടായിരുന്നു. ഈ സാങ്കേതിക പ്രശ്നങ്ങൾ പരിഹരിച്ച് കുറവുകൾ ഇല്ലാതാക്കിയായിരിക്കും മോട്ടറോള റേസർ 2 കമ്പനി പുറത്തിറക്കുന്നത്. സ്മാർട്ട്ഫോണിന്റെ ഭാവിയായി മാറുമെന്ന് പ്രതീക്ഷിക്കുന്ന സവിശേഷതയാണ് മടക്കി വയ്ക്കാൻ സാധിക്കുന്ന സ്മാർട്ട്ഫോണുകൾ. എല്ലാ സ്മാർട്ട്ഫോൺ നിർമ്മാതാക്കളും ഇതിനായി ഗവേഷണങ്ങൾ നടത്തുന്നുണ്ട്.

കൂടുതൽ വായിക്കുക: ആമസോണിൽ സാംസങ് സ്മാർട്ട്‌ഫോണുകൾക്ക് ആകർഷകമായ ഇഎംഐ ഓഫറുകൾ

കഴിഞ്ഞ വർഷം നവംബറിൽ മോഡേൾ ഫോൾഡബിൾ ഡിസ്പ്ലേ സവിശേഷതയുമായി പുറത്തിറങ്ങിയ മോട്ടറോളയുടെ ഐക്കണിക് ഫോണാണ് മോട്ടറോള റേസർ. ഈ ആൻഡ്രോയിഡ് സ്മാർട്ട്ഫോൺ ഈ വർഷം ആദ്യമാണ് വിൽപ്പനയ്‌ക്കെത്തിയത്. 1.25 ലക്ഷം രൂപയാണ് ഈ സ്മാർട്ട്ഫോണിന്റെ ഇന്ത്യയിലെ വില. മോട്ടോ റേസറിന്റെ രണ്ടാമത്തെ തലമുറയിലെത്തുമ്പോൾ വിലകുറയുമെന്നാണ് പ്രതീക്ഷിക്കുന്നത്. മാത്രമല്ല ദൃഢതയും കൂടുതൽ ബാറ്ററി ലൈഫും ഈ സ്മാർട്ട്ഫോൺ വാഗ്ദാനം ചെയ്യുമെന്നും റിപ്പോർട്ടുകളുണ്ട്.

മോട്ടറോള റേസർ ഫോണിന് രണ്ട് സ്‌ക്രീനുകളാണ് ഉള്ളത്. 2.7 ഇഞ്ച് ജി-ഒലെഡ് ക്വിക്ക് വ്യൂ പാനൽ പുറംഭാഗത്ത് നൽകിയിരിക്കുന്നു. അകത്ത് 21: 9 ആസ്പാക്ട് റേഷിയോ ഉള്ള 6.2 ഇഞ്ച് പി-ഒലെഡ് സ്ക്രീനാണ് നൽകിയിട്ടുള്ളത്. മുൻനിര ഗ്രേഡ് ചിപ്‌സെറ്റിന് പകരം ക്വാൽകോം സ്‌നാപ്ഡ്രാഗൺ 710 SoC ആണ് സ്മാർട്ട്‌ഫോണിന് കരുത്ത് നൽകുന്നത്.

കൂടുതൽ വായിക്കുക: ഇൻഫിനിക്സ് ഹോട്ട് 9 സീരീസ് മെയ് 29ന് ഇന്ത്യൻ വിപണിയിലെത്തും

ആൻഡ്രോയിഡ് 10 അപ്‌ഡേറ്റ് ഉടൻ പ്രതീക്ഷിക്കുന്ന മോട്ടോറേസർ സ്മാർട്ട്ഫോൺ ആൻഡ്രോയിഡ് 9 പൈയിലാണ് പ്രവർത്തിക്കുന്നത്. ക്വിക്ക് വ്യൂ സ്‌ക്രീനിന് മുകളിൽ സ്ഥാപിച്ചിരിക്കുന്ന 16 മെഗാപിക്സൽ സെൻസറാണ് ഈ സ്മാർട്ട്ഫോണിന്റെ മറ്റൊരു സവിശേഷത. മറ്റൊരു 5 മെഗാപിക്സൽ സെൻസർ നോച്ചിനകത്താണ് നൽകിയിട്ടുള്ളത്. മിക്ക ഡിവൈസുകളിലും കാണാറുള്ളതുപോലെ ഈ നോച്ച് ഡിസ്പ്ലേയുടെ മുകളിലാണ് നൽകിയിട്ടുള്ളത്.

128 ജിബി ഇന്റേണൽ സ്റ്റോറേജ്, 6 ജിബി റാം, വൈ-ഫൈ, ബ്ലൂടൂത്ത് വി 5, ജിപിഎസ്, എൻ‌എഫ്‌സി, ടൈപ്പ്-സി പോർട്ട് എന്നീ സവിശേഷതകളും ഈ മടക്കി വയ്ക്കാവുന്ന സ്മാർട്ട്ഫോണിൽ ഉണ്ട്. 2,510 എംഎഎച്ച് ബാറ്ററിയാണ് ഡിവൈസിൽ ഉള്ളത്. ഈ ബാറ്ററി ഇപ്പോൾ പുറത്തിറങ്ങുന്ന സ്മാർട്ട്ഫോണുകളുടെ ബാറ്ററിയുമായി താരതമ്യപ്പെടുത്തുമ്പോൾ വളരെ കുറവാണ്. ഈ ബാറ്ററി ഉപയോഗിച്ച് ഉപയോക്താക്കൾക്ക് ഒരു ദിവസം മുഴുവൻ ഫോൺ ഉപയോഗിക്കാമെന്ന് കമ്പനി അവകാശപ്പെടുന്നു. ഇതിന് 15W ഫാസ്റ്റ് ചാർജിംഗ് സപ്പോർട്ടും ഉണ്ട്.

കൂടുതൽ വായിക്കുക: വൺപ്ലസ് 8 സ്മാർട്ട്ഫോണിന്റെ അടുത്ത വിൽപ്പന മെയ് 29 ന്: വില ഓഫറുകൾ