ഐക്യുഒഒ നിയോ 5 സ്മാർട്ട്ഫോൺ പുറത്തിറങ്ങുക സ്നാപ്ഡ്രാഗൺ 870 എസ്ഒസിയുടെ കരുത്തുമായി

പുതിയ വിവോ ഫ്ലാഗ്ഷിപ്പ് സ്മാർട്ട്ഫോൺ

ക്വാൽകോം സ്‌നാപ്ഡ്രാഗൺ 870 എസ്ഒസി പ്രോസസറിന്റെ കരുത്തിലായിരിക്കും വിവോ / ഐക്യുഒഒ നിയോ 5 സ്മാർട്ട്‌ഫോൺ പുറത്തിറങ്ങുക. വിവോ 2055എ മോഡൽ നമ്പറുള്ള സ്മാർട്ട്ഫോൺ ഗൂഗിൾ പ്ലേ കൺസോൾ ഡാറ്റാബേസിൽ കണ്ടെത്തിയിരുന്നു. ഈ ഹാൻഡ്‌സെറ്റും സ്‌നാപ്ഡ്രാഗൺ 870 പ്രോസസറിലാണ് പ്രവർത്തിക്കുന്നത്. നേരത്തെ പുറത്തറങ്ങിയ ഐക്യുഒഒ നിയോ സ്മാർട്ട്‌ഫോണുകൾ പോലെ 5ജി നെറ്റ്വർക്ക് സപ്പോർട്ടുമായിട്ടായിരിക്കും പുതിയ ഡിവൈസും പുറത്തിറങ്ങുക.

പ്രോസസറിനുപുറമെ പുതിയ സ്മാർട്ട്ഫോണിൽ ഒ‌എൽ‌ഇഡി ഡിസ്‌പ്ലേ പാനലായിരിക്കും ഉണ്ടായിരിക്കുക എന്ന കാര്യവും ലീക്ക് റിപ്പോർട്ടിൽ സൂചിപ്പിക്കുന്നു. റെസല്യൂഷനും ഡിസ്പ്ലെ വലുപ്പവും റിപ്പോർട്ടിൽ പരാമർശിച്ചിട്ടില്ല. ഈ ഡിസ്പ്ലെ 120Hz റിഫ്രഷ് റേറ്റുള്ള ഡിസ്പ്ലെയായിരിക്കുമെന്നും റിപ്പോർട്ട് സൂചിപ്പിക്കുന്നുണ്ട്. ഈ ഡിസ്‌പ്ലേ പാനലിൽ സെൽഫി ക്യാമറയ്‌ക്കായി ഒരു പഞ്ച്-ഹോൾ ഉണ്ടായിരിക്കും. ഇത് നടു ഭാഗത്തായിരിക്കും ഉണ്ടായിരിക്കുക.

ഒ‌ഐ‌എസ് (ഒപ്റ്റിക്കൽ ഇമേജ് സ്റ്റെബിലൈസേഷൻ) സപ്പോർട്ടുള്ള സോണി ഐ‌എം‌എക്സ് 598 പ്രൈമറി ക്യാമറയായിരിക്കും ഈ ഡിവൈസിൽ ഉണ്ടായിരിക്കുക എന്ന് ലീക്ക് റിപ്പോർട്ട് സൂചിപ്പിക്കുന്നു. ക്യാമറ സെൻസറുകളുടെ എണ്ണവും മറ്റ് ക്യാമറ ഫീച്ചറുകളും ലീക്ക് റിപ്പോർട്ട് വെളിപ്പെടുത്തിയിട്ടില്ല. ക്യാമറ സവിശേഷതകൾ കൂടാതെ ഈ ഫ്ലാഗ്ഷിപ്പ് സ്മാർട്ട്‌ഫോണിന് 4,400 എംഎഎച്ച് ബാറ്ററിയും ഉണ്ടായിരിക്കുമെന്ന് ടിപ്പ്സ്റ്റർ വെളിപ്പെടുത്തി.

ഓപ്പോ റെനോ5 പ്രോ + സ്മാർട്ട്‌ഫോണിന് സമാനമായ 65W ഫാസ്റ്റ് ചാർജിങ് സപ്പോർട്ടും ഐക്യുഒഒയുടെ പുതിയ ഫ്ലാഗ്ഷിപ്പ് സ്മാർട്ട്ഫോണിൽ ഉണ്ടായിരിക്കും. ഡിവൈസിന്റെ പേര് സ്ഥിരീകരിക്കുന്നതിനൊപ്പം മറ്റ് പ്രധാന സവിശേഷതകൾ കൂടി വെളിപ്പെടുത്തുമെന്നാണ് പ്രതീക്ഷിക്കുന്നത്. ഫ്ലാഗ്ഷിപ്പ് സ്മാർട്ട്ഫോൺ ആയതിനാൽ തന്നെ ഡിവൈസ് ഏറ്റവും പുതിയ ഫീച്ചറുകൾ ഉൾപ്പെടുത്തുമെന്ന് പ്രതീക്ഷിക്കുന്നു. കൂടുതൽ വിവരങ്ങൾ വരും ദിവസങ്ങളിൽ പ്രതീക്ഷിക്കാം.

ഇന്ത്യയിലെ സ്മാർട്ട്ഫോൺ വിപണിയിൽ വിവോയ്ക്ക് സുപ്രധാനമായ സ്ഥാനം തന്നെയുണ്ട്. വിവോയുടെ ഡിവൈസുകളിൽ പലതും ജനപ്രീയമാണ്. എല്ലാ വില നിലവാരത്തിലും മികച്ച ഡിവൈസുകൾ അവതരിപ്പിക്കാൻ ശ്രദ്ധിക്കുന്ന വിവോയുടെ പുതിയ ഫ്ലാഗ്ഷിപ്പുമായി ബന്ധപ്പെട്ട റിപ്പോർട്ടുകളും ഇന്ത്യയിലെ സ്മാർട്ട്ഫോൺ പ്രേമികളിൽ പ്രതീക്ഷ ഉണ്ടാക്കുന്നതാണ്. ഷവോമി, റിയൽമി, ഓപ്പോ തുടങ്ങിയകമ്പനികൾക്കൊപ്പം ഇന്ത്യൻ സ്മാർട്ട്ഫോൺ വിപണിയുടെ മുൻനിരയിൽ ഉള്ള വിവോയുടെ മികച്ച ഡിവൈസുകൾ പുറത്തിറങ്ങിയ ഐക്യൂഒഒ സീരിസിൽ പുറത്തിറങ്ങുന്ന ഡിവൈസ് എന്നതിനാൽ തന്നെ പുതിയ ഡിവൈസ് ഇന്ത്യയിലെ സർട്ടിഫിക്കേഷൻ സൈറ്റുകളിൽ വൈകാതെ കണ്ടെത്തിയേക്കും.