8,499 രൂപയ്ക്ക് കിടിലൻ സ്മാർട്ട്ഫോൺ, ലാവ Z3യുടെ വിൽപ്പന ആരംഭിച്ചു

ലാവ Z3: വില

പുതുതായി പുറത്തിറക്കിയ ലാവ Z3 സ്മാർട്ട്ഫോണിന്റെ ഒരു വേരിയന്റ് മാത്രമാണ് ഇപ്പോൾ ലഭ്യമായിട്ടുള്ളത്. 3 ജിബി റാമും 32 ജിബി സ്റ്റോറേജ് സ്പേസും ഉള്ള ഈ വേരിയന്റിന് ഇന്ത്യയിൽ 8,499 രൂപയാണ് വില. സ്ട്രിപ്പ്ഡ് ബ്ലൂ, സ്ട്രീപ്പ്ഡ് സിയാൻ എന്നിങ്ങനെ രണ്ട് കളർ ഓപ്ഷനുകളിലാണ് ഈ സ്മാർട്ട്ഫോൺ ലഭ്യമാകുന്നത്. ഇതിനകം തന്നെ ഓൺലൈൻ റീട്ടെയിലർമാരായ ആമസോൺ ഇന്ത്യ, ഫ്ലിപ്പ്കാർട്ട് എന്നിവയിൽ ലാവ Z3 സ്മാർട്ട്‌ഫോൺ വിൽപ്പനയ്‌ക്കെത്തിയിട്ടുണ്ട്.

10,000 രൂപയിൽ താഴെ വിലയിൽ മാർച്ചിൽ വാങ്ങാവുന്ന മികച്ച സ്മാർട്ട്ഫോണുകൾ

ലാവ Z3: സവിശേഷതകൾ

ലാവ Z3 സ്മാർട്ട്ഫോണിൽ 6.5 ഇഞ്ച് ഐപിഎസ് എൽസിഡി ഡിസ്‌പ്ലേയാണ് നൽകിയിട്ടുള്ളത്. ഈ ഡിസ്പ്ലെ പാനലിന് 720 x 1600 പിക്സൽസ് എച്ച്ഡി+ റെസലൂഷനും 20:9 അസ്പാക്ട് റേഷിയോവുമാണ് ഉള്ളത്. ഡിസ്പ്ലെയുടെ പിക്സൽ ഡെൻസിറ്റി 263 പിപിഐ ആണ്. സെൽഫി ക്യാമറ സെൻസറിനായി ഒരു വാട്ടർഡ്രോപ്പ് നോച്ച് സ്ക്രീനിൽ നൽകിയിട്ടുണ്ട്. ഗോറില്ല ഗ്ലാസ് 3 ആണ് ഈ ഡിസ്പ്ലെയെ സംരക്ഷിക്കുന്നത്. എൻട്രി ലെവൽ വിഭാഗത്തിൽ ലഭിക്കുന്ന മികച്ച ഡിസ്പ്ലെകളിൽ ഒന്ന് തന്നെയാണ് ഇത്.

 

രണ്ട് പിൻ ക്യാമറകളുമായിട്ടാണ് ലാവ Z3 സ്മാർട്ട്ഫോൺ വരുന്നത്. എൽഇഡി ഫ്ലാഷ് യൂണിറ്റിനും സെക്കൻഡറി ലെൻസിനുമൊപ്പം 8 എംപി പ്രൈമറി ക്യാമറ സെൻസറാണ് ഈ ഡ്യുവൽ ക്യാമറ സെറ്റപ്പിൽ ലാവ നൽകിയിട്ടുള്ളത്. മുൻവശത്ത് സെൽഫികൾക്കും വീഡിയോ കോളുകൾക്കുമായി 5 എംപി ഫ്രണ്ട് ക്യാമറ സെൻസറും നൽകിയിട്ടുണ്ട്. എച്ച്‌ഡിആർ, പോർട്രെയിറ്റ് മോഡ്, എഐ മോഡ്, നൈറ്റ് മോഡ്, ബ്യൂട്ടി മോഡ്, എആർ സ്റ്റിക്കറുകൾ, ടൈംലാപ്‌സ്, ജിഐഎഫ് മോഡ്, സ്‌മൈൽ ക്യാപ്‌ചർ തുടങ്ങിയ മോഡുകളുമായാണ് ഈ ക്യാമറ സെൻസറുകൾ വരുന്നത്.

ഷവോമി 11ടി പ്രോ സ്മാർട്ട്ഫോൺ ഇപ്പോൾ 6,000 രൂപയോളം കിഴിവിൽ സ്വന്തമാക്കാം

ലാവ സ്മാർട്ട്‌ഫോണിന്റെ പിൻഭാഗത്ത്, മറ്റ് പല ബജറ്റ് സ്മാർട്ട്‌ഫോൺ മോഡലുകളിലേതുപോലെ ഫിംഗർപ്രിന്റ് സെൻസർ നൽകിയിട്ടുണ്ട്. ഈ ഡിവൈസിന്റെ പിൻ പാറ്റേൺ ആകർഷകമാണ്. കസ്റ്റമൈസേഷനുകൾ ഒന്നും തന്നെ ഇല്ലാത്ത ആൻഡ്രോയിഡ് 11 ഒഎസിലാണ് ഈ ലാവ സ്മാർട്ട്ഫോൺ പ്രവർത്തിക്കുന്നത്. ഈ ഡിവൈസിന്റെ ഏറ്റവും വലിയ സവിശേഷത ഇതിൽ നൽകിയിട്ടുള്ള ബാറ്ററി തന്നെയാണ്. 5000mAh ബാറ്ററിയാണ് ഈ സ്മാർട്ട്ഫോണിൽ ലാവ നൽകിയിട്ടുള്ളത്. എൻട്രി ലെവൽ വിഭാഗത്തിൽ ലഭിക്കുന്ന മികച്ച ബാറ്ററി തന്നെയാണ് ഇത്.

3 ജിബി റാമും 32 ജിബി ഇന്റേണൽ സ്റ്റോറേജുമുള്ള ലാവ Z3 സ്മാർട്ട്ഫോണിന് കരുത്ത് നൽകുന്നത് മീഡിയടെക് ഹീലിയോ എ20 പ്രോസസറാണ്. ഈ 32 ജിബി സ്റ്റോറേജ് തികയാതെ വരുന്ന ആളുകൾക്ക് കൂടുതൽ സ്റ്റോറേജ് നേടാനായി മൈക്രോ എസ്ഡി കാർഡ് സ്ലോട്ടും നൽകിയിട്ടുണ്ട്. ലാവ Z3 സ്മാർട്ട്ഫോണിലെ കണക്റ്റിവിറ്റി ഓപ്ഷനുകളിൽ ഡ്യുവൽ 4ജി വോൾട്ടി, വൈഫൈ 802.11 b/g/n, ബ്ലൂട്ടൂത്ത് 5.0, ജിപിഎസ്, യുഎസ്ബി ടൈപ്പ്-സി പോർട്ട്, 3.5mm ഓഡിയോ ജാക്ക് എന്നിവയാണ് നൽകിയിട്ടുള്ളത്. വിലയും സവിശേഷതകളും നോക്കുമ്പോൾ ഇന്ത്യയിലെ എൻട്രി ലെവൽ സ്മാർട്ട്ഫോൺ വിപണി പിടിക്കാൻ പോന്ന എല്ലാ ഫീച്ചറുകളും ഈ ഡിവൈസിൽ ലാവ നൽകിയിട്ടുണ്ട്.

സാംസങ് ഗാലക്സി എഫ്23 5ജി vs റെഡ്മി നോട്ട് 11എസ്: ബജറ്റ് വിപണിയിലെ കേമനാര്