വൺപ്ലസ് 10 പ്രോ 5ജി സ്മാർട്ട്ഫോൺ ഇന്ത്യയിൽ, വിൽപ്പന ഏപ്രിൽ 5ന്

|

സ്മാർട്ട്ഫോൺ പ്രേമികളുടെ കാത്തിരിപ്പ് അവസാനിച്ച് വൺപ്ലസ് 10 പ്രോ 5ജി സ്മാർട്ട്ഫോൺ ഇന്ത്യൻ വിപണിയിൽ എത്തി. വൺപ്ലസിന്റെ ഈ പുതിയ ഡിവൈസിന് ഇന്ത്യയിൽ 66,999 രൂപ മുതലാണ് വില. ഫോണിന്റെ വിൽപ്പന ഏപ്രിൽ 5 മുതലാണ് ആരംഭിക്കുന്നത്. ഈ ഡിവൈസ് അതിന്റെ മുൻഗാമിയായ വൺപ്ലസ് 9 പ്രോയുമായി താരതമ്യപ്പെടുത്തുമ്പോൾ മികച്ച ഫീച്ചറുകൾ പായ്ക്ക് ചെയ്യുന്നു. കരുത്തൻ പ്രോസസർ, മികച്ച ക്യാമറ സെറ്റപ്പ്, വലിയ ബാറ്ററി എന്നിങ്ങനെയുള്ള സവിശേഷതകളെല്ലാം ഈ ഡിവൈസിൽ ഉണ്ട്.

 

വൺപ്ലസ് 10 പ്രോ 5ജി: വിലയും ഓഫറുകളും

വൺപ്ലസ് 10 പ്രോ 5ജി: വിലയും ഓഫറുകളും

വൺപ്ലസ് 10 പ്രോ 5ജി സ്മാർട്ട്ഫോൺ വോൾകാനിക് ബ്ലാക്ക്, എമറാൾഡ് ഫോറസ്റ്റ് നിറങ്ങളിലാണ് ലഭ്യമാകുന്നത്. ഡിവൈസിന്റെ 8 ജിബി റാമും 128 ജിബി സ്റ്റോറേജുള്ള എൻട്രി ലെവൽ വേരിയന്റിന് 66,999 രൂപയാണ് വില. 12 ജിബി റാമും 256 ജിബി സ്റ്റോറേജുള്ള ഹൈഎൻഡ് വേരിയന്റിന് 71,999 രൂപ വിലയുണ്ട്. ആമസോൺ, വൺപ്ലസ്.ഇൻ എന്നിവയിൽ നിന്നും മറ്റും ഏപ്രിൽ 5 മുതൽ ഡിവൈസ് വാങ്ങാം. നിരവധി ലോഞ്ച് ഓഫറുകളും ഈ ഡിവൈസ് വാങ്ങുന്ന ആളുകൾക്ക് ലഭിക്കും.

ഏപ്രിൽ മാസം വിപണിയിലെത്തുന്ന കിടിലൻ സ്മാർട്ട്ഫോണുകൾഏപ്രിൽ മാസം വിപണിയിലെത്തുന്ന കിടിലൻ സ്മാർട്ട്ഫോണുകൾ

ഓഫറുകൾ

എസ്ബിഐ കാർഡ് ഉപയോഗിച്ച് വൺപ്ലസിന്റെ പുതിയ സ്മാർട്ട്ഫോൺ വാങ്ങുന്നവർക്കും ഇഎംഐ പേയ്‌മെന്റ് ഓപ്ഷൻ തിരഞ്ഞെടുക്കുന്നവർക്കും 4,500 രൂപ കിഴിവാണ് ലഭിക്കുന്നത്. ഇത് കൂടാതെ ഒമ്പത് മാസത്തെ നോ-കോസ്റ്റ് ഇഎംഐ പേയ്‌മെന്റ് ഓപ്ഷനും ലഭിക്കും. ഇതുകൂടാതെ ഉപഭോക്താക്കൾക്ക് ആൻഡ്രോയിഡ്, ഐഒഎസ് ഡിവൈസുകൾ എക്സ്ചേഞ്ച് ചെയ്താൽ 5000 രൂപയുടെ അധിക എക്‌സ്‌ചേഞ്ച് ബോണസും ലഭിക്കും. ഓരോ ഡിവൈസിന്റെയും എക്സ്ചേഞ്ച് മൂല്യത്തിന് അനുസരിച്ചായിരിക്കും ഈ എക്സ്ചേഞ്ച് ബോണസ് ലഭിക്കുക.

ക്യാഷ്ബാക്ക്
 

വൺപ്ലസ് 10 പ്രോ 5ജി വാങ്ങാൻ വൺപ്ലസ്.ഇൻ, വൺപ്ലസ് സ്റ്റോർ എന്നിവയിൽ അമേരിക്കൻ എക്സ്പ്രസ് ക്രെഡിറ്റ് കാർഡ് ഉപയോഗിച്ചാൽ 10% ക്യാഷ്ബാക്ക് ലഭിക്കും. തിരഞ്ഞെടുത്ത ജിയോ പ്രീപെയ്ഡ് പ്ലാൻ വരിക്കാർക്ക് വൺപ്ലസ് 10 പ്രോ 5ജി വാങ്ങുമ്പോൾ 7,200 രൂപയുടെ ആനുകൂല്യങ്ങൾ ലഭിക്കും. ഡിവൈസ് വാങ്ങുമ്പോൾ റെഡ് കേബിൾ ലൈഫ് പ്ലാൻ 1,999 രൂപയ്ക്ക് ലഭിക്കും. 1 ടിബി ക്ലൗഡ് സ്റ്റോറേജ്, 12 മാസത്തെ വിപുലീകൃത വാറന്റി, 12 മാസത്തെ ആമസോൺ പ്രൈം അല്ലെങ്കിൽ സ്‌പോട്ടിഫൈ പ്രീമിയം സബ്‌സ്‌ക്രിപ്‌ഷൻ എന്നിവയടക്കമുള്ള ആനുകൂല്യങ്ങളും ഇതിലൂടെ ലഭിക്കും.

നാല് പിൻക്യാമറകളുള്ള ഇന്ത്യയിലെ മികച്ച സ്മാർട്ട്ഫോണുകൾനാല് പിൻക്യാമറകളുള്ള ഇന്ത്യയിലെ മികച്ച സ്മാർട്ട്ഫോണുകൾ

വൺപ്ലസ് 10 പ്രോ 5ജി: സവിശേഷതകൾ

വൺപ്ലസ് 10 പ്രോ 5ജി: സവിശേഷതകൾ

വൺപ്ലസ് 10 പ്രോ 5ജി സ്മാർട്ട്ഫോണിൽ മാറ്റ് ഫിനിഷുള്ള ഗ്ലാസും 3ഡി നാനോക്രിസ്റ്റലിൻ സെറാമിക് ലെൻസ് കവറുമാണ് ഉള്ളത്. മെറ്റൽ മിഡിൽ ഫ്രെയിം 3ഡി നാനോക്രിസ്റ്റലിൻ സെറാമിക് ഉപയോഗിച്ചാണ് നൽകിയിരിക്കുന്നത്. ഡിവൈസിൽ ഒരു എക്സ്-ആക്സിസ് ലീനിയർ മോട്ടോറും ഉണ്ട്. എന്നാൽ ഈ ഡിവൈസിൽ വാട്ടർ റസിസ്റ്റൻസിനുള്ള ഐപി68 റേറ്റിങ് ഇല്ല. 6.7 ഇഞ്ച് ക്യുഎച്ച്ഡി+ ഇ4 അമോലെഡ് കർവ്ഡ് സ്‌ക്രീനാണ് സ്മാർട്ട്ഫോണിൽ വൺപ്ലസ് നൽകിയിട്ടുള്ളത്. ഈ ഡിസ്പ്ലെയ്ക്ക് 3216 x 1440 പിക്സൽ റെസലൂഷൻ, വേരിയബിൾ 120Hz റിഫ്രഷ് റേറ്റ്, 1300 നിറ്റ്സ് വരെ ബ്രൈറ്റ്നസ് എന്നിവയെല്ലാം ഉണ്ട്. സെൽഫി ക്യാമറയ്ക്കായി പഞ്ച്-ഹോളും ഡിസ്പ്ലെയിലുണ്ട്.

ക്യാമറ

മൂന്ന് പിൻ ക്യാമറകളുമായിട്ടാണ് വൺപ്ലസ് 10 പ്രോ 5ജി വരുന്നത്. 48 എംപി പ്രൈമറി സോണി IMX789 സെൻസറും എഫ്/1.8 അപ്പേർച്ചറുള്ള ലെൻസുമാണ് ഇതിലുള്ളത്. ഒഐഎസ് സപ്പോർട്ടും ഈ പ്രൈമറി ക്യാമറയ്ക്ക് ഉണ്ട്. 50 എംപി 150-ഡിഗ്രി വൈഡ് ആംഗിൾ സാംസംഗ് JN1 സെക്കണ്ടറി സെൻസറും എഫ്/2.4 അപ്പർച്ചറും ഒഐഎസ് സപ്പോർട്ടും 3.3x ഒപ്റ്റിക്കൽ സൂമുമുള്ള 8 എംപി ടെർഷ്യറി ടെലിഫോട്ടോ ക്യാമറയുമാണ് ഈ ഹാസ്സൽബ്ലാഡ് ക്യാമറ സെറ്റപ്പിലെ മറ്റ് ക്യാമറകൾ. രണ്ടാം തലമുറ ഹാസൽബ്ലാഡ് പ്രോ മോഡ് എല്ലാ പിൻ ക്യാമറകളിൽ നിന്നും 12-ബിറ്റ് റോ ഫോട്ടോഗ്രാഫി സാധ്യമാക്കുന്നു. .32 എംപി സെൽഫി ക്യാമറ സെൻസറും ഡിവൈസിൽ ഉണ്ട്.

ബജറ്റ് വിപണി പിടിക്കാൻ റിയൽമി സി31 സ്മാർട്ട്ഫോൺ ഇന്ത്യയിലെത്തി, വില 8,999 രൂപ മുതൽബജറ്റ് വിപണി പിടിക്കാൻ റിയൽമി സി31 സ്മാർട്ട്ഫോൺ ഇന്ത്യയിലെത്തി, വില 8,999 രൂപ മുതൽ

കണക്റ്റിവിറ്റി

വൺപ്ലസ് 10 പ്രോ 5ജി സ്മാർട്ട്ഫോണിന് കരുത്ത് നൽകുന്ന 5ജി എസ്എ/എൻഎസ്എ സപ്പോർട്ടുള്ള സ്‌നാപ്ഡ്രാഗൺ 8 ജെൻ 1 പ്രോസസറാണ്. 5-ലെയർ 3ഡി പാസീവ് കൂളിംഗ് സിസ്റ്റവും ഈ ഡിവൈസിൽ ഉണ്ട്. 8ജിബി /12 ജിബി LPDDR5 റാമും 128 ജിബി /256 ജിബി UFS 3.1 സ്റ്റോറേജ് സ്‌പെയ്‌സുമാണ് ഈ ഡിവൈസിൽ വൺപ്ലസ് നൽകിയിട്ടുള്ളത്. ആൻഡ്രോയിഡ് 12 ബേസ്ഡ് ഓക്‌സിജൻ ഒഎസ് 12.1ലാണ് ഈ ഡിവൈസ് പ്രവർത്തിക്കുന്നത്.

കണക്റ്റിവിറ്റി

യുഎസ്ബി ടൈപ്പ്-സി പോർട്ട്, സ്റ്റീരിയോ സ്പീക്കറുകൾ, ഡോൾബി അറ്റ്‌മോസ്, വൈഫൈ 6 എന്നിങ്ങനെയുള്ള കണക്റ്റിവിറ്റി ഓപ്ഷനുകളാണ് വൺപ്ലസ് 10 പ്രോ 5ജി സ്മാർട്ട്ഫോണിൽ ഉള്ളത്. ഡ്യുവൽ-സെൽ 5000mAh ബാറ്ററിയുള്ള ഡിവൈസിൽ ഈ ബാറ്ററി വേഗത്തിൽ ചാർജ് ചെയ്യാനായി 80W സൂപ്പർ വൂക്ക് ഫാസ്റ്റ് ചാർജിങ് സപ്പോർട്ടും നൽകിയിട്ടുണ്ട്. 32 മിനിറ്റിനുള്ളിൽ സ്‌മാർട്ട്‌ഫോൺ 100% വരെ ചാർജ് ചെയ്യാൻ ഈ ഫാസ്റ്റ് ചാർജിങിന് സാധിക്കുമെന്നാണ് കമ്പനി അവകാശപ്പെടുന്നത്. 50W എയർവൂക്ക് വയർലെസ് ഫാസ്റ്റ് ചാർജിങ് സപ്പോർട്ടും ഡിവൈസിൽ ഉണ്ട്. റിവേഴ്സ് വയർലെസ് ചാർജിങും ഈ ഡിവൈസിലൂടെ സാധ്യമാകും.

വൺപ്ലസ് 9 5ജി, വൺപ്ലസ് 9 പ്രോ 5ജി എന്നിവയ്ക്ക് വില കുറച്ചു, നീക്കം വൺപ്ലസ് 10 പ്രോ 5ജി ലോഞ്ചിന് തൊട്ട് മുമ്പ്വൺപ്ലസ് 9 5ജി, വൺപ്ലസ് 9 പ്രോ 5ജി എന്നിവയ്ക്ക് വില കുറച്ചു, നീക്കം വൺപ്ലസ് 10 പ്രോ 5ജി ലോഞ്ചിന് തൊട്ട് മുമ്പ്

Best Mobiles in India

English summary
OnePlus 10 Pro 5G smartphone launched in India. Price of this new device starts at Rs 66,999. Sales of the phone will start on April 5th.

മികച്ച ഫോണുകൾ

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X