വൺപ്ലസ് 8, വൺപ്ലസ് 8 പ്രോ സ്മാർട്ട്ഫോണുകൾ ഇന്ന് വിൽപ്പനയ്ക്കെത്തും; വിലയും സവിശേഷതകളും

വൺപ്ലസിന്റെ പ്രൊഡക്ഷൻ യൂണിറ്റുകൾ പ്രവർത്തനം ആരംഭിച്ചുവെങ്കിലും സാവധാനം പഴയ നിലയിൽ പ്രവർത്തനം എത്തിക്കാനാണ് കമ്പനി പദ്ധതിയിടുന്നത്. അതുകൊണ്ട് തന്നെ ഈ ആഴ്ച്ചയിൽ രണ്ട് ദിവസം ഈ ഡിവൈസുകളുടെ വിൽപ്പന നടക്കും. ഇന്നും നാളെയുമായിട്ടാണ് ഈ വിൽപ്പന നടക്കുന്നത്. ആമസോൺ കൂടാതെ വൺപ്ലസിന്റെ ഔദ്യോഗിക വെബ്സൈറ്റ് വഴിയും വിൽപ്പന നടക്കുമെന്ന് കമ്പനി അറിയിച്ചിട്ടുണ്ട്.

വൺപ്ലസ് 8, 8 പ്രോ: വില

ഇന്ത്യയിൽ വൺപ്ലസ് 8 സ്മാർട്ട്ഫോണിന് 41,999 രൂപയാണ് വില. 6 ജിബി റാം 128 ജിബി സ്റ്റോറേജുമുള്ള ഡിവൈസിനാണ് ഈ വില. 8 ജിബി റാം + 128 ജിബി സ്റ്റോറേജ് മോഡലിന് 44,999 രൂപ വിലയുണ്ട്. വൺപ്ലസ് 8 പ്രോ സ്മാർട്ട്ഫോണിന്റെ 8 ജിബി + 128 ജിബി വേരിയന്റിന് 54,999 രൂപയാണ് വില. ടോപ്പ് എൻഡ് വേരിയന്റായ 12 ജിബി റാം + 256 ജിബി സ്റ്റോറേജ് മോഡലിന് 59,999 രൂപ വിലയുണ്ട്.

വൺപ്ലസ് 8, 8 പ്രോ: സെയിൽ ഓഫറുകൾ

വൺപ്ലസ് 8 സീരീസ് 3,000 രൂപ ഇൻസ്റ്റന്റ് ഡിസ്കൌണ്ട് ഓഫറുമായിട്ടാണ് വരുന്നത്. ഈ വിലക്കിഴിവ് എസ്‌ബി‌ഐ ക്രെഡിറ്റ് കാർഡ് ഉപയോഗിച്ച് ഡിവൈസ് വാങ്ങുന്നവർക്ക് മാത്രമേ ലഭിക്കുകയുള്ളു. മറ്റ് ചില ബാങ്ക് ഡെബിറ്റ്, ക്രെഡിറ്റ് കാർഡുകളിലൂടെ ഉപയോക്താക്കൾക്ക് 12 മാസം വരെ നോ കോസ്റ്റ് ഇഎംഐ ഓപ്ഷൻ ലഭിക്കും. ഈ ഇഎംഐ ഓപ്ഷൻ ആമസോണിലും വൺപ്ലസിന്റെ ഔദ്യോഗിക സൈറ്റിലും ലഭ്യമാണ്.

വൺപ്ലസ് 8 പ്രോ: സവിശേഷതകൾ

ക്വാൽകോം സ്‌നാപ്ഡ്രാഗൺ 865 പ്രോസസറിന്റെ കരുത്തിലാണ് വൺപ്ലസ് 8പ്രോ സ്മാർട്ട്ഫോൺ പ്രവർത്തിക്കുന്നത്. 5 ജി നെറ്റ്‌വർക്ക് കണക്റ്റിവിറ്റി വാഗ്ദാനം ചെയ്യുന്ന ഈ ഡിവൈസിൽ 12 ജിബി റാമും 256 ജിബി സ്റ്റോറേജ് കോൺഫിഗറേഷനും ഉണ്ട്. ഫോട്ടോഗ്രാഫിക്കായി 48 എംപി പ്രധാന സെൻസറിനൊപ്പം 8 എംപി സെൻസറും 2 എംപി സെൻസറും നൽകിയിട്ടുണ്ട്. സെൽഫികൾക്കും വീഡിയോ കോളിങിനുമായി പഞ്ച്-ഹോളിനുള്ളിൽ 16 എംപി സെൽഫി ക്യാമറയും ഉണ്ട്.

6.78 ഇഞ്ച് ഫ്ലൂയിഡ് അമോലെഡ് ഡിസ്പ്ലേയാണ് വൺപ്ലസ് 8 പ്രോയിൽ ഉള്ളത്. ആൻഡ്രോയിഡ് 10 OSനൊപ്പം കസ്റ്റം ഓക്‌സിജൻ ഒഎസുമായാണ് ഈ ഡിവൈസ് പുറത്തിറക്കിയിരിക്കുന്നത്. 30W വാർപ്പ് ചാർജ് സപ്പോർട്ടുള്ള 4,510mAh ബാറ്ററി യൂണിറ്റും ഡിവൈസിൽ ഉണ്ട്. ഇപ്പോൾ പുറത്ത് വന്ന വിൽപ്പന തിയ്യതി ഉറപ്പിക്കാൻ സാധിക്കാത്തതാണ്. ലീക്ക് റിപ്പോർട്ടുകൾ ശരിയാവണമെന്നില്ല. കമ്പനിയുടെ ഔദ്യോഗിക സ്ഥിരീകരണം ഉണ്ടാവുന്നതുവരെ ഇക്കാര്യം ഉറപ്പിക്കാൻ സാധിക്കില്ല.