വൺപ്ലസിന്റെ പുതിയ നോർഡ് സിഇ 5ജി സ്മാർട്ട്ഫോൺ പുറത്തിറങ്ങുക കിടിലൻ ഫീച്ചറുകളുമായി

വൺപ്ലസ് നോർഡ് സിഇ 5ജി: പ്രതീക്ഷിക്കുന്ന സവിശേഷതകൾ

സ്‌നാപ്ഡ്രാഗൺ 750ജി പ്രോസസറായിരിക്കും വൺപ്ലസ് എസ്ഇ 5ജി സ്മാർട്ട്ഫോണിന് കരുത്ത് നൽകുന്നത് എന്നാണ് പുതുതായി പുറത്ത് വന്ന ലീക്ക് റിപ്പോർട്ടിൽ പറയുന്നത്. ആൻഡ്രോയിഡ് സെൻട്രലാണ് ഈ റിപ്പോർട്ട് പുറത്ത് വിട്ടിരിക്കുന്നത്. ഈ മിഡ് റേഞ്ച് ക്വാൽകോം പ്രോസസർ 8nm പ്രോസസ്സിൽ ബിൾഡ് ചെയ്യുകയും 5ജി മോഡം സംയോജിപ്പിക്കുകയും ചെയ്യുന്നു. അടുത്തിടെ പുറത്തിറങ്ങിയ ജനപ്രിയ മിഡ് ടയർ സ്മാർട്ട്‌ഫോണുകളായ ഷവോമി എംഐ 10ഐ, ഗാലക്‌സി എ52 എന്നിവയിലും ഇതേ പ്രോസസറാണ് ഉണ്ടായിരുന്നത്.

വൺപ്ലസ് നോർഡ് സിഇ 5ജി യുടെ ക്യാമറ സവിശേഷതകളും പുതിയ ലീക്ക് റിപ്പോർട്ടിൽ വ്യക്തമാക്കുന്നുണ്ട്. ട്രിപ്പിൾ റിയർ ക്യാമറ സെറ്റപ്പുമായിട്ടായിരിക്കും ഈ ഡിവൈസ് വിപണിയിലെത്തുന്നത്. ഇതിൽ 64 എംപി പ്രൈമറി ക്യാമറയയും ഉണ്ടായിരിക്കും. ഇതിനൊപ്പം ഉള്ള മറ്റ് രണ്ട് പ്രോസസറുകളുടെയും വിവരങ്ങൾ ഇതുവരെ വ്യക്തമായിട്ടില്ല. വൺപ്ലസ് തങ്ങളുടെ ഡിവൈസുകളുടെ ക്യാമറ സെറ്റപ്പിന് പ്രാധാന്യം കൊടുക്കാറുണ്ട് എന്നതിനാൽ രണ്ട് മികച്ച സെൻസറുകളും നിരവധി ഫീച്ചറുകളുള്ള ക്യാമറ ആപ്പും ഉണ്ടായിരിക്കും.

ക്യാമറയ്ക്കും പ്രോസസറിനും പുറമേ വൺപ്ലസ് നോർഡ് സിഇ 5ജിയുടെ ഡിസ്പ്ലേയെ കുറിച്ചുള്ള സൂചനകളും ലീക്ക് റിപ്പോർട്ടിൽ ഉണ്ട്. ആദ്യ തലമുറ മോഡലായ അമോലെഡ് പാനലിലേക്ക് തിരികെ പോകാൻ മാറാൻ കമ്പനി ആഗ്രഹിക്കുന്നുവെന്നും ഈ പാനലിന് 6.43 ഇഞ്ച് വലിപ്പം ഉണ്ടായിരിക്കും എന്നുമാണ് റിപ്പോർട്ടുകൾ. 90Hz റിഫ്രഷ് റേറ്റ് ഡിസ്പ്ലെയാണ് ഇത്. ഈ ഡിസ്പ്ലെയ്ക്ക് എഫ്എച്ച്ഡി+ റെസല്യൂഷനും ഉണ്ടായിരിക്കും. മറ്റ് ഹാർഡ്വെയർ ഫീച്ചറുകളൊന്നും ഇതുവരെ വ്യക്തമായിട്ടില്ല.

ഫാസ്റ്റ് ചാർജിങ് സപ്പോർട്ട് ചെയ്യുന്ന ബാറ്ററിയും ഉയർന്ന ശേഷിയുള്ള റാമും സ്റ്റോറേജും ഈ ഡിവൈസിൽ ഉണ്ടായിരിക്കും എന്ന് പ്രതീക്ഷിക്കാം. ആൻഡ്രോയിഡ് 11 ബേസ്ഡ് ഓക്‌സിജൻ ഒഎസിൽ ഈ ഡിവൈസ് പ്രവർത്തിക്കും. വൺപ്ലസ് നോർഡ് സിഇ 5ജിയുടെ വിലയുമായി ബന്ധപ്പെട്ട ചില വിവരങ്ങൾ അടുത്തിടെ പുറത്ത് വന്നിരുന്നു. ഈ റിപ്പോർട്ട് അനുസരിച്ച് ഈ ഡിവൈസ് 20,000 രൂപയോട് അടുത്ത വിലയിൽ ആയിരിക്കും പുറത്തിറങ്ങുക. ഇത് ശരിയാണെങ്കിൽ കമ്പനിയുടെ ഏറ്റവും വിലകുറഞ്ഞ 5ജി സ്മാർട്ട്‌ഫോണായി നോർഡ് സിഇ 5ജി മാറും.

മറ്റ് കമ്പനികളുടെ വില കുറഞ്ഞ 5ജി സ്മാർട്ട്ഫോണുകളുമായി താരതമ്യപ്പെടുത്തുമ്പോൾ ഏറ്റവും കുറഞ്ഞ വില കുറഞ്ഞ ഡിവൈസ് ആയിരിക്കും വൺപ്ലസ് നോർഡ് സിഇ ജി എന്ന് പറയാൻഅ സാധിക്കില്ല. വില കുറഞ്ഞ 5ജി ഫോണുകൾ എന്ന ആശയത്തിലേക്ക് കൂടുതൽ ബ്രാന്റുകൾ കടന്നുവരുന്ന കാലമാണ് ഇത്. വൺപ്ലസിന്റെ ഈ ഡിവൈസ് ബ്രാന്റിനെ സംബന്ധിച്ച് പുതിയ ചുവടുവെപ്പാകുന്നതും അതുകൊണ്ട് തന്നെയാണ്.