വൺപ്ലസ് നോർഡ് സ്മാർട്ട്ഫോണിന്റെ ഫ്ലാഷ് സെയിൽ നാളെ ഉച്ചയ്ക്ക് 1 മണിക്ക് ആമസോണിൽ

വൺപ്ലസ് നോർഡ് സ്മാർട്ട്ഫോണിന്റെ ബേസ് വേരിയന്റായ 6ജിബി റാം മോഡലിന് 24,999 രൂപയാണ് വില. ഈ വേരിയന്റ് ഇതുവരെ വിൽപ്പനയ്ക്ക് എത്തിയിട്ടില്ല. അടുത്ത മാസം മാത്രമേ ഈ ഡിവൈസിന്റെ വിൽപ്പന ആരംഭിക്കുകയുള്ളു. വൺപ്ലസ് നോർഡിന്റെ 8 ജിബി റാം വേരിയൻറിന് 27,999 രൂപയാണ് വില. 12 ജിബി റാമുള്ള ടോപ്പ് എൻഡ് വേരിയന്റിന് 29,999 രൂപ വിലയുണ്ട്. ഈ ഡിവൈസ് ബ്ലൂ, ബ്ലാക്ക് നിറങ്ങളിൽ ലഭ്യമാണ്. നാളെ ഉച്ചയ്ക്ക് 1 മണിക്ക് ആമസോൺ വഴിയാണ് ഡിവൈസിന്റെ ഫ്ലാഷ് സെയിൽ നടക്കുന്നത്.

വൺപ്ലസ് നോർഡ്: സവിശേഷതകൾ

90 ഹെർട്സ് റിഫ്രഷ് റേറ്റ്, 20: 9 അസ്പക്ട് റേഷിയോ, കോർണിംഗ് ഗോറില്ല ഗ്ലാസ് 5 പ്രോട്ടക്ഷൻ എന്നിവുള്ള 6.44 ഇഞ്ച് ഫുൾ എച്ച്ഡി + അമോലെഡ് ഡിസ്‌പ്ലേയാണ് വൺപ്ലസ് നോർഡിൽ കമ്പനി നൽകിയിട്ടുള്ളത്. ആൻഡ്രോയിഡ് 10 ബേസ്ഡ് ഓക്സിജൻ ഒ.എസ് 10.5ലാണ് ഡിവൈസ് പ്രവർത്തിക്കുന്നത്. ക്വാൽകോമിന്റെ 700 സീരീസ് പ്രോസസറുകളിൽ ഏറ്റവും കരുത്തനായ ക്വാൽകോം സ്‌നാപ്ഡ്രാഗൺ 765 ജി 5ജി SoCയിലാണ് ഈ സ്മാർട്ട്ഫോൺ പ്രവർത്തിക്കുന്നത്.

കരുത്തൻ പ്രോസസറിനൊപ്പം 12 ജിബി വരെ റാം, 256 ജിബി ഇന്റേണൽ സ്റ്റോറേജ് എന്നിവയും ഡിവൈസിൽ ഉണ്ട്. സ്റ്റോറേജ് എക്സ്പാൻഡ് ചെയ്യാനായി മൈക്രോ എസ്ഡി കാർഡ് സ്ലോട്ടോ ഇയർഫോണിനുള്ള ഹെഡ്‌ഫോൺ ജാക്കോ ഈ സ്മാർട്ട്ഫോണിൽ നൽകിയിട്ടില്ല. 4,115 mAh ബാറ്ററിയാണ് വൺപ്ലസ് നോർഡിൽ നൽകിയിട്ടുള്ളത്. വാർപ്പ് ചാർജ് 30ടി സപ്പോർട്ടും ഈ ഡിവൈസിന് ഉണ്ട്. യുഎസ്ബി ടൈപ്പ്-സി പോർട്ടാണ് ചാർജിങിനായി വൺപ്ലസ് നൽകിയിട്ടുള്ളത്.

വൺപ്ലസ് നോർഡിൽ 48 മെഗാപിക്സൽ പ്രൈമറി ക്യാമറയാണ് ഉള്ളത്. ഇത് സോണി ഐഎംഎക്സ് 586 സെൻസറാണ്. 8 മെഗാപിക്സൽ അൾട്രാ വൈഡ് ആംഗിൾ ലെൻസും 2 മെഗാപിക്സൽ മാക്രോ സെൻസറും 5 മെഗാപിക്സൽ ഡെപ്ത് സെൻസറും അടങ്ങുന്ന ക്വാഡ് ക്യാമറയാണ് ഡിവൈസിലുള്ളത്. ഡ്യുവൽ എൽഇഡി ഫ്ലാഷും ഈ ക്യാമറ സെറ്റപ്പിനൊപ്പം കമ്പനി നൽകിയിട്ടുണ്ട്.

മുൻവശത്ത് സോണി ഐഎംഎക്സ് 616 സെൻസറുള്ള 32 മെഗാപിക്സൽ പ്രൈമറി സെൽഫി ക്യാമറയാണ് ഉള്ളത്. ഇതിനൊപ്പം 8 മെഗാപിക്സൽ അൾട്രാ വൈഡ് സെൻസറുമുള്ള ക്യാമറയും നൽയിട്ടുണ്ട്. ഈ ഡിവൈസിന്റെ പിൻ പാനൽ ഗ്ലാസ് ഉപയോഗിച്ചാണ് നിർമ്മിച്ചിരിക്കുന്നത്. ഫോണിന്റെ ഫ്രെയിം മുഴുവനും പ്ലാസ്റ്റിക്കിലാണ് നിർമ്മിച്ചിരിക്കുന്നത്.