ക്വാഡ് റിയർ ക്യാമറ സെറ്റപ്പുമായി ഓപ്പോ A52 ഇന്ത്യയിലെത്തി; വില, സവിശേഷതകൾ

ഓപ്പോ A52വിന്റെ ഏറ്റവും വലിയ സവിശേഷത നാല് ക്യാമറകളുള്ള ക്യാമറ സെറ്റപ്പാണ്. പഞ്ച് ഹോൾ-പഞ്ച് കട്ടൌട്ടിൽ മികച്ചൊരു സെൽറഫി ഷൂട്ടറും നൽകിയിട്ടുണ്ട്. 18W ഫാസ്റ്റ് ചാർജിംഗ് സപ്പോർട്ടുള്ള 5,000 എംഎഎച്ച് ബാറ്ററിയും ഡിവൈസിൽ ഉണ്ട്. ഒക്ടാ കോർ ക്വാൽകോം സ്‌നാപ്ഡ്രാഗൺ 665 SoCയുടെ കരുത്തിലാണ് ഈ ഡിവൈസ് പ്രവർത്തിക്കുന്നത്.

ഓപ്പോ A52: വില, ലഭ്യത

ഇന്ത്യയിലെ ഓപ്പോ A52 സ്മാർട്ട്ഫോണിന്റെ 6 ജിബി + 128 ജിബി സ്റ്റോറേജ് മോഡലിന് ഇന്ത്യയിൽ 16,990 രൂപയാണ് വില. ട്വിലൈറ്റ് ബ്ലാക്ക്, സ്ട്രീം വൈറ്റ് കളർ ഓപ്ഷനുകളിൽ ഈ സ്മാർട്ട്ഫോൺ ലഭ്യമാകും. പ്രധാനപ്പെട്ട ഓൺലൈൻ, ഓഫ്‌ലൈൻ റീട്ടെയിലർമാർ വഴി ജൂൺ 17 മുതൽ ഡിവൈസ് വിൽപ്പനയ്‌ക്കെത്തും. സ്മാർട്ട്ഫോൺ വാങ്ങാൻ ആഗ്രഹിക്കുന്ന ഉപഭോക്താക്കൾക്കായി മികച്ച ഇഎംഐയും ഓപ്ഷനുകൾ ലഭ്യമാകും.

ഓപ്പോ A52: ഓഫറുകൾ

ഓപ്പോ A52 സ്മാർട്ട്ഫോൺ വാങ്ങുമ്പോൾ ബാങ്ക് ഓഫ് ബറോഡ ക്രെഡിറ്റ് കാർഡ് ഉപയോഗിക്കുന്ന ഉപഭോക്താക്കൾക്ക് അഞ്ച് ശതമാനം ക്യാഷ്ബാക്ക് ലഭിക്കും. 4 ജിബി + 128 ജിബി, 8 ജിബി + 128 ജിബി സ്റ്റോറേജ് വേരിയന്റുകളിലാണ് ഈ ഡിവൈസ് ഇന്ത്യയിൽ ലഭ്യമാവുന്നത്. ഈ സ്റ്റോറേജ് വേരിയന്റുകളുടെ വിലയും അവ എപ്പോൾ മുതൽ വിൽപ്പനയ്ക്ക് എത്തുമെന്ന കാര്യവും കമ്പനി ഇതുവരെ വ്യക്തമാക്കിയിട്ടില്ല.

ഓപ്പോ A52: സവിശേഷതകൾ

ആൻഡ്രോയിഡ് 10 അടിസ്ഥാനമാക്കി കളർ OS 7.1ലാണ് ഓപ്പോ A52 സ്മാർട്ട്ഫോൺ പ്രവർത്തിക്കുന്നത്. 6.5 ഇഞ്ച് (1,080x2,400 പിക്സൽ) ഡിസ്പ്ലേയാണ് ഡിവൈസിനുള്ളത്. ഈ ഡിസ്പ്ലെയ്ക്ക് 90.5 ശതമാനം സ്‌ക്രീൻ-ടു-ബോഡി റേഷിയോയുണ്ട്. 8 ജിബി റാമുമായി ജോടിയാക്കിയ ഒക്ടാ കോർ ക്വാൽകോം സ്‌നാപ്ഡ്രാഗൺ 665 SoCയുടെ കരുത്തിലാണ് ഈ ഡിവൈസ് പ്രവർത്തിക്കുന്നത്. 128 ജിബി ഇൻബിൽറ്റ് സ്റ്റോറേജിനൊപ്പം മൈക്രോ എസ്ഡി കാർഡ് വഴി (256 ജിബി വരെ) വികസിപ്പിക്കാനുള്ള സംവിധാനവും.

ക്യാമറകളുടെ കാര്യം പരിശോധിച്ചാൽ ഡിവൈസിൽ ക്വാഡ് റിയർ ക്യാമറ സെറ്റപ്പാണ് ഉള്ളത്. ഈ ക്യാമറ സെറ്റപ്പിൽ 12 മെഗാപിക്സൽ മെയിൻ സെൻസറും അൾട്രാ വൈഡ് ലെൻസുള്ള 8 മെഗാപിക്സൽ സെക്കൻഡറി സെൻസറും ഉണ്ട്. ചതുരാകൃതിയിലുള്ള പിൻ ക്യാമറ മൊഡ്യൂളിലെ മറ്റ് രണ്ട് സെൻസറുകൾ 2 മെഗാപിക്സലാണ്. സെൽഫികൾക്കും വീഡിയോ കോളിംഗിനുമായി ഓപ്പോ എ52 8 മെഗാപിക്സൽ ക്യാമറയുമായാണ് വരുന്നത്.

ഫോണിലെ കണക്റ്റിവിറ്റി ഓപ്ഷനുകൾ പരിശോധിച്ചാൽ, വൈ-ഫൈ, എൽടിഇ, ബ്ലൂടൂത്ത്, 3.5 എംഎം ഹെഡ്‌ഫോൺ ജാക്ക്, ചാർജ്ജിംഗിനായി യുഎസ്ബി ടൈപ്പ്-സി പോർട്ട് എന്നിവ നൽകിയിട്ടുണ്ട്. 18W ഫാസ്റ്റ് ചാർജിംഗ് സപ്പോർട്ടുള്ള 5,000 എംഎഎച്ച് ബാറ്ററിയാണ് ഓപ്പോ എ52വിൽ നൽകിയിട്ടുള്ളത്. ഫോണിന് 192 ഗ്രാം ഭാരമാണ് ഉള്ളത്.