ഓപ്പോ റെനോ 3A സ്മാർട്ട്ഫോൺ വിപണിയിലെത്തി; വിലയും സവിശേഷതകളും

ഓപ്പോ റെനോ 3A: സവിശേഷതകൾ

6.44 ഇഞ്ച് അമോലെഡ് പാനലാണ് ഓപ്പോ റെനോ 3A സ്മാർട്ട്ഫോണിൽ ഉള്ളത്. ഈ ഡിസ്‌പ്ലേ 1080 x 2400 പിക്‌സൽ എഫ്‌എച്ച്‌ഡി + റെസലൂഷൻ നൽകുന്നു. കോർണിംഗ് ഗോറില്ല ഗ്ലാസ് 5 പ്രോട്ടക്ഷനും ഇതിൽ നൽകിയിട്ടുണ്ട്. യു-ആകൃതിയിലുള്ള നോച്ച് അപ്‌ഫ്രണ്ടും ഡിവൈസിന്റെ സവിശേഷതയാണ്. സെൽഫികൾക്കായി എഫ് / 2.0 അപ്പർച്ചറുള്ള 16 എംപി സെൻസറും നോച്ചിൽ നൽകിയിട്ടുണ്ട്.

എഫ് / 1.7 അപ്പേർച്ചറുള്ള 48 എംപി പ്രൈമറി ലെൻസ് അടങ്ങുന്ന ക്വാഡ് റിയർ ക്യാമറ സെറ്റപ്പാണ് ഓപ്പോ റെനോ 3A സ്മാർട്ട്ഫോണിൽ ഉള്ളത്. ഈ ക്യാമറ സെറ്റപ്പിൽ വൈഡ് ആംഗിൾ ഷോട്ടുകൾക്കായി 8എംപി സെൻസർ, എഫ് / 2.4 അപ്പേർച്ചറുള്ള 2 എംപി ഡെപ്ത് സെൻസർ, എഫ് / 2.0 അപ്പർച്ചർ ഉള്ള 2 എംപി സെൻസർ എന്നിവയാണ് കമ്പനി ഉൾപ്പെടുത്തിയിരിക്കുന്നത്.

ഓപ്പോ റെനോ 3A സ്മാർട്ട്ഫോണിന് കരുത്ത് നൽകുന്നത് ക്വാൽകോം സ്‌നാപ്ഡ്രാഗൺ 665 SoCയാണ്. 6 ജിബി റാമും 128 ജിബി സ്റ്റോറേജ് കോൺഫിഗറേഷനുമായാണ് ഈ ഡിവൈസ് ഓപ്പോ പുറത്തിറക്കിയിരിക്കുന്നത്. 256 ജിബി വരെ മൈക്രോ എസ്ഡി കാർഡ് ഉപയോഗിച്ച് മെമ്മറി എക്സ്പാൻഡ് ചെയ്യാനുള്ള സംവിധാനവും ഈ സ്മാർട്ട്ഫോണിലുണ്ട്.

ഓപ്പോ റെനോ 3A സ്മാർട്ട്ഫോണിന്റെ കണക്റ്റിവിറ്റി വശങ്ങൾ പരിശോധിച്ചാൽ, ഡിവൈസിൽ യുഎസ്ബി ടൈപ്പ്-സി പോർട്ടാണ് നൽകിയിരിക്കുന്നത്. എൻ‌എഫ്‌സി, 4 ജി എൽ‌ടിഇ, ഡ്യുവൽ-ബാൻഡ് വൈ-ഫൈ, ബ്ലൂടൂത്ത് എന്നിവയും ഡിവൈസിൽ ഉണ്ട്. ഫാസ്റ്റ് ചാർജ് സാങ്കേതികവിദ്യ സപ്പോർട്ട് ചെയ്യുന്ന 4,025 mAh ബാറ്ററിയാണ് ഈ സ്മാർട്ട്ഫോണിൽ നൽകിയിട്ടുള്ളത്.

ഓപ്പോ റെനോ 3A സ്മാർട്ട്ഫോൺ ജപ്പാനിലാണ് ഇപ്പോൾ പുറത്തിറക്കിയിരിക്കുന്നത്. ഈ ഡിവൈസിന് ജപ്പാനിലെ ജെപിവൈ 39,800 ആണ് വില. ഇത് ഏകദേശം 28,287 ഇന്ത്യൻ രൂപ വരും. ജപ്പാനിൽ ജൂൺ 25 മുതൽ ഈ ഡിവൈസ് വിൽപ്പനയ്ക്കെത്തും. ബ്ലാക്ക് ആൻഡ് വൈറ്റ് കളർ ഓപ്ഷനിലായിരിക്കും ഈ വിൽപ്പന നടക്കുന്നത്. ഇന്ത്യയുൾപ്പെടെ ആഗോള വിപണിയിൽ ഈ ഡിവൈസ് എപ്പോൾ പുറത്തിറക്കുമെന്ന് ഓപ്പോ ഇതുവരെ അറിയിച്ചിട്ടില്ല.