പ്രീമിയം സവിശേഷതകളുള്ള ഓപ്പോ റെനോ 6 സീരീസ് മെയ് 27 ന് അവതരിപ്പിക്കും

ഓപ്പോ റെനോ 6 സീരീസ് സ്മാർട്ഫോണുകളെ കുറിച്ച് ഇതുവരെ അറിയാവുന്ന കാര്യങ്ങൾ

ടിപ്‌സ്റ്റർ അഭിഷേക് യാദവ് പങ്കിട്ട തത്സമയ ചിത്രങ്ങളിലൂടെയാണ് ഈ സ്റ്റാൻഡേർഡ് മോഡലിൻറെ രൂപകൽപ്പന അടുത്തിടെ വെളിപ്പെടുത്തിയിരിക്കുന്നത്. ഓപ്പോ റെനോ 6 മുകളിൽ ഇടത് കോണിലായി ഒരു പഞ്ച്-ഹോൾ കട്ട്ഔട്ട് കാണിക്കുന്നുണ്ട്. കൂടാതെ, ചോർന്ന ചിത്രങ്ങൾ അതിൻറെ മുൻഗാമികളിൽ ഫീച്ചർ ചെയ്തിരിക്കുന്ന വളഞ്ഞ അരികുകൾക്ക് പകരം വശങ്ങളിൽ ഐഫോൺ പോലുള്ള ബോക്സ് രൂപകൽപ്പന നൽകിയിരിക്കുന്നതായി പറയുന്നു. ഈ സ്മാർട്ഫോണിൻറെ മുൻവശത്ത് 6.43 ഇഞ്ച് ഡിസ്‌പ്ലേ ലഭിക്കുമെന്നും മീഡിയടെക് ഡൈമെൻസിറ്റി 900 ചിപ്‌സെറ്റിൽ പ്രവർത്തിക്കുമെന്നും വിശ്വസിക്കപ്പെടുന്നു.

ഡ്യൂവൽ 2,100 എംഎഎച്ച് ബാറ്ററി, 64 എംപി പ്രൈമറി ക്യാമറ, 32 എംപി മുൻ ക്യാമറ എന്നിവ മറ്റ് സവിശേഷതകളിൽ ഉൾപ്പെടാം. മറുവശത്ത്, റെനോ 6 പ്രോ, റെനോ 6 പ്രോ + എന്നിവയ്ക്ക് 6.43 ഇഞ്ച് ഒ‌എൽ‌ഇഡി ഡിസ്‌പ്ലേ ഉണ്ടെന്ന് അഭ്യൂഹമുണ്ട്. പ്രോ ഡൈമെൻസിറ്റി 1200 SoC പ്രോസസറിൽ പ്രവർത്തിപ്പിക്കുമെന്നാണ് പറയപ്പെടുന്നത്. റെനോ 6 പ്രോ + സ്നാപ്ഡ്രാഗൺ 870 ചിപ്‌സെറ്റിൽ പ്രവർത്തിച്ചേക്കുമെന്ന് പറയുന്നു. ഈ രണ്ട് ഡിവൈസുകളും 4,500 എംഎഎച്ച് ബാറ്ററി യൂണിറ്റാണ്, കൂടാതെ എല്ലാ സ്മാർട്ട്‌ഫോണുകളിലും 65W ഫാസ്റ്റ് ചാർജിംഗ് ടെക്നോളജി സപ്പോർട്ട് ചെയ്യുമെന്ന് മുൻകാല അഭ്യൂഹങ്ങൾ അഭിപ്രായപ്പെട്ടിരുന്നു.

കളർ ഒഎസ് 11 സ്കിൻ ഉപയോഗിച്ച് ആൻഡ്രോയിഡ് 11 ഓപ്പറേറ്റിംഗ് സിസ്റ്റത്തിൽ ഈ സ്മാർട്ഫോണുകൾ പ്രവർത്തിക്കും. കൂടാതെ, ഈ സ്മാർട്ട്‌ഫോണുകൾ 8 ജിബി / 12 ജിബി റാമിലും 128 ജിബി / 256 ജിബി ഓൺബോർഡ് സ്റ്റോറേജിലും വരുന്നു. മറ്റ് വിശദാംശങ്ങൾ ഇതുവരെ കമ്പനി വ്യക്തമാക്കിയിട്ടില്ല. വരും ദിവസങ്ങളിൽ ഈ സ്മാർട്ഫോണുകളെ കുറിച്ച് കൂടുതൽ കാര്യങ്ങൾ ലഭിക്കുമെന്ന് പ്രതീക്ഷിക്കാം. വിലയെ കുറിച്ചുള്ള വിശദാംശങ്ങൾ ഇപ്പോഴും പൂർണമായി ലഭ്യമായിട്ടില്ല. പ്രീവിയസ് ജനറേഷൻ സീരീസ് പരിശോധിക്കുമ്പോൾ സ്റ്റാൻഡേർഡ് മോഡൽ മിഡ് റേഞ്ച് സെഗ്മെന്റ് വിഭാഗത്തിൽ ഈ സ്മാർട്ഫോണുകൾ വരുമെന്ന് പ്രതീക്ഷിക്കാം, കൂടാതെ റെനോ 6 പ്രോ + ഈ ലൈനപ്പിൽ വരുന്ന ടോപ്പ് എൻഡ് മോഡലാകാം.

ചൈനീസ് ലോഞ്ചിന് ശേഷം ഈ സീരീസ് ഇന്ത്യയിലും എത്തുമെന്ന് വിശ്വസിക്കപ്പെടുന്നു. എന്നാൽ, എല്ലാ മോഡലുകളും രാജ്യത്ത് അവതരിപ്പിക്കുമോ ഇല്ലയോ എന്ന കാര്യം ഇതുവരെ വ്യക്തമല്ല. പ്രീവിയസ് ജനറേഷൻ സീരീസിൽ നിന്നും ഈ ബ്രാൻഡ് ഇന്ത്യയിൽ റെനോ 5 പ്രോ മോഡൽ മാത്രമാണ് അവതരിപ്പിച്ചത്. ചോർന്ന ചിത്രങ്ങൾ ഒരു ഐഫോൺ പോലുള്ള ഡിസൈൻ കാണിക്കുമ്പോൾ, ഓപ്പോ മറ്റൊരു ഡിസൈൻ ചിലപ്പോൾ സ്വീകരിച്ചേക്കാം.