ഓപ്പോ റെനോ സീരിസിലേക്ക് പുതിയൊരു ഡിവൈസ് കൂടി, റെനോ 6Z സ്മാർട്ട്ഫോൺ അവതരിപ്പിച്ചു

ഓപ്പോ റെനോ 6Z സ്മാർട്ട്ഫോണിന്റെ പിൻഭാഗത്ത് റെനോ ഗ്ലോ ഡിസൈനാണ് നൽകിയിട്ടുള്ളത്. ഹൈ എൻഡ് മോഡലുകളിലുള്ളതിന് സമാനമായ ഡിസൈനാണ് ഇത്. ഈ ഡിവൈസ് ഉപയോഗിച്ചിരിക്കുന്ന നിർമ്മാണ പ്രക്രിയയിൽ എജി ഗ്ലാസ് കണികകൾ ഉപയോഗിക്കുന്നു. ഫോണിന്റെ പുറകിൽ ഒരു മാറ്റ് ഫിനിഷും തിളങ്ങുന്ന രൂപവുമുണ്ട്. ഓപ്പോ റെനോ 6Z രണ്ട് നിറങ്ങളിൽ ലഭ്യമാകും. സ്റ്റെല്ലാർ ബ്ലാക്ക്, അറോറ എന്നിവയാണ് ഈ നിറങ്ങൾ. ഇത് റെനോ 6 പ്രോ 5ജിക്ക് സമാനമാണ്.

ഇന്ത്യയിലെ മികച്ച സെൽഫി ക്യാമറകളുള്ള സ്മാർട്ട്ഫോണുകൾ

ഓപ്പോ റെനോ 6Z: വില

ഓപ്പോ റെനോ 6Z സ്മാർട്ട്ഫോണിന്റെ വില ഇതുവരെ ഔദ്യോഗികമായി പ്രഖ്യാപിച്ചിട്ടില്ല, പക്ഷേ വിയറ്റ്നാമിലെ വെബ്‌സൈറ്റിൽ റെനോ 6Z സ്മാർട്ട്ഫോണിന് വിഎൻഡി 9,490,000 ആണ് വില. ഇത് ഇന്ത്യൻ കറൻസിയിൽ ഏകദേശം 30,800 രൂപയോളം ആണ്. ഈ സ്മാർട്ട്ഫോൺ ഇന്ത്യയിലേക്കോ മറ്റ് വിപണികളിലേക്കോ എത്തിക്കുന്നതിനെ കുറിച്ചുള്ള സൂചനകൾ ഒന്നും തന്നെ ഇതുവരെ ഓപ്പോ നൽകിയിട്ടില്ല എന്നതും ശ്രദ്ധേയമാണ്.

ഓപ്പോ റെനോ 6Z: സവിശേഷതകൾ

ഓപ്പോ റെനോ 6Z എന്നത് ഒരു മിഡ് റേഞ്ച് ഫോണാണ്. ഇതിന്റെ സവിശേഷതകൾ സാധാരണ റെനോ 6 നെക്കാൾ കുറവാണ്. 6.4 ഇഞ്ച് ഫുൾ-എച്ച്ഡി + അമോലെഡ് ഡിസ്പ്ലേയാണ് ഈ ഡിവൈസിൽ ഉള്ളത്. 800 നിറ്റ് പീക്ക് ബ്രൈറ്റ്നസും 20: 9 അസ്പാക്ട് റേഷിയോവും ഉള്ള ഡിസ്പ്ലെയാണ് ഇത്. മികച്ച റിഫ്രഷ് റേറ്റ് സപ്പോർട്ടില്ലാത്ത ഡിസ്പ്ലെയിൽ 60Hzൽ മാത്രമാണ് വിഷ്യൽ കാണാൻ സാധിക്കുന്നത്. ആണ്. ഡിസ്പ്ലേയിൽ ഒപ്റ്റിക്കൽ ഫിംഗർപ്രിന്റ് സെൻസറും മുകളിലായി ഒരു പഞ്ച്-ഹോളും നൽകിയിട്ടുണ്ട്.

കുട്ടികൾക്ക് ഓൺലൈൻ ക്ലാസിനായി വാങ്ങാവുന്ന 5,000 രൂപയിൽ താഴെ വിലയുള്ള മികച്ച സ്മാർട്ട്ഫോണുകൾ

ഫോൺ മീഡിയടെക് ഡൈമെൻസിറ്റി 800U പ്രോസസറിന്റെ കരുത്തിലാണ് പ്രവർത്തിക്കുന്നത്. റെനോ 6ൽ ഡൈമെൻസിറ്റി 900, റെനോ 6 പ്രോ 5ജിയിൽ ഡൈമെൻസിറ്റി 1200 എന്നീ ചിപ്പ്സെറ്റുകളാണ് ഉള്ളത്. ഇതുമായി താരതമ്യപ്പെടുത്തുമ്പോൾ ഓപ്പോ റെനോ 6Zൽ ഉള്ള പ്രോസസർ വളരെ പിന്നിലാണ്. ഫോണിൽ 8 ജിബി റാം ഉണ്ടെങ്കിലും വെർച്വൽ വിപുലീകരണത്തിലൂടെ നിങ്ങൾക്ക് 5 ജിബി കൂടുതൽ റാം ലഭിക്കും. പെർഫോമൻസ് വർദ്ധിപ്പിക്കുന്നതിന് നിങ്ങളുടെ ഫോണിന്റെ ഇന്റേണൽ സ്റ്റോറേജിന്റെ ഒരു ഭാഗം താല്കാലികമായ റാം ആക്കി മാറ്റുന്ന പ്രക്രീയയാണ് ഓപ്പോ റെനോ 6Zൽ ഉള്ളത്. 128 ജിബി ഇന്റേണൽ സ്റ്റോറേജാണ് ഈ ഡിവൈസിൽ ഉള്ളത്. മൈക്രോ എസ്ഡി കാർഡ് വഴി സ്റ്റോറേജ് എക്സ്പാൻഡ് ചെയ്യാനും സാധിക്കും.

സെൽഫികൾക്കും വീഡിയോ കോളുകൾക്കുമായി 32 മെഗാപിക്സൽ ക്യാമറയാണ് ഈ ഡിവൈസിൽ നൽകിയിട്ടുള്ളത്. 1080p 30fps വരെ വീഡിയോ റെക്കോർഡിങ് സപ്പോർട്ട് ചെയ്യുന്ന ക്യാമറയാണ് ഇത്. 64 മെഗാപിക്സൽ പ്രൈമറി ക്യാമറ, 8 മെഗാപിക്സൽ അൾട്രാ-വൈഡ് ആംഗിൾ ക്യാമറ, 119 ഡിഗ്രി ഫീൽഡ് വ്യൂ, മാക്രോ ഫോട്ടോഗ്രഫിക്ക് 2 മെഗാപിക്സൽ ക്യാമറ എന്നിവയുള്ള പിൻ ക്യാമറ സെറ്റപ്പും ഡിവൈസിൽ ഉണ്ട്. ഫോണിൽ 4310 എംഎഎച്ച് ബാറ്ററിയാണ് ഉള്ളത്. 30W വരെ ഫാസ്റ്റ് ചാർജിങ് സപ്പോർട്ട് മാത്രമേ ഈ ഡിവൈസിൽ ഉള്ളു.

റെഡ്മി നോട്ട് 10ടി 5ജി സ്മാർട്ട്ഫോൺ ഇന്ത്യൻ വിപണിയിൽ എത്തി; വിലയും സവിശേഷതകളും