മികച്ച ഫീച്ചറുകളുമായി ഓപ്പോ റെനോ 7 സീരിസ് വരുന്നു, ഒപ്പമൊരു മടക്കാവുന്ന ഫോണും

ഓപ്പോ റെനോ7 സീരീസ് സർട്ടിഫിക്കേഷൻ

പിഎഫ്ജെഎം10, പിഎഫ്ഡിഎം00 എന്നീ മോഡൽ നമ്പറുകളുള്ള രണ്ട് ഓപ്പോ ഫോണുകളാണ് ചൈനീസ് 3സി അതോറിറ്റിയുടെ സർട്ടിഫിക്കേഷൻ ലഭിച്ചിട്ടുള്ളത്. ഈ സ്മാർട്ട്ഫോണുകൾ ഓപ്പോ റെനോ 7, റെനോ 7 പ്രോ എന്നിവയാകാമെന്നാണ് റിപ്പോർട്ടുകൾ നൽകുന്ന സൂചനകൾ. ഈ രണ്ട് ഡിവൈസുകളും നവംബറിൽ ചൈനീസ് വിപണിയിൽ അവതരിപ്പിക്കും. 3സി സർട്ടിഫിക്കേഷൻ വെബ്സൈറ്റിലെ വിവരങ്ങൾ ഈ സ്മാർട്ട്ഫോണുകളിലുള്ള രണ്ട് പ്രധാന സവിശേഷതകൾ വെളിപ്പെടുത്തുന്നുണ്ട്.

രണ്ട് ഓപ്പോ റെനോ 7 സ്മാർട്ട്ഫോണുകൾക്കൊപ്പവും വിസിഎ7ജെഎസിഎച്ച് എന്ന മോഡൽ നമ്പറുള്ള ഓപ്പോല ചാർജറുമായിട്ടായിരിക്കും വരുന്നതെന്നും റിപ്പോർട്ടുകൾ സൂചിപ്പിക്കുന്നു. ഈ ചാർജർ 65W ഫാസ്റ്റ് ചാർജിങ് സാങ്കേതികവിദ്യ സപ്പോർട്ട് ചെയ്യുന്നതായിരിക്കുമെന്നാണ് ലിസ്റ്റിങ് നൽകുന്ന സൂചനകൾ. ഇത് കൂടാതെ ലിസ്റ്റിങ് സൂചിപ്പിക്കുന്നത് രണ്ട് ഫോണുകളും 5ജി സപ്പോർട്ട് ചെയ്യുമെന്നാണ്. ഈ ഫോണുകൾ പ്രീമിയം ഫ്ലാഗ്ഷിപ്പ് ഡിവൈസുകൾ ആയിരിക്കുമെന്നും റിപ്പോർട്ടുകൾ സൂചിപ്പിക്കുന്നുണ്ട്.

ഓപ്പോ റെനോ 7 ലോഞ്ച്

ഓപ്പോ റെനോ 7 പ്രോ+ സ്മാർട്ട്ഫോൺ ഈ വർഷം വിപണിയിൽ എത്തിയേക്കില്ലെന്ന് അടുത്തിടെ പുറത്ത് വന്ന റിപ്പോർട്ടുകൾ വെളിപ്പെടുത്തിയിരുന്നു. ഓപ്പോ റെനോ 7, ഓപ്പോ റെനോ 7 പ്രോ മോഡലും മാത്രമായിരിക്കും ഈ വർഷം വിപണിയിൽ എത്തുന്നത്. ഇത് നവംബറിൽ തന്നെ ലോഞ്ച് ചെയ്യുമെന്നാണ് സൂചനകൾ. 90ഹെർട്സ് റിഫ്രഷ് റേറ്റുള്ള 6.5 ഇഞ്ച് ഒലെഡ് എഫ്എച്ച്ഡി+ ഡിസ്‌പ്ലേയായിരിക്കും ഓപ്പോ റെനോ 7 സ്മാർട്ട്ഫോണിൽ ഉണ്ടായിരിക്കുകയെന്ന് ലീക്ക് റിപ്പോർട്ടുകൾ സൂചിപ്പിക്കുന്നു. പ്രോ മോഡലിൽ ഉയർന്ന റിഫ്രഷ് റേറ്റ് ഉള്ള ഒരു വലിയ ഡിസ്പ്ലേ ഉണ്ടായിരിക്കും.

ഓപ്പോ റെനോ 7 ഡൈമെൻസിറ്റി 920 ചിപ്‌സെറ്റിന്റെ കരുത്തിൽ ആയിരിക്കും പ്രവർത്തിക്കുകയെന്നും റിപ്പോർട്ടുകൾ സൂചിപ്പിക്കുന്നു. അതേസമയം പ്രോ മോഡലിന് കരുത്ത് നൽകുന്നത് ഡൈമെൻസിറ്റി 1200 പ്രോസസർ ആയിരിക്കും. ഓപ്പോ റെനോ 7ൽ 50 എംപി പ്രൈമറി ലെൻസും അൾട്രാ-വൈഡ് ക്യാമറയും 2 എംപി പോർട്രെയിറ്റ് ലെൻസും ഉള്ള ട്രിപ്പിൾ ക്യാമറ ഉണ്ടായിരിക്കുമെന്നും സൂചനകളുണ്ട്. ഓപ്പോ റെനോ 7 പ്രോയുടെ ക്യാമറയുമായി ബന്ധപ്പെട്ട വിവരങ്ങൾ ഇതുവരെ പുറത്ത് വന്നിട്ടില്ല. മികച്ചൊരു ക്യാമറ സെറ്റപ്പ് ഈ ഡിവൈസിലും ഉണ്ടായിരിക്കുമെന്ന് ഉറപ്പാണ്.

ഓപ്പോ ഫോൾഡ് സ്മാർട്ട്ഫോണും വരുന്നു

ഓപ്പോ ഫോൾഡ് എന്ന് വിളിക്കുന്ന ഒരു മടക്കാവുന്ന ഫോൺ വിപണിയിലെത്തിക്കാനുള്ള ശ്രമത്തിലാണ് ചൈനീസ് സ്മാർട്ട്ഫോൺ നിർമ്മാതാക്കളായ ഓപ്പോ എന്ന് റിപ്പോർട്ടുകൾ ഉണ്ടായിരുന്നു. സൂചിപ്പിക്കുന്നു. ഓപ്പോ റെനോ 7 സീരീസിൽ ഉണ്ടായിരിക്കുമെന്ന് പറയുന്ന 65W ഫാസ്റ്റ് ചാർജിങ് സപ്പോർട്ട് ഫോൾഡബിൾ ഫോണിലും ഉണ്ടായിരിക്കും. ഓപ്പോ റെനോ 7 സീരിസ് പുറത്തിറക്കുന്നതിനൊപ്പം തന്നെ ഫോൾഡബിൾ ഫോണും അവതരിപ്പിക്കുമെന്നാണ് പ്രതീക്ഷിക്കുന്നത്. ഈ ഡിവൈസുമായി ബന്ധപ്പെട്ട വിവരങ്ങൾ പുറത്ത് വരാതിരിക്കാൻ കമ്പനി പ്രത്യേകം ശ്രദ്ധിക്കുന്നുണ്ട്. സാംസങ് ഫോൾഡ് അടക്കമുള്ള ഫോൾഡബിൾ സ്മാർട്ട്ഫോണുകൾക്ക് വെല്ലുവിളിയാകുന്ന ഫോണായിരിക്കും ഓപ്പോ പുറത്തിറക്കുകയെന്ന് ഉറപ്പാണ്. ഈ ഡിവൈസുമായി ബന്ധപ്പെട്ട കൂടുതൽ വിവരങ്ങൾ വരും ദിവസങ്ങളിൽ പുറത്ത് വന്നേക്കും.