പോക്കോയുടെ പുതിയ ബജറ്റ് സ്മാർട്ട്ഫോണായ പോക്കോ സി31 ഇന്ത്യയിലെത്തി, വില 8,499 രൂപ മുതൽ

പോക്കോ സി31: വില

പോക്കോ സി31 സ്മാർട്ട്ഫോണിന്റെ 3 ജിബി റാമും 32 ജിബി സ്റ്റോറേജുമുള്ള മോഡലിന് ഇന്ത്യയിൽ 8,499 രൂപയാണ് വില. അതേസമയം 4 ജിബി റാമും 64 ജിബി സ്റ്റോറേജുമുള്ള മോഡലിന് ഇന്ത്യയിൽ 8,999 രൂപ വിലയുണ്ട്. വെറും 500 രൂപയുടെ വ്യത്യാസത്തിൽ 1ജിബി റാം അധികമായി ലഭിക്കുന്നുവെന്നതാണ് ഈ ഡിവൈസിന്റെ പ്രത്യേകത. ആളുകൾ 4ജിബി റാം വേരിയന്റ് വാങ്ങുന്നത് തന്നെയാണ് ലാഭകരവും. ലോഞ്ച് ഓഫറിന്റെ ഭാഗമായി രണ്ട് വേരിയന്റുകളും 500 രൂപ കിഴിവിൽ സ്വന്തമാക്കം. ആക്സിസ് ബാങ്ക് അല്ലെങ്കിൽ ഐസിഐസിഐ ബാങ്ക് കാർഡുകൾ ഉപയോഗിച്ച് ഈ ഡിവൈസ് വാങ്ങുന്നവർക്ക് പോക്കോ 10 ശതമാനം ഇൻസ്റ്റന്റ് ഡിസ്കൌണ്ട് നൽകുന്നുണ്ട്. സ്മാർട്ട്ഫോൺ ഒക്ടോബർ 2 മുതൽ ഫ്ലിപ്പ്കാർട്ട് വഴി വിൽപ്പനയ്‌ക്കെത്തും.

പോക്കോ സി31: സവിശേഷതകൾ

പോക്കോ സി31 സ്മാർട്ട്ഫോണിൽ 6.53-ഇഞ്ച് എച്ച്ഡി+ (720x1,600 പിക്സൽസ്) എൽസിഡി ഡിസ്പ്ലേയാണ് ഉള്ളത്. ഈ ഡിസ്പ്ലെയ്ക്ക് വാട്ടർഡ്രോപ്പ്-സ്റ്റൈൽ നോച്ച് ഉണ്ട്. 20: 9 ആസ്പാക്ട് റേഷിയോയും ടിയുവി TUV റൈൻലാൻഡ് ലോ ബ്ലൂ ലൈറ്റ് സർട്ടിഫിക്കേഷനും ഡിവൈസിൽ ഉണ്ട്. 4 ജിബി റാം വരെയുള്ള ഡിവൈസിന് കരുത്ത് നൽകുന്നത് മീഡിയടെക് ഹീലിയോ ജി35 എസ്ഒസിയാണ്. 64 ജിബി വരെ ഇന്റേണൽ സ്റ്റോറേജും സ്മാർട്ട്ഫോണിൽ ഉണ്ട്. പ്രത്യേക മൈക്രോ എസ്ഡി കാർഡ് 512 ജിബി വരെ സ്റ്റോറേജ് എക്സ്പാൻഡ് ചെയ്യാനുള്ള ഓപ്ഷനും പോക്കോ ഈ സ്മാർട്ട്ഫോണിൽ നൽകിയിട്ടുണ്ട്.

മൂന്ന് പിൻക്യാമറ സെറ്റപ്പുമായിട്ടാണ് പോക്കോ സി31 സ്മാർട്ട്ഫോൺ വരുന്നത്. 13 മെഗാപിക്സൽ പ്രൈമറി ക്യാമറയും രണ്ട് 2 മെഗാപിക്സൽ ക്യാമറകളും ഈ ക്യാമറ സെറ്റപ്പിൽ ഉണ്ട്. ഈ ഡിവൈസിൽ ഉള്ള ക്യാമറ ഫീച്ചറുകളിൽ സ്റ്റെപ്സ് കണ്ടെത്തൽ ഓട്ടോഫോക്കസ്, എച്ച്ഡിആർ, എഐ പോർട്രെയിറ്റ് മോഡ്, ഫേസ് ഡിറ്റക്ഷൻ, ഐഐ ഡിറ്റക്ഷൻ, നൈറ്റ് മോഡ് എന്നിവ ഉൾപ്പെടുന്നു. ഈ സ്മാർട്ട്ഫോണിൽ മുൻവശത്തായി 5 മെഗാപിക്സൽ സെൽഫി ക്യാമറയും നൽകിയിട്ടുണ്ട്.

പോക്കോ സി31 സ്മാർട്ട്ഫോൺ 5,000 എംഎഎച്ച് ബാറ്ററിയാണ് പായ്ക്ക് ചെയ്യുന്നത്. ഈ ബാറ്ററി രണ്ട് ദിവസം വരെ നിലനിൽക്കുമെന്നാണ് കമ്പനി അവകാശപ്പെടുന്നത്. 540 മണിക്കൂർ സ്റ്റാൻഡ്‌ബൈ, 30 മണിക്കൂർ ഇ-ലേണിംഗ്, 34 മണിക്കൂർ വോൾട്ടി കോളിങ്, 10 മണിക്കൂർ ഗെയിമിങ്, 91 മണിക്കൂർ മ്യൂസിക് പ്ലേബാക്ക് എന്നിവ വരെ ഈ ബാറ്ററി നൽകുമെന്നാണ് കമ്പനിയുടെ അവകാശവാദം. ഡിവൈസിന് പിന്നിൽ സുരക്ഷയ്ക്കായി ഫിംഗർപ്രിന്റ് സെൻസറും നൽകിയിട്ടുണ്ട്. ഫെയ്സ് അൺലോക്ക് സപ്പോർട്ടും ഫോണിലുണ്ട്.

പരസ്യരഹിതമായ യുഐ ഫീച്ചറുകളാണ് ഈ ഡിവൈസിൽ ഉള്ളത്. കണക്റ്റിവിറ്റി ഓപ്ഷനുകളായി ഫോണിൽ ഡ്യൂവൽ വോൾട്ടി, വോവൈഫൈ, 3.5mm ഓഡിയോ ജാക്ക്, വൈ-ഫൈ 802.11 b/g/n, ബ്ലൂടൂത്ത് v5, മൈക്രോ യുഎസ്ബി പോർട്ട് എന്നിവ ഉൾപ്പെടുന്നു. ഇന്ത്യൻ വിപണിയിൽ ലഭ്യമായ 10,000 രൂപയിൽ താഴെ വില വരുന്ന ബജറ്റ് സ്മാർട്ട്ഫോണുകളുടെ ഇടയിൽ കടത്ത മത്സരം ഉണ്ടാക്കാൻ ഈ പുതിയ സ്മാർട്ട്ഫോണിന് സാധിക്കുമെന്ന് ഉറപ്പാണ്. സവിശേഷതൾ കൂടി പരിഗണിക്കുമ്പോൾ സമാനമായ വിലയുള്ള ഡിവൈസുകളെ പോക്കോ സി31 പിന്നിലാക്കും.