പോക്കോ എഫ് 2 പ്രോ അവതരിപ്പിച്ചു; വിലയും സവിശേഷതകളും

പോക്കോ എഫ് 2 പ്രോ: വിലയും വിൽപ്പനയും

പോക്കോ എഫ് 2 പ്രോ 6 ജിബി റാം 128 ജിബി സ്റ്റോറേജ് വേരിയന്റിന് 499 യൂറോ ആണ് വില വരുന്നത്. ഇത് ഏകദേശം 40,686 രൂപയാണ്. 8 ജിബി റാം + 256 ജിബി സ്റ്റോറേജ് മോഡലിന് 599 യൂറോയാണ് റീട്ടെയിൽ വില (ഏകദേശം 48,870 രൂപ). സൈബർ ഗ്രേ, നിയോൺ ബ്ലൂ, ഫാന്റം ബ്ലൂ, ഇലക്ട്രിക് പർപ്പിൾ എന്നിവയുൾപ്പെടെ നാല് വ്യത്യസ്ത ഷേഡുകളിൽ ഈ ഡിവൈസ് ലഭ്യമാകും.

ഈ ഡിവൈസ് എപ്പോഴാണ് ഇന്ത്യൻ വിപണിയിൽ ലഭ്യമാവുന്നത് എന്ന കാര്യം കമ്പനി വ്യക്തമാക്കിയിട്ടില്ല. പോക്കോ ഇതിനകം തന്നെ ഇന്ത്യയിൽ പോക്കോ എം 2 പ്രോ അവതരിപ്പിക്കാനുള്ള ഒരുക്കത്തിലാണ് എന്നും റിപ്പോർട്ടുകളുണ്ട്. കമ്പനിയുടെ ഭാഗത്ത് നിന്നും ഇത് സംബന്ധിച്ച് ഔദ്യോഗിക പ്രസ്താവനകളൊന്നും ഉണ്ടായിട്ടില്ല. മറ്റ് പല വിപണികളിലും പോക്കോ എഫ് 2 പ്രോ ഏതാനും ദിവസങ്ങൾക്കകം ലഭ്യമാകും.

പോക്കോ എഫ് 2 പ്രോ: സവിശേഷതകൾ

പോക്കോ എഫ് 2 പ്രോയുടെ മുൻനിര പ്രോസസറിന്റെ കരുത്തോടെയായിരിക്കും പുറത്തിറങ്ങുകയെന്ന് നേരത്തെ റിപ്പോർട്ടുകൾ ഉണ്ടായിരുന്നു. ഇത് ശരിവയ്ക്കുന്ന രീതിയിൽ ക്വാൽകോം സ്‌നാപ്ഡ്രാഗൺ 865 പ്രോസസറാണ് ഫോണിൽ നൽകിയിരിക്കുന്നത്. 5 ജി സപ്പോർട്ടുള്ള സ്മാർട്ട്‌ഫോണിൽ ലിക്വിഡ് കൂൾ 2.0 സാങ്കേതികവിദ്യയും മെച്ചപ്പെട്ട സൂപ്പർ കൂളിംഗ് സാധ്യമാക്കാനായി "സൂപ്പർ വിസി" വേപ്പർ ചേമ്പറും നൽകിയിട്ടുണ്ട്.

8 ജിബി റാമും 256 ജിബി സ്റ്റോറേജുമാണ് പ്രോസസറിനൊപ്പം ഡിവൈസിനെ ശക്തിപ്പെടുത്താൻ നൽകിയിരിക്കുന്നത്. ആൻഡ്രോയിഡ് പൈ ഒഎസിൽ ബൂട്ട് ചെയ്യുന്ന ഈ ഡിവൈസിൽ പോക്കോ ലോഞ്ചർ 2.0 ഇന്റർഫേസ് ഉണ്ടായിരിക്കും. 6.67 ഇഞ്ച് സൂപ്പർ അമോലെഡ് പാനൽ, എഫ്‌എച്ച്‌ഡി + റെസല്യൂഷൻ, 1200 നിറ്റ്സ് പീക്ക് ബ്രൈറ്റ്നെസ്, എച്ച്ഡിആർ 10+ സർട്ടിഫിക്കേഷൻ എന്നിവയടങ്ങുന്ന ഡിസ്പ്ലെയാണ് നൽകിയിട്ടുള്ളത്. ഈ ഡിസ്പ്ലെയിൽ ഫിംഗർപ്രിന്റ് സ്കാനറും നൽകിയിട്ടുണ്ട്.

പോക്കോ എഫ് 2 പ്രോയുടെ മുൻവശത്തും പിൻ പാനലിലും കോർണിംഗ് ഗോറില്ല ഗ്ലാസ് പ്രോട്ടക്ഷനാണ് കമ്പനി നൽകിയിട്ടുള്ളത്. ഫോട്ടോഗ്രഫിക്കായി ഫോണിൽ 64 എംപി സോണി ഐഎംഎക്സ് 686 പ്രൈമറി സെൻസർ നൽകിയിട്ടുണ്ട്. ഇതിനൊപ്പം 13 എംപി വൈഡ് ആംഗിൾ സെൻസർ, 5 എംപി മാക്രോ സെൻസർ, 2 എംപി ഡെപ്ത് സെൻസർ എന്നിവ ചേർന്ന ഒരു ക്വാഡ് ക്യാമറ സെറ്റപ്പാണ് പിന്നിലുള്ളത്.

പോപ്പ്-അപ്പ് മൊഡ്യൂളിനുള്ളിൽ നൽകിയിട്ടുള്ള സെൽഫി ക്യാമറ 20 എംപിയാണ്. 30W ഫാസ്റ്റ് ചാർജിംഗിങ് സപ്പോർട്ടുള്ള 4,700 mAh ബാറ്ററിയാണ് ഫോണിൽ നൽകിയിട്ടുള്ളത്. പോക്കോ എഫ് 2 പ്രോ സ്മാർട്ട്ഫോൺ പ്രാഥമികമായി റെഡ്മി കെ 30 പ്രോയിൽ മാറ്റങ്ങൾ വരുത്തി പുറത്തിറക്കിയ ഫോണാണ്. ഈ രണ്ട് ഫോണുകളിലും സമാനമായ ഡിസൈനും ഹാർഡ്‌വെയർ പായ്ക്കിങുമാണ് ഉള്ളത്.