പുതിയ സ്മാർട്ട്ഫോൺ വാങ്ങുന്നവർ ശ്രദ്ധിക്കുക, അടുത്ത ആഴ്ച ഈ ഫോണുകൾ ആദ്യ വിൽപ്പനയ്ക്കെത്തും

| Published: Saturday, June 25, 2022, 17:35 [IST]

ധാരാളം സ്മാർട്ട്ഫോണുകൾ കഴിഞ്ഞ കുറച്ച് ആഴ്ചകളിലായി ഇന്ത്യൻ വിപണിയിൽ എത്തിയിട്ടുണ്ട്. അതുകൊണ്ട് തന്നെ നമുക്ക് വാങ്ങാൻ താല്പര്യമുള്ള സ്മാർട്ട്ഫോണുകളുടെ വിൽപ്പന തിയ്യതി ഓർത്തിരിക്കുക എന്നത് ബുദ്ധിമുട്ടുള്ള കാര്യമാണ്. അടുത്ത ആഴ്ചയിൽ മികച്ച ചില സ്മാർട്ട്ഫോണുകൾ ആദ്യ വിൽപ്പനയ്ക്ക് എത്തുന്നുണ്ട്. പോക്കോ എഫ് 4, റിയൽമി സി30, സാംസങ് ഗാലക്സി എഫ്13 തുടങ്ങിയ പുതിയ ഫോണുകളുടെയെല്ലാം വിൽപ്പന അടുത്ത വാരം നടക്കും.

ആദ്യ വിൽപ്പനയിലൂടെ മുകളിൽ സൂചിപ്പിച്ച ഓരോ സ്മാർട്ട്ഫോണിനും ആകർഷകമായ ഓഫറുകളും അതാത് കമ്പനികളും ഇ-കൊമേഴ്സ് പ്ലാറ്റ്ഫോമുകളും നൽകുന്നുണ്ട് പോക്കോ എഫ്4 5ജി സ്മാർട്ട്ഫോണിന് വില ആരംഭിക്കുന്നത് 27,999 രൂപ മുതലാണ്. എന്നാൽ ഈ സ്മാർട്ട്ഫോൺ ആദ്യ വിൽപ്പനയിലൂടെ പ്രത്യേക ഇഎംഐ ഓഫർ മുഖേന പ്രതിമാസം 3,500 രൂപയ്ക്ക് സ്മാർട്ട്ഫോം വാങ്ങാം. ഈ സ്മാർട്ട്ഫോൺ വാങ്ങാനായി എച്ച്ഡിഎഫ്സി ഡെബിറ്റ്, ക്രെഡിറ്റ് കാർഡുകളും ഇഎംഐ ഓപ്ഷനുകളും ഉപയോഗിക്കുന്നവർക്ക് 3,000 രൂപ കിഴിവ് ലഭിക്കും. എക്സ്ചേഞ്ച് ഓഫറായി 3000 രൂപ കിഴിവ്, സൌജന്യ യൂട്യൂബ് പ്രീമിയം സബ്ക്രിപ്ഷൻ എന്നിവയും ഈ ഫോൺ വാങ്ങുന്ന ആളുകൾക്ക് ലഭിക്കും.

15000 രൂപയിൽ താഴെ വിലയും വലിയ ബാറ്ററിയുമുള്ള ഫോൺ വേണോ?, ഇവ തിരഞ്ഞെടുക്കാം 15000 രൂപയിൽ താഴെ വിലയും വലിയ ബാറ്ററിയുമുള്ള ഫോൺ വേണോ?, ഇവ തിരഞ്ഞെടുക്കാം

അടുത്ത ആഴ്‌ച വിൽപ്പനയ്ക്ക് എത്തുന്ന സ്‌മാർട്ട്‌ഫോണുകളുടെ പട്ടികയിൽ റിയൽമി സി30യും ഉണ്ട്. ജൂൺ 27 മുതൽ വിൽപ്പനയ്‌ക്കെത്തുന്ന ഈ ഡിവൈസിന്റെ വില ആരംഭിക്കുന്നത് 7,499 രൂപ മുതലാണ്. കിഴിവ്. എക്‌സ്‌ചേഞ്ച് ഓഫറുകൾ, ക്രെഡിറ്റ് കാർഡ് ഇടപാടുകൾ എന്നിവയും മറ്റും ഉപയോഗിച്ച് ഈ ഡിവൈസിൽ അധിക കിഴിവുകൾ ലഭിക്കും. അടുത്ത ആഴ്ച തന്നെ വിൽപ്പനയ്ക്ക് എത്തുന്ന സാംസങ് ഗാലക്സി എഫ്13 ഫ്ലിപ്കാർട്ടിലൂടെ നിങ്ങൾക്ക് 11,999 രൂപയ്ക്ക് സ്വന്തമാക്കാം. ഈ ഡിവൈസ് വാങ്ങുന്നവർക്ക് 3000 രൂപ വരെ കിഴിവും ലഭിക്കും.