പോക്കോ എം2 പ്രോ സ്മാർട്ട്ഫോണിന്റെ ഫ്ലാഷ് സെയിൽ ഇന്ന് ഉച്ചയ്ക്ക് ഫ്ലിപ്പ്കാർട്ട് വഴി

വിലയും ലഭ്യതയും

മൂന്ന് സ്റ്റോറേജ് വേരിയന്റുകളിലാണ് പോക്കോ എം2 പ്രോ സ്മാർട്ട്ഫോൺ ലഭ്യമാവുന്നത്. ബേസ് വേരിയന്റായ 4 ജിബി റാം, 64 ജിബി മോഡലിന് 13,999 രൂപയും 6 ജിബി റാമും 64 ജിബി സ്റ്റോറേജുമുള്ള മോഡലിന് 14,999 രൂപയും 6 ജിബി റാമും 128 ജിബി സ്റ്റോറേജുമുള്ള മോഡലിന് 16,999 രൂപയുമാണ് വില. റ്റു ഷേഡ്സ് ബ്ലാക്ക്, ഔട്ട് ഓഫ് ബ്ലൂ, ഗ്രീൻ, ഗ്രീനർ എന്നീ കളർ ഓപ്ഷനുകളിലാണ് ഈ ഡിവൈസ് ലഭ്യമാവുക.

സവിശേഷതകൾ

6.7 ഇഞ്ച് ഐപിഎസ് എൽസിഡി ഡിസ്പ്ലേയാണ് പോക്കോ എം2 പ്രോ സ്മാർട്ട്ഫോണിൽ ഉള്ളത്. ഈ ഡിസ്പ്ലെയ്ക്ക് 1080 x 2400 പിക്സൽ എഫ്എച്ച്ഡി + റെസല്യൂഷനും 20: 9 സിനിമാറ്റിക് ആസ്പാക്ട് റേഷിയേവും ഉണ്ട്. ഗെയിമുകൾ കളിക്കുമ്പോഴും വീഡിയോകൾ കാണുമ്പോവും മികച്ച അനുഭവം നൽകുന്ന ഡിസ്പ്ലെയാണ് ഇത്. പഞ്ച് ഹോൾ ഡിസ്പ്ലെയുള്ള ഈ ഡിവൈസ് റെഡ്മി നോട്ട് 9 പ്രോ സ്മാർട്ട്ഫോണുമായി ഏറെ സാമ്യതയുണ്ട്.

നാല് പിൻ ക്യാമറകളുമായാണ് പോക്കോ M2 പ്രോ സ്മാർട്ട്ഫോൺ പുറത്തിറക്കിയിരിക്കുന്നത്. ഈ ക്യാമറ സെറ്റപ്പിൽ 48 എംപി പ്രൈമറി സെൻസറും വൈഡ് ആംഗിൾ ലെൻസുള്ള 8 എംപി സെൻസറും 5 എംപി മാക്രോ സെൻസറും ഡെപ്ത് ഇഫക്റ്റുകളുള്ള 2 എംപി ലെൻസുമാണ് ഉള്ളത്. 16 എംപി ഫ്രണ്ട് ക്യാമറയാണ് ഡിവൈസിൽ നൽകിയിട്ടുള്ളത്. ലൈറ്റ് കുറഞ്ഞ അവസ്ഥയിൽ പോലും മികച്ച സെൽഫികൾ എടുക്കാനുള്ള 'നൈറ്റ് മോഡ്' ഫീച്ചറും ഈ ക്യാമറയ്ക്കൊപ്പം നൽകിയിട്ടുള്ളത്.

മിഡ് റേഞ്ച് ഗെയിമിങ് പ്രോസസറായ ഒക്ടാ കോർ ക്വാൽകോം സ്‌നാപ്ഡ്രാഗൺ 720 ജിയുടെ കരുത്തിലാണ് പോക്കോ എം2 പ്രോ സ്മാർട്ട്ഫോൺ പ്രവർത്തിക്കുന്നത്. ഇതിനൊപ്പം അഡ്രിനോ 618 ജിപിയുവും നൽകിയിട്ടുണ്ട്. 6 ജിബി റാമും 64 ജിബി സ്റ്റോറേജ് കോൺഫിഗറേഷനുമുള്ള ഡിവൈസ് പ്രവർത്തിക്കുന്നത് ആൻഡ്രോയിഡ് 10 ഒ.എസ് ബേസ്ഡ് MIUI 11ലാണ്.

യുഎസ്ബി ടൈപ്പ്-സി പോർട്ടുള്ള പോക്കോ എം2 പ്രോ സ്മാർട്ട്ഫോണിൽ 3.5 എംഎം ഹെഡ്‌ഫോൺ ജാക്കും നൽകിയിട്ടുണ്ട്. റെഡ്മി നോട്ട് 9 പ്രോ സ്മാർട്ട്ഫോണിന് സമാനമായി ഡിവൈസിന്റെ വലത് വശത്ത് സൈഡ് പാനലിൽ സുരക്ഷയ്ക്കായി ഫിംഗർപ്രിന്റ് സ്കാനറും നൽകിയിട്ടുണ്ട്. 33W ഫാസ്റ്റ് ചാർജിങ് സപ്പോർട്ടുള്ള 5,000 എംഎഎച്ച് ബാറ്ററിയാണ് ഡിവൈസിലുള്ളത്.