പോക്കോ എം2 സ്മാർട്ട്ഫോൺ പുറത്തിറങ്ങുക നാല് പിൻക്യാമറകളുമായി

പുറത്തിറങ്ങാനിരിക്കുന്ന പോക്കോ എം2 സ്മാർട്ട്ഫോണിന്റെ പ്രോ വേരിയന്റ് 13,999 രൂപയ്ക്കാണ് ഇന്ത്യൻ വിപണിയി അവതരിപ്പിച്ചത്. സ്നാപ്ഡ്രാഗൺ 720 ജി, 33 ഡബ്ല്യു ഫാസ്റ്റ് ചാർജിംഗ് സപ്പോർട്ട്, ക്വാഡ് റിയർ ക്യാമറ സെറ്റപ്പ് എന്നീ സവിശേഷതകളും ഡിവൈസിന് ഉണ്ടായിരുന്നു. ഫ്ലിപ്പ്കാർട്ട് ലിസ്റ്റിങിലൂടെ പോക്കോ എം2 സ്മാർട്ട്ഫോണിന്റെ ക്യാമറ സവിശേഷത കൂടാതെ ഡിസ്പ്ലെയുടെ സവിശേഷതകളും വെളിപ്പെടുത്തുന്നുണ്ട്.

പോക്കോ എം2 സ്മാർട്ട്ഫോണിൽ ഗെയിമർമാരെ ആകർഷിക്കാനുള്ള നിരവധി സവിശേഷതകൾ കമ്പനി ഉൾപ്പെടുത്തിയിട്ടുണ്ട്. സ്മാർട്ട്‌ഫോണൽ 6 ജിബി റാമായിരിക്കും ഉണ്ടായിരിക്കുക. ഇത് മൾട്ടി ടാസ്‌കിംഗ് എളുപ്പമാക്കും. ഡിവൈസിലെ പ്രോസസർ മാത്രമല്ല, സ്‌ക്രീനും മികച്ച ഗെയിമിങ് അനുഭവം നൽകുന്നതായിരിക്കുമെന്നാണ് റിപ്പോർട്ടുകൾ. ഡിവൈസിൽ ഒരു ഫുൾ എച്ച്ഡി + ഡിസ്‌പ്ലേയാണ് ഉള്ളത്. ഇത് ഗെയിമിങിനും വീഡിയോ സ്ട്രീമിങിനും ഏറെ സഹായം ചെയ്യും.

പോക്കോ എം2 സ്മാർട്ട്ഫോണിൽ ക്വാഡ് റിയർ ക്യാമറയായിരിക്കും ഉണ്ടായിരിക്കുക എന്നതല്ലാതെ ഈ ക്യാമറ സെറ്റപ്പിൽ ഏതൊക്കെ ക്യാമറകൾ ഉണ്ടായിരിക്കുമെന്ന കാര്യം ഇതുവരെ വ്യക്തമാക്കിയിട്ടില്ല. ഫ്ലിപ്പ്കാർട്ട് ലിസ്റ്റിങിലൂടെയാണ് നാല് ക്യാമറകൾ അടങ്ങുന്ന പിൻക്യാമറ സെറ്റപ്പ് ഡിവൈസിൽ ഉണ്ടായിരിക്കുമെന്ന സ്ഥിരീകരണം ഉണ്ടായിരിക്കുന്നത്. ഇതൊരു ഒരു എഐ ക്വാഡ് ക്യാമറ സെറ്റപ്പായിരിക്കും. ഇതിനൊപ്പം ഒരു എൽഇഡി ഫ്ലാഷും ഉണ്ടായിരിക്കും.

ഇതുവരെ പുറത്ത് വന്ന റിപ്പോർട്ടുകളിൽ പോക്കോ എം2 സ്മാർട്ട്ഫോണിന്റെ ബാറ്ററി ഏതായിരിക്കുമെന്ന് സൂചനകളൊന്നും നൽകിയിട്ടില്ല. ഏതെങ്കിലും വിധത്തിലുള്ള ഫാസ്റ്റ് ചാർജിങ് സപ്പോർട്ടോടെ ആയിരിക്കുമോ ഈ ഡിവൈസ് പുറത്തിറങ്ങുക എന്ന കാര്യവും വ്യക്തമല്ല. ഫ്ലിപ്പ്കാർട്ട് ലിസ്റ്റിങിൽ നിന്നും ലഭിക്കുന്ന സൂചനകൾ അനുസരിച്ച് പുറത്തിറങ്ങാനിരിക്കുന്ന പോക്കോ എം2 സ്മാർട്ട്ഫോണിൽ ഫാസ്റ്റ് ചാർജിങ് സപ്പോർട്ടോ വലിയ ബാറ്ററിയോ ഉണ്ടായിരിക്കാൻ സാധ്യത ഉണ്ട്.

സെപ്റ്റംബർ 8നാണ് പോക്കോ എം2 പുറത്തറങ്ങുന്നത്. ഉച്ചയ്ക്ക് 12 മണിക്ക് ഡിവൈസിന്റെ ലോഞ്ച് ഇവന്റ് ആരംഭിക്കും. ലോഞ്ച് ഇവന്റിലൂടെ മാത്രമേ ബാക്കിയുള്ള കാര്യങ്ങൾ വ്യക്തമാവുകയുള്ളു. ഫ്ലിപ്പ്കാർട്ട് ലിസ്റ്റിങിൽ ഡിവൈസുമായി ബന്ധപ്പെട്ട കൂടുതൽ വിവരങ്ങൾ വരും ദിവസങ്ങളിൽ പുറത്ത് വിടുമെന്ന സൂചനകൾ നൽകുന്നുണ്ട്. ലോഞ്ചിന് മുമ്പായി തന്നെ ഡിവൈസിന്റെ പ്രധാന സവിശേഷതകളെല്ലാം പുറത്തെത്തും. ഇന്ത്യൻ വിപണിയിൽ വലിയ വിജയമാവാൻ ഈ ഡിവൈസിന് സാധിച്ചേക്കും.