പോക്കോ എക്‌സ് 3 ഇന്ത്യയിൽ സെപ്റ്റംബർ 22 ന് അവതരിപ്പിക്കും: പ്രതീക്ഷിക്കുന്ന വില, സവിശേഷതകൾ

പോക്കോ എക്‌സ് 3: ലഭ്യത, വിൽപന

സെപ്റ്റംബർ 22 ന് ഉച്ചയ്ക്ക് 12 മണിക്ക് പോക്കോ എക്‌സ് 3 ഇന്ത്യയിൽ എത്തുമെന്ന് പോക്കോ ട്വിറ്ററിൽ അറിയിച്ചു. പോക്കോ ഇന്ത്യ പങ്കിട്ട 10 സെക്കൻഡ് ടീസർ വീഡിയോ ഫോണിന്റെ മുൻഭാഗവും പിൻഭാഗവും കാണിക്കുന്നു. സെൽഫി ക്യാമറയ്‌ക്കായി ഹോൾ-പഞ്ച് ഡിസൈനും ക്വാഡ് റിയർ ക്യാമറ സെറ്റപ്പും വരുന്നു. മറ്റ് പോക്കോ ഫോൺ മോഡലുകളെപ്പോലെ പോക്കോ എക്‌സ് 3യും ഫ്ലിപ്കാർട്ട് വഴി വില്പനയ്ക്കെത്തിക്കും.

കമ്പനി തുടക്കത്തിൽ 20,000+ നികുതി വിലനിലവാരം സൂചിപ്പിച്ചിരുന്നുവെങ്കിലും അഭ്യൂഹങ്ങൾ മറ്റൊരു വിധത്തിൽ നിർദ്ദേശിക്കുന്നു. ചോർച്ചകളും കിംവദന്തികളും അനുസരിച്ച്, പോക്കോ എക്‌സ് 3 20,000 രൂപയിൽ താഴെയായി അവതരിപ്പിച്ചേക്കാമെന്ന് പറയുന്നു. പോക്കോ എക്‌സ് 3യുടെ ഇന്ത്യൻ വേരിയന്റുകൾ ഗ്ലോബൽ മോഡലുകളേക്കാൾ വലിയ ബാറ്ററിയുമായി വരുവാൻ സാധ്യതയുണ്ടെന്നും 8 ജിബി റാം വേരിയൻറ് ഓഫറിൽ ഉണ്ടെന്നും റിപ്പോർട്ടുണ്ട്.

പോക്കോ എക്‌സ് 3: പ്രതീക്ഷിക്കുന്ന വില

നേരത്തെ സൂചിപ്പിച്ചതുപോലെ, പോക്കോ എക്‌സ് 3 ഇന്ത്യൻ വേരിയൻറ് യൂറോപ്യൻ വിപണിയിലെത്തിയ പോക്കോ എക്‌സ് 3 എൻ‌എഫ്‌സിയുടെ ചെറുതായി മാറ്റങ്ങൾ വരുത്തിയ പതിപ്പായിരിക്കുമെന്ന് പ്രതീക്ഷിക്കുന്നു. ഇന്ത്യൻ വേരിയന്റിന്റെ വിലയെക്കുറിച്ച് ഒരു വിവരവുമില്ലെങ്കിലും പോക്കോ എക്‌സ് 3 എൻ‌എഫ്‌സിയുടെ അടിസ്ഥാന 6 ജിബി + 64 ജിബി സ്റ്റോറേജ് വേരിയന്റിന് യൂറോ 229 (ഏകദേശം 19,900 രൂപ), 6 ജിബി + 128 ജിബിക്ക് യൂറോ 269 (ഏകദേശം 23,400 രൂപ) യൂറോപ്പിലെ സ്റ്റോറേജ് വേരിയന്റിന് വില വരുന്നു. കോബാൾട്ട് ബ്ലൂ, ഷാഡോ ഗ്രേ കളർ ഓപ്ഷനുകളിൽ ഇത് വിപണയിൽ വരുന്നു.

പോക്കോ എക്‌സ് 3: സവിശേഷതകൾ

പോക്കോ എക്‌സ് 3 6.67 ഇഞ്ച് ഫുൾ എച്ച്ഡി + ഡിസ്‌പ്ലേയും 120 ഹെർട്സ് റിഫ്രഷ് റേറ്റും എച്ച്ഡിആർ 10 സർട്ടിഫിക്കേഷനുമായാണ് വരുന്നത്. സ്‌ക്രീനിന്റെ സംരക്ഷണത്തിനായി ഈ ഡിവൈസിന് കോർണിംഗ് ഗോറില്ല ഗ്ലാസ് 5 ലഭിക്കുന്നു. അഡ്രിനോ 618 ജിപിയു, 6 ജിബി റാം എന്നിവയുള്ള ഒക്ടാ കോർ സ്‌നാപ്ഡ്രാഗൺ 732 ജി പ്രോസസറാണ് സ്മാർട്ട്ഫോണിന് ലഭിക്കുന്നത്. 64 ജിബി, 128 ജിബി സ്റ്റോറേജ് ഓപ്ഷനുകൾ വരുന്നു, അത് 256 ജിബി വരെ വികസിപ്പിക്കാനാകും.

കൂടുതൽ വായിക്കുക: 1,000 രൂപ വിലകിഴിവിൽ വൺപ്ലസ് നോർഡ് സ്വന്തമാക്കാം: ഓഫറുകൾ, സവിശേഷതകൾ

പോക്കോ എക്‌സ് 3: ക്യാമറ

കമ്പനി ഈ സ്മാർട്ട്ഫോണിൽ ക്വാഡ് റിയർ ക്യാമറ സെറ്റപ്പുമായി വരുന്നു. 64 മെഗാപിക്സൽ സോണി IMX682 ആണ് പ്രധാന ലെൻസായി വരുന്നത്. കൂടാതെ, 13 മെഗാപിക്സൽ വൈഡ് ആംഗിൾ ലെൻസ്, രണ്ട് മെഗാപിക്സൽ ഡെപ്ത് സെൻസർ, രണ്ട് മെഗാപിക്സൽ മാക്രോ ലെൻസ് എന്നിവയും ഈ ഫോണിലുണ്ട്. മുൻവശത്ത്, ഉപയോക്താക്കൾക്ക് പഞ്ച്-ഹോൾ കട്ട് ഉപയോഗിച്ച് 20 മെഗാപിക്സൽ ലെൻസ് ലഭിക്കും. ഫോണിന് 5,160 എംഎഎച്ച് ബാറ്ററിയാണ് വരുന്നത്. ഇത് യുഎസ്ബി ടൈപ്പ് സി വഴി 33W ഫാസ്റ്റ് ചാർജിംഗിനെ പിന്തുണയ്ക്കുന്നു. സൈഡ് മൗണ്ട് ചെയ്ത ഫിംഗർപ്രിന്റ് സെൻസറും ഉണ്ടായിരിക്കും.