പോക്കോ എക്സ്3 സ്വന്തമാക്കാൻ വീണ്ടും അവസരം, വിൽപ്പന ഇന്ന് ഉച്ചയ്ക്ക് 12 മണിക്ക്

പോക്കോ എക്സ്3: വിലയും ഓഫറുകളും

പോക്കോ എക്സ്3 സ്മാർട്ട്ഫോണിന്റെ ഇന്ന് ഉച്ചയ്ക്ക് 12 മണിക്ക് ആരംഭിക്കുന്ന ഫ്ലാഷ് സെയിലിലൂടെ ഡിവൈസ് സ്വന്തമാക്കുന്ന ആളുകൾക്ക് ആകർഷകമായ ഓഫറുകളാണ് ഫ്ലിപ്പ്കാർട്ട് നൽകുന്നത്. ഡിവൈസ് വാങ്ങാനായി ഐസിഐസിഐ ക്രെഡിറ്റ് കാർഡ് ഇഎംഐ ഓപ്ഷൻ തിരഞ്ഞെടുക്കുന്ന ആളുകൾക്ക് 5 ശതമാനം കിഴിവ് ലഭിക്കും. ഫ്ലിപ്കാർട്ട് ആക്സിസ് ബാങ്ക് ക്രെഡിറ്റ് കാർഡിൽ 5 ശതമാനം ക്യാഷ്ബാക്കും കോസ്റ്റ് ഇഎംഐ ഓപ്ഷനുകളും ലഭിക്കും. മാസത്തിൽ 1,889 രൂപ അടക്കേണ്ട ഇഎംഐ ഓപ്ഷനാണ് ലഭിക്കുന്നത്.

പോക്കോ എക്സ്3 സ്മാർട്ട്ഫോൺ മുകളിൽ സൂചിപ്പിച്ചത് പോലെ മൂന്ന് സ്റ്റോറേജ് വേരിയന്റുകളിൽ ലഭ്യമാണ്. ഡിവൈസിന്റെ അടിസ്ഥാന വേരിയന്റിൽ 6 ജിബി റാമും 64 ജിബി സ്റ്റോറേജുമാണ് ഉള്ളത്. ഈ മോഡലിന് 16,999 രൂപയാണ് വില. ഫോണിന്റെ 6 ജിബി റാമും 128 ജിബി സ്റ്റോറേജുമുള്ള മോഡലിന് 18,499 രൂപ വിലയുണ്ട്. ടോപ്പ് ടയർ വേരിയന്റിൽ 8 ജിബി റാമും 128 ജിബി സ്റ്റോറേജുമാണ് ഉള്ളത്. 19,999 രൂപയാണ് ഈ വേരിയന്റിന്റെ വില. കോബാൾട്ട് ബ്ലൂ, ഷാഡോ ഗ്രേ എന്നീ രണ്ട് കളർ വേരിയന്റുകളിൽ ഈ സ്മാർട്ട്ഫോൺ ലഭ്യമാണ്.

പോക്കോ എക്സ്3: സവിശേഷതകൾ

120 ഹെർട്സ് റിഫ്രഷ് റേറ്റുള്ള 6.67 ഇഞ്ച് ഫുൾ എച്ച്ഡി+ (1,080x2,340 പിക്‌സൽ) ഡിസ്‌പ്ലേയാണ് പോക്കോ എക്സ് 3 സ്മാർട്ട്ഫോണിലുള്ളത്. ഈ ഡിസ്പ്ലെയ്ക്ക് കോർണിങ് ഗോറില്ലാഗ്ലാസ് 5 പ്രോട്ടക്ഷനും ഉണ്ട്. ആൻഡ്രോയിഡ് 10 ബേസ്ഡ് എംഐയുഐ 12ൽ പ്രവർത്തിക്കുന്ന ഡിവൈസിൽ ഡ്യുവൽ നാനോ സിം കാർഡ് സ്ലോട്ടുകളാണ് ഉള്ളത്. ഒക്ടാ കോർ ക്വാൽകോം സ്‌നാപ്ഡ്രാഗൺ 732 ജി എസ്ഒസിയുടെ കരുത്തിൽ പ്രവർത്തിക്കുന്ന ഡിവൈസിൽ അഡ്രിനോ 618 ജിപിയു, 8 ജിബി വരെ എൽപിഡിഡിആർ 4 എക്‌സ് റാം ഉണ്ട് എന്നിവയും ഉണ്ട്.

പോക്കോ എക്സ്3 സ്മാർട്ട്ഫോണിൽ ക്വാഡ് റിയർ ക്യാമറ സെറ്റപ്പാണ് ഉള്ളത്. ഈ ക്യാമറ സെറ്റപ്പിൽ എഫ് / 1.73 ലെൻസുള്ള 64 മെഗാപിക്സൽ സോണി ഐഎംഎക്സ് 682 പ്രൈമറി സെൻസർ, 119 ഡിഗ്രി വൈഡ് ആംഗിൾ എഫ് / 2.2 ലെൻസുള്ള 13 മെഗാപിക്സൽ സെൻസർ, എഫ് / 2.4 ലെൻസുള്ള 2 മെഗാപിക്സൽ ഡെപ്ത് സെൻസർ, എഫ് / 2.4 അപ്പേർച്ചറുള്ള 2 മെഗാപിക്സൽ മാക്രോ ഷൂട്ടർ എന്നീ ക്യമറകളാണ് ഉള്ളത്. സെൽഫികൾക്കും വീഡിയോ കോളുകൾക്കുമായി ഫോണിൽ എഫ് / 2.2 ലെൻസുള്ള 20 മെഗാപിക്സൽ സെൻസറും കമ്പനി നൽകിയിട്ടുണ്ട്.

33W ഫാസ്റ്റ് ചാർജിങ് സപ്പോർട്ടുള്ള 6,000 എംഎഎച്ച് ബാറ്ററിയാണ് പോക്കോ എക്സ് 3 സ്മാർട്ട്ഫോണിലുള്ളത്. മൈക്രോ എസ്ഡി കാർഡ് വഴി 256 ജിബി വരെ സ്റ്റോറേജ് എക്സ്പാൻഡ് ചെയ്യാനുള്ള സംവിധാനവും കമ്പനി നൽകിയിട്ടുണ്ട്. കണക്റ്റിവിറ്റി ഓപ്ഷനുകളായി ഡിവൈസിൽ വൈ-ഫൈ, ബ്ലൂടൂത്ത്, 4 ജി, ജിപിഎസ് / എ-ജിപിഎസ്, 3.5 എംഎം ഹെഡ്‌ഫോൺ ജാക്ക്, ചാർജിങിനായി യുഎസ്ബി ടൈപ്പ്-സി പോർട്ട് എന്നിവയും നൽകിയിട്ടുണ്ട്. IP53 റേറ്റഡ് വാട്ടർ ഡസ്റ്റ് റസിറ്റൻസും ഡിവൈസിൽ നൽകിയിട്ടുണ്ട്.