റിയൽ‌മി 7 പ്രോ സ്മാർട്ട്ഫോണിന്റെ ആദ്യ വിൽപ്പന സെപ്റ്റംബർ‌ 14ന്‌; വിലയും ഓഫറുകളും

Published: Saturday, September 12, 2020, 12:54 [IST]

റിയൽമിയുടെ ഏറ്റവും പുതിയ സ്മാർട്ട്ഫോൺ സീരിസായ റിയൽമി 7 സീരിസിലെ 7 പ്രോ സ്മാർട്ട്ഫോണിന്റെ ആദ്യ വിൽപ്പന സെപ്റ്റംബർ 4ന് നടക്കും. റിയൽമി സ്റ്റോർ, ഫ്ലിപ്പ്കാർട്ട് എന്നിവയിലൂടെയാണ് വിൽപ്പന നടക്കുന്നത്. ഈ സീരിസിലെ റിയൽമി 7 സ്മാർട്ട്ഫോണിന്റെ വിൽപ്പന കഴിഞ്ഞ ദിവസം നടന്നിരുന്നു. 1,80,000 യൂണിറ്റ് സ്മാർട്ട്ഫോണുകളാണ് ഈ സെയിലിലൂടെ റിയൽമി വിറ്റഴിച്ചത്. റിയൽമി 7 പ്രോ ഈ മാസം ആദ്യമാണ് വിപണിയിൽ അവതരിപ്പിച്ചത്. രണ്ട് വേരിയന്റുകളിൽ ഡിവൈസ് ലഭ്യമാകും.

റിയൽ‌മി 7 പ്രോ: വിലയും ലഭ്യതയും

6 ജിബി, 8 ജിബി എന്നീ രണ്ട് വേരിയന്റുകളിൽ റിയൽമി 7 സ്മാർട്ട്ഫോൺ ലഭ്യമാണ്. ഇരു വേരിയന്റുകളിലും 128 ജിബി ഇൻ-ഹൌസ് സ്റ്റോറേജാണ് ഉള്ളത്. മിറർ വൈറ്റ്, മിറർ ബ്ലൂ എന്നീ രണ്ട് കളർ ഓപ്ഷനുകളിൽ സ്മാർട്ട്ഫോൺ ലഭ്യമാകും. ഈ ഡിവൈസിന്റെ 6ജിബി റാമുള്ള വേരിയന്റിന് 19,999 രൂപയാണ് വില. 8 ജിബി റാം വേരിയന്റിന് 21,999 രൂപ വിലയുണ്ട്.

റിയൽ‌മി 7 പ്രോ: സവിശേഷതകൾ

6.4 ഇഞ്ച് ഫുൾ എച്ച്ഡി+ സൂപ്പർ അമോലെഡ് ഡിസ്‌പ്ലേയാണ് റിയൽമി 7 പ്രോ സ്മാർട്ട്ഫോണിൽ നൽകിയിട്ടുള്ളത്. 1080 × 2400 റെസല്യൂഷനുള്ള ഡിസ്പ്ലെയാണ് ഇത്. സ്‌നാപ്ഡ്രാഗൺ 720ജി പ്രോസസറിന്റെ കരുത്തിൽ പ്രവർത്തിക്കുന്ന ഡിവൈസിൽ 6 ജിബി, 8 ജിബി റാമാണ് ഉള്ളത്. 128 ജിബി ഇന്റേണൽ സ്റ്റോറേജും ഡിവൈസിൽ ഉണ്ട്. റിയൽമെ 7 പ്രോയുടെ മറ്റൊരു പ്രധാന സവിശേഷത ഈ ഡിവൈസിൽ ഇൻ-ഡിസ്പ്ലേ ഫിംഗർപ്രിന്റ് സെൻസർ നൽകിയിട്ടുണ്ട് എന്നതാണ്.

ക്യാമറ ഫിച്ചറുകൾ പരിശോധിച്ചാൽ, റിയൽമി 7 പ്രോ സ്മാർട്ട്ഫോണിൽ 64 എംപി പ്രൈമറി ക്യാമറയ്‌ക്കൊപ്പം എഫ് / 1.8 8 മെഗാപിക്സൽ ക്യാമറ, 2 എംപി മോണോക്രോം, 2 എംപി മാക്രോ സെൻസർ എന്നിവയും നൽകിയിട്ടുണ്ട്. കമ്പനി അവകാശപ്പെടുന്നതനുസരിച്ച് രാത്രിയിൽ വ്യക്തമായ ചിത്രം എടുക്കാൻ കഴിയുന്ന അൾട്രാസ്‌കേപ്പ് നൈറ്റ് വീഡിയോ മോഡും സ്റ്റാറി മോഡും ക്യാമറ സവിശേഷതകളായി നൽകിയിട്ടുണ്ട്. സെൽഫികൾക്കും വീഡിയോ കോളിങിനുമായി മുൻവശത്ത് 32 എംപി ക്യാമറയാണ് നൽകിയിട്ടുള്ളത്.

റിയൽ‌മി 7 സ്മാർട്ട്ഫോണിന്റെ അടുത്ത വിൽപ്പന

ആദ്യ വിൽപ്പനയിൽ നിരവധി യൂണിറ്റുകൾ വിറ്റഴിഞ്ഞ റിയൽമി 7 സ്മാർട്ട്ഫോണിന്റെ അടുത്ത വിൽപ്പന സെപ്റ്റംബർ 17ന് നടക്കുമെന്ന് കമ്പനി അറിയിച്ചു. രണ്ട് സ്റ്റോറേജ് വേരിയന്റുകളിലാണ് ഈ ഡിവൈസ് ലഭ്യമാകുന്നത്. 6 ജിബി റാമും 64 ജിബി സ്റ്റോറേജുമുള്ള വേരിയന്റിന് 14,999 രൂപയാണ് വില. 8 ജിബി റാമും 128 ജിബി സ്റ്റോറേജിന് 16,999 രൂപ വിലയുണ്ട്. മിസ്റ്റ് ബ്ലൂ, മിസ്റ്റ് വൈറ്റ് എന്നിങ്ങനെ രണ്ട് കളർ ഓപ്ഷനുകളിൽ ഈ ഡിവൈസ് ലഭ്യമാകും.

റിയൽ‌മി 7 സ്മാർട്ട്ഫോണിൽ 6.5 ഇഞ്ച് ഫുൾ എച്ച്ഡി+ ഡിസ്‌പ്ലേയാണ് കമ്പനി നൽകിയിട്ടുള്ളത്. ഡ്യുവൽ സിം, മീഡിയടെക് ഹീലിയോ ജി 95 പ്രോസസർ എന്നിവയും സ്മാർട്ട്ഫോണിൽ ഉണ്ട്. 64 എംപി പ്രൈമറി സെൻസർ, 8 എംപി അൾട്രാ-വൈഡ് ആംഗിൾ ലെൻസ്, 2 എംപി മോണോക്രോം സെൻസർ, 2 എംപി സെൻസർ എന്നിവ ഉൾപ്പെടുന്ന ഒരു ക്വാഡ് ക്യാമറ സെറ്റപ്പാണ് ഡിവൈസിൽ നൽകിയിട്ടുള്ളത്. സെൽഫികൾക്കും വീഡിയോ കോളുകൾക്കുമായി 16 എംപി ക്യാമറയാണ് ഡിവൈസിൽ നൽകിയിട്ടുള്ളത്. ലഭിക്കും.