റിയൽമി 8 5 ജി, 8 പ്രോ 5 ജി ലോഞ്ച് ഇന്ത്യയിൽ സ്ഥിരീകരിച്ചു: നിങ്ങൾക്ക് അറിയേണ്ടതെല്ലാം

റിയൽമി 8, റിയൽമി 8 പ്രോ 5 ജി വേരിയന്റുകൾ ഇന്ത്യയിൽ അവതരിപ്പിച്ചേക്കും

റിയൽമി 8 5 ജി സീരീസിൻറെ വരവ് റിയൽമി തന്നെ സ്ഥിരീകരിച്ചു കഴിഞ്ഞു. രാജ്യത്ത് സ്റ്റാൻഡേർഡ് റിയൽമി 8 5 ജി യ്‌ക്കൊപ്പം റിയൽമി 8 ഐ അവതരിപ്പിക്കുമെന്ന് നിരവധി അഭ്യൂഹങ്ങൾ പ്രചരിച്ചിരുന്നു. പക്ഷേ, റിയൽമി 8 പ്രോ 5 ജി വേരിയന്റിനെക്കുറിച്ച് ഇതുവരെ ഒരു സ്ഥിരീകരണവും കമ്പനിയുടെ ഭാഗത്തുനിന്നും ലഭിച്ചിട്ടില്ല. ട്വിറ്ററിലെ ഔദ്യോഗിക സപ്പോർട്ട് അക്കൗണ്ട് വഴി ഉപയോക്തൃ ചോദ്യത്തിന് മറുപടിയായാണ് റിയൽമി 8 5 ജി സീരീസിൻറെ ലോഞ്ച് നടത്തുവാൻ തീരുമാനിച്ചിരിക്കുന്നത്.

റിയൽമി ഈ ഹാൻഡ്സെറ്റുകളുടെ ഔദ്യോഗിക ലോഞ്ച് തീയതി ഇതുവരെ വെളിപ്പെടുത്തിയിട്ടില്ല, എന്നാൽ, ഈ രണ്ട് ഡിവൈസുകളും ഉടൻ ഇന്ത്യൻ വിപണിയിലേക്ക് വരുമെന്നുള്ള കാര്യം തീർച്ചപ്പെടുത്തി. റിയൽമി 8 ഐയുടെ വികസന വിശദാംശങ്ങളൊന്നും ട്വീറ്റ് ഇതുവരെ വെളിപ്പെടുത്തിയിട്ടില്ല എന്നത് ശ്രദ്ധേയമാണ്. അതിനാൽ, ബ്രാൻഡ് ഈ വേരിയന്റിനൊപ്പം റിയൽമി 8 5 ജി, റിയൽമി 8 പ്രോ 5 ജി എന്നിവ ലഭ്യമാക്കുമോയെന്ന് കണ്ടറിയണം. 2021 ഏപ്രിൽ രണ്ടാം പകുതിയിൽ കമ്പനി ഈ പുതിയ 5 ജി ലൈനപ്പ് അവതരിപ്പിച്ചേക്കുമെന്നാണ് സൂചന.

നിലവിലെ കണക്കനുസരിച്ച്, ഹാർഡ്‌വെയർ, വില എന്നിവയുടെ വിശദാംശങ്ങളോ മറ്റ് സവിശേഷതകളോ ഇതുവരെ വെളിപ്പെടുത്തിയിട്ടില്ല. റിയൽമി 8, റിയൽമി 8 പ്രോ 5 ജി വേരിയന്റുകളിലെ പ്രോസസറുകളിൽ കമ്പനി പ്രത്യേകമായി മാറ്റങ്ങൾ വരുത്താനുള്ള സാധ്യതയാണിത്. സ്റ്റാൻഡേർഡ് റിയൽമി 8, 8 പ്രോ 4 ജി മോഡലുകളിൽ സമാനമായ ഡിസ്‌പ്ലേ, ക്യാമറ, ബാറ്ററി എന്നിവ വന്നേക്കാം. വിലയുടെ കാര്യത്തിലും വലിയ വ്യത്യാസമുണ്ടാകുവാൻ സാധ്യതയുണ്ട്. എന്തായാലും, ഈ ഹാൻഡ്‌സെറ്റുകളെ കുറിച്ചുള്ള കൂടുതൽ വിശദാംശങ്ങൾ നമുക്ക് കാത്തിരുന്ന് കാണാം.